جحا العراقي وزيرا للخارجية

جحا العراقي

الحوار المتمدن-العدد: 1436 - 2006 / 1 / 20 - 01:32
المحور: كتابات ساخرة
    

تم تكليف جحا بادارة وزارة الخارجيه قبل فترة واخونا جحا ماقصر فقد كان اخونا جحا من المتضررين من النظام السابق وكان مسافر وعنده محل بلندن وقبله جمبر بالشارع قبل مايكمل كليته مادري شلون كمل ماجستير وهو بعده ممكمل دراسته بالكلية (بس صديقنا اكد لي ان في منطقة عقره بشمال العراق الناس تكمل الكلية وبعدين تدرس الاعدادية وتكمل الماجستير قبل الكلية ) انها حكمه الهيه .
طبعا جحا جان يستقبل كل المشترين في محله بلندن ومن يعرف ان المشتري عراقي جانت تاخذ روح الوطنية ويقوله اخذ براحتك وادفع ضعف السعر لان كان جحا يعتز بوطنيته وكان يشتري شعارات الوطنية بالالاف الدولارات وابدا ماجان يقول للعراقي وهو بمحله ابد مجان يقول (انا العراقي ما اشتري بفلسين) لاتصدقوا كلام الشاعات فانها اشاعة مغرضة حدثت امام اعين احد اصدقائي الذي كانوا يشترون من محل جحا ترى مو تصدكون اخوان والله تسوولي ورطة .
جحا الي استلم وزارة الخارجيه وسواها دولمه عراقية ( والدولمه اكلة عراقية بدينا ننساها ) قام بعدة اعمال مهمه وجبارة وعظيمه (عظيمه اخت عظيم وهو نهر في العراق ) كانت مهمته الاولى هي الاتفاق مع الدول التي كان يزورها على ضرورة وحده العراق عن طريق استقلال اقليمه (مو هو كيكه العراق والكل تريد تاكل منه ) .
طبعا وهناك محاضر مسجله من قبل هذه الدول الي تبث هيج اشاعات مغرضه تريد تقلل من وطنية جحا ( وطنية معناها كهرباء وطنية مو سحب ولا مولدة ) وقام جحا بخطوات مهمه من اجل تفعيل الاستثمار الغربي حيث اتفق مع شركات مهمه من اجل خصخصة القطاع الحكومي في العراق طبعا جحا يقصد بهذا الامر مصلحة المواطن العراقي البسيط وذلك عن طريق توفير المواد والسلع والعمل لصالح شركات اجنبية تاكله اكل للعراق وتنهبه اهووووه اعتذر تجعل العراق جميلا وتعمره وتخليه حلو بعين ناسا ( ناسا هي وكالة الفضاء الامريكية ) جحا العراقي الذي اعلن منذ البدايه انه علماني وليس ذا نزعه قوميه اصبح يزور نتائج الانتخابات في السفارات التي تقاسمها مع بقية الاطراف لصالح قوميته طبعا والغرض ليس لمصلحة ابناء شعبه او قوميته ولكن حتى يبقى في منصبه ومايرجع للجمبر او المحل مالته الي باعه وكمل على فلوسه عن طريق الهدايا الطاكه والابتزاز الي تجي من السفراء والخمط بشكل منريد نحجي بيه ويسوينا هوسه عليه واخذه له عمارة في احد الدول الاوربية اعتذر يابه اشلون راح يورطوني وي وزارة الخارجيه خليها رصيد بحساب خاص بسويسرا رقم الحساب هو (.............) يابه نعتذر واسفين ماكو هيج حجي تره كلها اشاعات على جحا لان جحا كان مناضل في سبيل العراق وراد ينطي روحه فداء للوطن (والفداء مصطلح يعني التضحية بكل القيم والاخلاق من اجل الماده والمنصب ) .
جحا اصبح متذمرا من تانيب بعض الوزراء له على سوءاداء وزارته وقال بكيفي وزارة ابوي واديرها بكيفي ( وحقه جحا لان الوزارة هي قهوة مال ابوه ) طبعا ولمن طلب من رئيس الجمهورية ان يسحب الوزارة من جحا ويسلمها لطرف يرشحه قال رئيس الجمهورية مو اخاف (خاله) يزعل ويسوينا مشكلة انبقيه بالوزارة احسن ترى مابينا حيل لزعل خاله .
ولذلك قام جحا يلعب بالوزارة شاطي باطي ولحد يقول معنى الكلمتين لان المعنى بقلب الشاعر طبعا جحا استطاع خلال هذه الفترة من ان يجعل من وزارة الخارجية العراقية مضحكه في العالم اهووووه هم اعتذر يابه والله لساني جاي يطفر حجي ماعرف منين ويريد يسويلي ورطه وي الكونغرس الامريكي.
من ان يجعل وزارة الخارجية منار وفكر وتقدير لكل وزارات خارجيات العالم بحيث امريكا بعثت بعشر اشخاص حتى يدرسهم جحا على كيفية ادارة وزارة الخارجيه الامريكية بطرق عراقية حديثة ومن ضمن هولاء السفير الامريكي زلماي خليل زاده (زاده يعني زاد وكفا ) انها حكمه الهية .
حكمه هذه الحلقة ( ليس كل وزير خارجيه ذكي ولكن كل ذكي لايمكن ان يصبح وزير خارجيه للعراق )

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل