جحا العراقي رئيس اهم حزب ديني في العراق

جحا العراقي

الحوار المتمدن-العدد: 1465 - 2006 / 2 / 18 - 10:12
المحور: كتابات ساخرة
    

اصبح جحا العراقي رئيس اكبر حزب ديني بالعراق بعد ان استلم القيادة والولاية بعد اغتيال اخوه في النضال من اجل الحرية والديمقراطية والدين والاسلام طبعا هو ماقصر الاخ نضاله كان معروف قبل وي الاسرى العراقيين( ابوي مايقدر الا على امي ) جانوا هو وميليشياته مستلمين الاسرى العراقين بايران ( ودك كيبلات وصوندات ) فوك ضيم الايرانيين الي جانوا مامقصرين وي اسرانا لااطباء ولا حتى شوية احترام وفوك القهر والمصيبة استلموا ابناء طائفتهم الشيعة دك قتل بالكيبلات اكثر من ما استلموا اخوانهم السنة ليش لان الاخوان الشيعة كان لازم يقاتلون وياهم وي الجارة ايران مو ضدهم حتى بهاي مظلومين الشيعة واستلموا المسيحيين وقالولهم لازم تصلون وتصيرون مسلمين واستلموا طيارين بالاسر ومن هذا التعذيب السادي لان الايرانيين هما كلش خوش ولد .

طبعا رئيس هذا الحزب جحا العراقي اصبح يذبح ويقتل بالكطنه من جان بالجارة ايران واستلم اسرى وعدمهم بايده هو واخواه هذا مو حجي هذا حجي الاسرى الي رجعوا وحجي اشخاص يعملون في حزب جحا الديني وبالعافية .

طبعا وكل هذا وماقصر من اجا على الدبابة الامريكية بعد سقوط بغداد ( دبابة مصطلح بالنسبة للذين اتوا الان مع القوات الامريكية اما مصطلح القطار الامريكي فاطلق على جماعة صدام ومعه القائد الفلتة ابو بدلة من جابوه الامريكان بال1968 )

طبعا استلمت ميليشياه الدينية بتصفية جميع علماء الذرة والكيمياوي والاساتذة والمثقفين العراقيين والضباط الي كان اختصاصهم التجسس على الضارة ايران اعتذر الجارة يمعودين لايسمعون اخوانا الايرانيين ويكولون علي وهابي واني بعبد الحليم مااعترف هانوبا اعترف بمحمد عبد الوهاب والله طركاعة قشرة .

طبعا استلموا الجميع ودك اغتيالات مابقوا ولا واحد يومية واحد ينطك بالزيت لان خلص الدهن خلصوا الرفاق من قضية الاغتيالات وبدوا بتهييج الشارع الجنوبي من اجل الفيدرالية حتى ينفصلون عن العراق ويلزكون بايران طبعا خوش تربيه مربى جحا وصرح في فرنسا جحا بعد السقوط وبعد ان خلوه بمجلس البكم صرح انه يجب تعويض ايران بمئة مليار دولار لان هو حريص على الاموال الايرانية اكثر من بلده العراق .

طبعا جحا الي عجبني انه ادخل الحشيش وتجارة المخدرات الى العراق بالمحافظات الجنوبية ليش ماعرف وليش بس بالجنوب لازم اكو مخطط تخدير الناس وعقولهم .

طبعا وبوقت ماكان اياد علاوي رئيس وزراء تم امساك سيارة متجهة الى ايران تحوي سبعة مليار دولار مهربة من العراق عن طريق حزب جحا العراقي ولكن لماذا لم تنشر هذه الوثائق في وقتها انا لااعرف ولكن نستطيع ان نسال خوالنا الامريكان .

طبعا قبل ان يستلم الجعفري رئاسة الوزراء حصل اجتماع بين الجعفري واياد علاوي وجحا العراقي وجلال الطلباني في المنطقة الخضراء من اجل تصفية الخلافات وهدد اياد علاوي بافشاء جميع اسرار التي تضر بمستقبل السياسي لجحا العراقي والجعفري الا ان تدخل جلال الطلباني انهى التوتر وبعد الاتفاق خرج اياد علاوي مع مو كبه وقبل ان يصل الى الباب قام ونزل من السيارة التي كان يركبها وحول في غير سيارة وعند خروج الموكب من باب المنطقة الخضراء دخل انتحاري بسيارة مفخخة على نفس السيارة التي صعد فيها اياد علاوي قبل ان يبدلها والتي راءها عند صعوده جحا العراقي والجعفري فاتصل علاوي بجحا وشكره على المفخخة وفي اليوم التالي اذيع بيان من تنظيم الزرقاوي يتبنى العملية التي كان جحا هو المسوول عن تدبيرها انها حكمه الهية .

طبعا استلم ابن اخو جحا مقر المخابرات العراقية بعد ان دخل شهرين دورة بامريكا (ويلقب ابن اخو جحا العراقي بعدي العراق الجديد ) .

طبعا لم يقتصر جحا العراقي على هذه الامور فقد قام بخمط الاراضي في النجف وكربلاء واصبح يملك اكثر من نصف المحافظتين انها حكمه الهية .

لم يقتصر على هذه بل وصلت الامور الى ان تدخل الميليشيه في اعمال خطف تجار ومقاولين وطلب فدية بالدفاتر انها ميليشية دينينة رائعة .

طبعا استلم جم وزارة وبدا الخمط بيها للستار وبالعافيه مامكفي فلوس الخمس وايجارات الاراضي البايكها واعمال التسليب والخمط وكل هاي جاي يخمط بعد من الدولة انها حكمه الهية .

بوي ترى كل الحجي الي قلته قليل بحق جحا العراقي بس مانريد نمصخها وهنوب الجماعة مايتعاملون الا بالدريل وانا اخاف الدريل .

تحية الى اسرانا الذي قتلوا في معتقلات الضارة ايران على يد اخوانهم من ميليشيات جحا العراقي وتحية الى كل من وقف ضد تسيس الدين بطرق خبيثة وتحية للصابرين اخواني واهلي في المحافظات الجنوبية وخاصة الناصرية .

حكمه الحلقة ( كل من لبس عباءة وعمامة واطلق لحيته وقبل احذية الاحتلال له مستقبل رائع في عراق الحرية )

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل