جحا العراقي وزيرا للتجارة

جحا العراقي

الحوار المتمدن-العدد: 1541 - 2006 / 5 / 5 - 08:31
المحور: كتابات ساخرة
    

شلون وي صاحبنا جحا والله تدمرنا من وراءه ......... يومية مستلم منصب ومامدبر اموره يعني بعد شيسوله خوالنا الامريكان اشو سلموا بهاي المناصب ولحد الان ما اثبت جدارته وكلها طلعت جايه على اللغف والخمط والبوك ومحد جاي على الوطنية يعني والله دمرت متاكدر افكر بعد شراح يخلصها وي هاي العفطية ومااعرف شلون... مومشكلة الناس هي الحكم والشاهد على تصرفات هاي الحكومة وهي الي تقدر تعرف منو راح يبقى ومنو راح يندكله طابع .

طبعا اخوان استلم كاكا جحا وزارة التجارة وشلون وزير تخلي على الجرح يسوي الجرح سرطان ( سرطان مو روبيان اخوان ) يعني هذا العراق كله واخوانا بالشمال الي عدهم الالاف الكفاءات العلمية والدكاترة والمثقفين والمفكرين مالقوا غير هذا الزمال يجبوه النا من قلت الزينين . صدك ورطة

انا ماعندي مانع بنفسي اقوم بترشيح شخصيات كردية على مستوى دكاترة وعباقرة يقدرون ان يتولون هذه الوزارة بس شقول غير هو وقت العفطية من امده للوقت .

طبعا تعرفون اخوان انه احد العلماء العباقرة في مجال التكنلوجيات الحديثة بوقت النظام الساقط كان من اخوتنا بشمال العراق الحبيب وكذلك احد الشخصيات الجامعية العلمية والمهمة التي طالتها ايادي الغدر والاغتيال بس غير الوقت الي خلا الاحزاب القومية عدهم تسيطر على العقليات الفكرية والعلمانية.

وطبعا اخونا ماقصر محمود عثمان كان شيوعي وهسه من جتي موجة القومية ركب الموجة صارلي ذا نزعة قومية كردية للاسف اخوي انجريت وراء اللعبة القذرة الي رادها الاستعمار مو مشكلة فكرنا مفتوح للكل ومصيرك جناحتك تاخذك لهدفك الاول وترجع باحضان فكرك.

اخوان جحا العراقي استلم وزارة التجارة والله شلون وزارة ارقى وزارة بالعراق بعد النفط خلي اعلمكم اخوان شبيها هذه الوزارة عقود تخبل من سيارات ومواد غذائية وانشائية وكهربائية والخ وتعرفون من يوقع العقود ......؟

لازم الوزير مو غير واحد الي يوقع ونسبة 5% كافية على كل عقد توضع في عدة حسابات لعدة اشخاص مو بوحده حتى انكون منصفين وياه هذا الوزير وبالعافية. طبعا مع وجود نظام الرشاوي وفوك كل هاي وهم مو مشكلة هسه المصايب تجيكم بالسره ( سره مو صرة البطن اخوان سره يعني دور) .

اخوان طلب جحا من اكثر الموظفين الي يدخلون عليه ويقابلوه يجب ان يتكلموا باللغة الكردية بوي شلون الي مايعرف هاي اللغة يعني شلون ميشتغل بوزارة التجارة ( على كيفك جحا ترى العراق للكل مو الك بس افتهمت من تتعلم تحجي تركماني واشوري وكلداني وعربي ويزيدي تعال اطلب من البقية يحجون بلغتك افتهمت ) وهذه اشاعة مغرضة حدثت امام انظار الكادر الرئيسي لموظفي وزارة التجارة .

طبعا جحا العراقي يخاف يطلع من الوزارة ويخاف يوصل الها لان يخاف على نفسه من الاغتيال وصاير نسبة الفساد بهذه الوزارة اكثر من 1000% والرقم اخذ بالارتفاع وكل هاي واخونا مقضيها كلها ايفادات بالدول الاوربية وصرف بهاي المبالغ للايفادات اضعاف مضاعفة مامكفيه الخمط مال نسب العقود والرشاوي لاحقهم حتى على الايفادات يروح اسبوع ايفاد ويصرفوله مال شهر شلون والله مادري بس كل شي بالعراق يصير .

طبعا مستوى الوزارة صار توب للامانة فكل موظف في هذه الوزارة عنده شهادة جامعية اصبح موظف عادي فيها وكل من لديه شهادة ابتدائية اصبح مدير فيها شلون وي جحا عرفنا هو مطي بس مو لهاي الدرجة .

وكل نظيف بالوزارة بدات حرامية الوزارة بمحاربته وتهديده بالقتل وخاصة ان اكثر انتماءات هولاء الحرامية لااحزاب دينية شلون وي الميليشيات الدينية يعني شنسوي بعد .

واذا ماقدروله نقلوه الى موقع ادنى ووضيع حتى لايضل شريف وحتى يتادب خوش تاديبه .( اخوان صدك هو ليش يصير شريف يمكن يعجبه الممثل المصري عمر الشريف ) .

طبعا الوزارة متروكة بيد مزعطة تديرها والوزير ولا اله اي علاقة بالوزارة ( بس توقيع العقود ) ويقلهم انا اخاف على نفسي من الموت اطلعوا انتوا ديروا الوزارة بدالي......

هو هذا منطق جحا اذا انت مو كدها قدم استقالتك واطلع ( جلبت خوما جلبت )

طبعا اخوان كل هاي والمواد الغذائية وخاصة الحليب الاطفال مشمر( مرمي ) بالمخازن تاكل بيه الجريدية والفئران ويجيف ويتعفن ومايوزعوه للمواطن العراقي البسيط ملايين من الدولارات شهريا تنتلف وتتبدل بعض المواد بمواد اردى منها بفرق سعر وكلها بعلم وزير التجارة وامام انظاره وهو ساكت صدك زمال وحرامي شحجي عليه اكثر من هذا الشي .

طبعا مواد الحصة بداوا ياخروها على المواطن حتى يخلوه يتعود شويه شويه ان لايعتمد عليها ومن ثم يلغون نظام الحصة وبعلم جحا رئيس الوزراء ( وهو يعتبر الزمال الاول قبل وزير التجارة ) وهذه اشاعة مغرضة من اشخاص اقترحوا هذه المقترح على الحكومة العفطية التي وافقت عليه واخذت الاجراءات بتنفيذه ( بشكل سري ) وبعد فترة سوف يتقبل الناس بفكرة الغاء الحصة التموينية ( واذكروا احجياتي بعد فترة موهسه لان الوضع بعده مستوي ) صدك كلش اذكياء باذية الشعب العراقي .

خوات الخواتل باذية المواطن العراقي البسيط كلها تتفق عليه بس بمصلحته كلها تختلف عليه صدك امهاتكم شريفات.

طبعا كل هاي وجحاالوزير مستلم عقود الي تجهز لشمالنا الحبيب ومخلي الها الاولوية وكلها يوقع عليها موافق بدون مراجعة بس من توصل شغلة عقود لمحافظات الوسط والجنوب يعرقلها لان ماكو تخصيصات بس للشمال التخصيصات مال عراق لازم تمشي للشمال اما الجنوب والوسط يقول جحا اعذروني انا ماعندي صلاحية.

يمكن اخوان ماعنده صلاحية ليش نظن السوء بيه . بس انا اخوان مااعرف جحا بهاي الشغلة هو عنصري لو زمال انت احكموا مو اني وطبعا هاي اشاعة مغرضة حدثت امام موظف قريب من جحا الوزير اللنكه .

اخوان المشكلة بقية الحجي كله بالارقام مااقدر اقوله حتى لاتتاذى مصادر معلوماتي ويطركعوها على راسي الميليشيات الدينية والكردية ونطلع احنا مسوولين عن كل عمليات السرقات الي تجري بالوزارة وبكل الوزارات كلشي يصير بالعراق اخوان هي كاميرة مال قناة العراقية ويجبون اهلي قدامي ويهددوني اذا مااطلع احجي قدام الكاميرة واقول انا حرامي وقاتل وارهابي وزرقاوي وخضراوي وعفطاوي ياذون عائلتي امامي وطبعا راح اضطر احجي كلشي يريدوه هما ويلقنوني اياه لان انا شريف مو مثلهم مايهتمون لابشرفهم ولابشرف وطنهم .

طبعا والنكتة الماشية بالعراق هسه ( انه سالوا رئيس الوزراء الحالي بموتمر صحفي قالوله عرفنا معنى الشرف السياسي قاللهم ان تعطي اعز شي عندك للامريكان حتى تبقى جالس على الكرسي نفسه فقال له الصحفي مو انت راح تطلع من رئاسة الوزارة فاجابه رئيس الوزراء مو الامريكان مللوا مني ) . وهاي نكته هالايام تتداول فقط في محافظة بغداد وبعض الوزارات المو سيادية اما النكتة الثانية فاعذروني شباب مااقدر احجيها لان مواضيعي يقراءها الجميع وشويه هي صعبة قدروا الموقف اخوان واعذروني . تعذروني مو .( طبعا هسه يراسلوني الجماعة حتى يعرفون النكتة الثانية بس اسف كلش قوية ومااقدر اذكرها ) .



حكمه الحلقة ( عندما تضع زمال وعنصري في وزارة يجب عليك ان تعلمه عندما يسرق لك وله ان لايفضح نفسه )

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل