جحا العراقي عضو في الجمعية الوطنية واخوه محافظ العمارة

جحا العراقي

الحوار المتمدن-العدد: 1466 - 2006 / 2 / 19 - 09:12
المحور: كتابات ساخرة
    

اصبح جحا من الشخصيات المهمة بعد السقوط واصبح عضو في مجلس الحكم وبعد انتقال السيادة ( انتقال السيادة مصطلح هندي بيه ممثلين اميتاب وراجي كابور تعرفوهم مو ) اصبح عضو في الجمعية الوطنية وطبعا ( جبحا ) لااخوه منصب محافظ العمارة واخوه ماقصر وي العمارة فوك قهرها وضيمها اجاهم طنطا جديد ( طنطا مدينة بدولة مصر ) طبعا اخاف البوك بالنظام السابق جان فلسان صار البوك بهاي المنطقة الي تعوم على بحيرة نفطية واهلها افقر ناس وعدهم الكرم والخير والنخوه اهم من كل شي طبعا صار البوك مال محافظ بالدولار الاخ مامقصر وي اخوه يدزلله الارباح اسبوعيا يتحاسبون على اعمال تهريب النفط للجارة ايران المومنة والشريفة وتهريب المخدرات من الجارة ايران الى الجارة السعودية اثنينهم نفس الايمان مو مزوجين اخوان وبيع المخدرات داخل العراق لابناء الشعب العراقي وتدمير القيم العراقية الي حاول النظام البائد تدميره وماقدر بس الاخوان هنا مصرين على تدميره بعد ان دخلوا مصانع ( USA ) طبعا والارباح هو واخوه بالنص وخاصة بعد ان سيطر على العمارة بمليشيات ترعب وتهدد وتقتل كل من يعترض او يحاول فضح اسرار المحافظ الزرزور ( طائر يلقب بالبعيعي ) طبعا واستلم اموال المنح الي توصل للاعمار ا لمدينة بيده ووزع المقاولات لاقربائه وبلطوا شارعين ورمموا مدرستين ماتحتاج الترميم وسواء مستوصف وطكوا مليارين دولار طبعا هو البناء غالي بالعمارة لان الطابوق يصنعوا من ذهب هو والرمل فلذلك يكلف البناء .

وانا هنا لست بقصد ان اتكلم على محافظ العمارة الي مصخها وخلاها بلي ملح ويجي يوم والوثائق موجودة يستلم القفص مثل الي قبله ابو القطتين .

انا اريد ان اتحدث عن صاحبنا جحا عضو جمعية وطنية ورئيس حزب طكعاوي ويحجي بالمثل والقيم والاخلاق وجان يسموا امير (وهو فعلا امير بس للحمير ) .

طبعا لازم استعرض بطولة جحا ونضالات جحا العراقي ضد الطغمة البائدة والفاسدة والتي اثبت هو انه ليس باقل من مستوى هذا الطغمة اذا لم يكن قد عبرها ونبدا بتاريخ جحا النضالي .

1. قام جحا بعد احداث 1991 يظهر نجمه وبدا يقول اننا سنحرر العراق من الفساد فاتفق مع مجموعة من الاشخاص ليكونوا ميليشية ضد النظام البائد ويحتموا بالاهوار وبسبب اعمالهم اضطر القائد الفلته من تجفيف الاهوار على روؤس من ليس له علاقة بالامر وشرد من سكان الاهوار اكثر من عشرين الف شخص بسبب عبقرية جحا .

2. جحاالعراقي قام بالاتفاق بعد الانتفاضة الاولى 1991 مع اهل الناصرية والبصرة من اجل اسقاط هذه المحافظات ومع ميليشية منظمة من حزب اخر ومع ضابطين حتى يقوموا باسقاط خمس محافظات جنوبية وعندما اسقطت محافظة البصرة والناصرية على يد اهله قام وسحب نفسه مثل ( الجريدي ) وخله النظام السابق يقمع ناس هاتين المحافظتين .

3. كانت ميليشية جحا تقوم بتسليب وقتل واختطاف واغتصاب النساء امام امهاتهم وازواجهم وسرقة الناس طريق بصرة بغداد طبعا والي ميصدقني يقدر يزور محافظة العمارة والبصرة ويسال الناس وانا اتحدى اي شخص ينفي كلامي .

4. دخل بعد السقوط وسوا نفسه جحا رئيس حزب ديني وهو بعد دماء العراقيين وشرف النساء الي اغتصبهم هو وميليشيات برقبته والله يسامح العفطي الي خلاه بهيج منصب.

5. قام يحجي بالدين والسياسية ويهمبل على العالم هو وعشيرته بعد ان كانت العالم تشفق عليه وتساعده وحسبالها راح يوقف الها اذا صار شخص مهم طلع الاخ فاشوش وخماط درجة اولى بعد ان كان نشال بالعراقي اصبح شافطة بالدولار واصبح يحجي بانه هو الي حرر العراق من النظام السابق ( والله وسفه على الزلم اذا بيها هيج مطي )

نكتفي بهذا القدر من تاريخ ونضال جحا اما مصادر تاريخه فموجودة عند اي مواطن تساله من محافظة البصرة والعمارة والله يساعد الناس على هاي المصيبة .

حكمه الحلقة ( كل شخص حرامي وسلاب في السابق يصلح ان يكون ذا منصب سيادي في الوقت الحالي )

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل