جحا العراقي مدير فرع الاستخبارات الامريكية في العراق

جحا العراقي

الحوار المتمدن-العدد: 1504 - 2006 / 3 / 29 - 05:29
المحور: كتابات ساخرة
    

اه ياشاعرنا الكبير مظفر النواب البارحة بالليل وانا اشرب اذكرت ابياتك الحلوة الي تقول....

لو كنت هنا خبئته بسترتك التاريخية رغبتها وهمست بدف في رئيتها الباردتين ايقتلك البرد
انا يقتلني نصف الدف ونصف الموقف اكثر سيدتي نحن بغايا مثلك يزني القهر بنا
والدين الكاذب والفكر الكاذب والخبز الكاذب والاشعار
ولون الدم يزور حتى في التابييني رماديا ويوافق كل الشعب او الشعب وليس الحاكم اعور
سيدتي كيف يكون الانسان شريفا وجهاز الامن يمد يديه بكل مكان والقادم اخطر
نوضع في العصارة كي يخرج منا النفط نخبك نخبك سيدتي
لم يتلوث منك سوء اللحم الفاني فالبعض يبيع اليابس والاخضر
ويدافع عن كل قضايا الكون ويهرب من وجه قضيته سابو...... عليه واسكر

شلونك اخوي مظفر صارلي فترة ماسامع شي عنك كنت اتمنى احضرلك اي امسية بعد سقوط بغداد بس المشكلة اخلاقي ماتسمحيلي اجامل كل الي حاضرين بالامسية مالتك لان شكد ماكو بيهم وطنيين ومناضلين حقيقين جان اكو هم بيهم منتفعين وملفقين ومنافقين وشكول زفرة منريد انجيب اسامي انا اعرف انت رغم كل المتملقين تبقى نظيف صدقيني انا جدا احترمك اخ مظفر انت اشجع مني اقله كنت تقول شعرك بوجه الطغاة ومتتخفى باسمك مو مثلي انا .... اخ مظفر رجاء من صديق قديم وعتيج وياك بالمبادى رجاء الى كل من يستطيع ان يوصلك ويقدملك رجائي اريد ان تكتب قصيدة عن معاناة العراق جديدة لخاطر كل المعوقين بسبب الحروب ولخاطر الكفيف والاعمى والاخرس ومرضى السرطان ولخاطر المجانيين والايتام الي من سقطت بغداد تعرضوا للقتل والاغتصاب من قبل كلاب تنهش بالبشروكامت تنباع اعضائهم البشرية بدون علمهم وامام اعين الاطباء والمسوؤلين في المستشفيات ومن ضمنها ( الشماعية ) رغم انه بعض من هذه المستشفيات تدار من قبل منظمات اجنبية لكن اللعب صار اخطر مما تتصور اخ مظفر ارجوك بلكت يحنون عليهم من بره اخوانا العراقيين والعرب والاكراد والدول الاجنبية ويلتافون لهذه الشريحة الي انعدمت ومحد سامع صوتها لحد هذه اللحظة وارجو ان لايدزون مساعدات لا اريد هما بنفسهم يشرفون على توزيع المساعدات لهذه الشريحة مو الدولة لان الدولة مابيها ولا واحد وجها رحماني وملتهية بالبوك والخمط حتى اموال المساعدات ماخلصت من بوك الحكومة واقسملك اخ مظفر النواب انه انا ماعندي اي شخص معوق او مريض نفسي او اي شي بس انا انقهر على هذا الفئة واريد اعبر عنهم شويه وعن المعلومات الي وصلتني عنهم ومن اشرب ابجي على العراق وعليهم تساعديني اخ مظفر اعذرني انا مااكدر انطيك اسمي الحقيقي لان انا مااخاف من الموت بس اخاف من الغدر واللعب القذر مو مثلك انت شجاع وقفت بوجه دكتاتوريات وكنت تلقى شعرك الشريف امام كل القذرات الي ماجانت راضيه عليك وماجنت تخاف ...
اخ مظفر منتظر منك او من اصدقائك يوصلولك الرسالة واريد رد عليها .
................. نرجع لموضوعنا الاساسي واعذروني اخوان على الفاصل الاعلاني قبل الموضوع الاساسي تعذروني مو .......


جحا العراقي كان يشتغل مدير للاستخبارات الامريكية في بغداد بعد السقوط في مقرها الرئيسي والمتمثل بنصب الجندي المجهول وهناك كادر يهودي امريكي يعمل في هذا المبنى الطابق الارضي الي كان تحت معرض الهدايا قبل السقوط ويعمل اضافة الى الكادر الامريكي في هذا المقر كادر يهودي يلبس كله القبعة المعروفة .
جحا العراقي يعرف انه يوجد اكثر من مقر للاستخبارات الامريكية بحكم طبيعة عمله واحد هذه المقرات فندق غير معروف في بغداد والمقر الاخر في السليمانية في مكتب عادي لمنظمة عادية ومقر في مطار الموصل ومقر ين اخرين في مكانين لانحب ان نذكر اسمائهم حتى لاتنلاص علينا اكثر من ماهيه مليوصة هسه ويزعل حجينا بوش وهذين المقرين واحد منهم مسوول على بعض عمليات التفخيخ والعبواءات .
وللامانه فقد كان مقر كادر الاستخبارات (الاسرائيلية ) بعد السقوط في بيت ابن احد الروساء السابقين في داخل القصر الجمهوري .
يتكون المقر من عده اقسام ظاهرية عملها واقسام باطنية( خاصة ) لاتعرف نوعية عملها من قبل الكادر الظاهري ويسمى القسم الباطني او الخفي ( بغرفة عمليات الاعمال القذرة ) انه مصطلح الجنود العاملين فيه وليس مصطلح القيادة طبعا جميع من يعمل في هذا القسم يلقب باسماء لاتشبه اسمه الاصلي وهذا شي طبيعي .
وليس غرضنا ان نتكلم عن الاقسام الظاهرية لانها لاتهمنا ولكن يهمنا القسم الخفي واعماله التي هي مسوولة عن اعمال التفخيخ ( راجع حلقة جحا مفكك للعبواءات ) وكذلك اعمال اغتيال كفاءات علمية عالية المستوى وعمليات اختطاف وعمليات اغتيال صحفيين بحوادث مجهولة وغريبة .
وغرفة عمليات كاملة تعمل على بث الاشاعة التي يحبها ويعشقها الشعب العراقي لغرض ضرب الاطراف السياسية ببعضها من اجل تحقيق اهداف المحتل .
واحب ان اقول ان تقرير تفجير مقر الامم المتحدة واغتيال مبعوثها في بغداد لم يذكران الوفد الامريكي والبريطاني تاخر عن الاجتماع ( الاجتماع المقرر مع دوميللو ) ساعة قبل التفجير رغم ان مواعيد الانكليز والامريكان مظبوطة ولم يذكر انه هناك عبوءة مزروعة في مكتب الاستاذ الرائع والنظيف دوميللو منو الي زرعها في مكتبه بالرغم من ان حمايته كلها امريكان تقدرون تسالون مقر الاستخبارات الامريكية بالعراق .
تذكرون دوميللو شصرح قبل ميجي للعراق موجوده مقابلة بارشيف الجزيرة حسب ماذكر كان اخر تصريح له وهو الي تسبب بمقتله على ايد جماعة جحا للاسف دوميللو ماكان عراقي بس كان وطني ويحب العراق ويهتم لاامره اكثر من الحكومة العراقية الي ملتهية بالكراسي والخمط وتاركه الشعب يحترك .
اما عبوءات التفجير وعملية تفجير الكنائس اسالوا عنها مقر المخابرات الاسرائيلية في بغداد والسليمانية اسالوا الي منتحل اسم ديفيد او حسب ماذكر يمكن ستيف هيج شي ويداوم في ................... خليها احسن
جحا انت صدك انطيت امر بقتل مراسل العربية ( الخطيب ) وتصوير العملية على انها حادث عرضي وكل هذا بسبب لقاء المراسل وي بعض الجماعات المسلحة وحصوله على شرائط وثائق تضر وتفضح تجاوزات الجيش الامريكي وتسليمها الى مقر العربية الي فيها شخص يعمل وياكم ووصلكم هذه المعلومات واصبح خطر هذا المراسل يهددكم واجى امر بقتله صدك يالخطيب انت نموذج للمراسل الشريف انقتلت قبل ماتشوف طفلك يولد وشكد عانيت من كان ابوك اسير بايران وشكد انت تبغض الطائفية انت واهلك وزوجتك سنية تحية الك من منبر كتاباتي لان انت شريف وصدقني انا حاولت عدة مرات ان احصل على ارشيفك وماقدرة احصله بس للامانه جحا العراقي انت مالك اي علاقة بمقتل مراسل الشرقية احمد البكري لانه كان حادث عرضي من قبل جندي امريكي اعترف بخطاءه وكان على استعداد لدفع اي تعويض لعائلته التي لم تتقبل الامر .
بس جحا انت الك علاقة بمقتل ( سعد ) المترجم الخاص بالسفير الايطالي واصابة سائقه في تكريت وكانوا متواجدين مع السفير في وفد ايطالي بنفس السيارة حين وجهت القوات الامريكية النار عليهم حسب اوامر من حضرتك . .وكانت هذه رسالة لايطاليا ان لاتتدخل فيما لايعنياها وفعلا وصلت الرسالة وسكتت ايطاليا عن التدخل في امور انت تريد وحدك السيطرة عليها .
جحا وانت كنت مسوول عن تهجير بعض المنظمات الانسانية التابعة للامم المتحدة لغرض ان لاتحاسبوا او تلاحقوا اعلاميا وامميا على تجاوزات الجيش والجنود الامريكان وتبقون البلد في دوامة الفوضى حتى تستمرون بنهب النفط وشرائها ب17 دولار واحتمال هسه راح يصعد سعر شرائكم اله يصير 23 دولار للبرميل .
جحا صدك انت امرت بقصف منزل في منطقة متوترة بيها عوائل واطفال لتوصل رسالة بان الاحتلال قذر ولايهمه احد حتى يخاف الباقون .
و قمت بتدريب الضباط على تعذيب السجون ونشرت الحقائق لتغطي على عمليات القصف وتحول راي الاعلام عن قضية الهجوم على منطقة المفخخات .
صدك انا احترم ذكائك بس مشكلتي انه انا افكر مثلك مو علمني البطل والشرب شلون اتعامل وي اصدقائي واعدائي واعرف اشلون يفكرون .
جحا انت بسنة 2004 قدمت كيك وبيبسي للسجناء في الشعبة الخامسة بالكاظمية وكتلهم هاي بمناسبة احنا لزمنا الزرقاوي زين ليش طلعت الزرقاوي وراءها وافرجت عنه ليش جحا جاوبني والولد الي شهدوا الحادثة موجودين لحد هذه اللحظة .
جحا صدك انه الذين مثلوا بجثثهم في الفلوجة من جماعتك كان بيهم اصماخ كبير من جماعة الاستخبارات كان جاي يشوف المنطقة لغرض وضع دراسة عن كيفية اللعب مع الجماعات المسيطرة عليها .
و صدك انت قمت توزع مكافاءات من خمسين دولار الى الف دولار ليدليلك بمعلومات مهمة حتى تقوم بتصفية من يسبب القلاقل عليكم وتحاول ان تعرف كيف تسيطر .
صدك عجبني اسلوبك وتعاملك وي محافظة بابل وانا اعرف شتريد من هذه المحافظة بس خلي بالك ترى بابل مو ارض الميعاد بابل عند العراقيين اهم من من كل شي لاتحاول تلعب العابك القذرة بمساعدات بعض العصابات وتزويدهم بالمال لعمل هذه الفوضى ويكفي انه سيطرة الحلة- بغداد لزمت اكثر من مرة اشخاص امريكان متلثمون بزي عربي ومحمله سيارتهم مواد متفجرة وكان يفرج عنهم دائما من قبل القوات الامريكية بعد اعتقالهم بساعة والي ميصدقني يسال اي شرطي صارله سنة يشتغل بسيطرة الحلة- بغداد وهو يجاوبه احسن مني .
طبعا ياجماعة جحا كان مسوؤل عن اكثر من تفجير على مراكز التطوع للجيش العراقي وبعض من هذه التفجيرات بعلم جهاز المخابرات العراقية ومساعدته .
جحا ترى انا ناقص مثلك فاعرف شلون تفكر واعرف انت لعبة لعبة قذرة لفظ تحالف كان قائم بين هيئة علماء الخطف وبين التيار الكهربائي وسلطت واحد على الاخر حتى يصفالك الجو ومن ثم تقوي الطرف المظلوم على الظالم اعترف جحا انت بهذا جدا ذكي وتحية مني الك على ذكائك بهذا الشغلة ولكن عندك شغلات غبية كان مايحتاج تحتل هيج دولة كان من الممكن ان تبدل النظام بنظام يخدم مصالحك لو فكرت بعقل اكثر بس انت استخدمت اسلوب القوة لان كنت مدفوع من قبل جهة المنظمة اليهودية وغلطت لو جاي ماخذ استشاراتي كان من الممكن ان اساعدك احسن من ما حاولت اغتيال النظام الساقط في منطقة صدامية الثرثار بلغم ارضي نوعية معدلة وحديثة ومتصل بجهاز بث عبر الاقمار الصناعية كان موضوع على الممر الرئيسي للقصر الرئاسي في صدامية الثرثار حسب مااذكر اني اتوقع هذا الشي 1999 وانكشفت المحاولة بسبب اعتراف احد الاشخاص على جماعته تذكره جحا هذا الشي لو اذكرك . تذكر جحا من طلبتوا من صدام ان يتنازل عن الحكم قبل السقوط بفترة لصالح طارق عزيز وخلقت ازمة بين الاثنين وخليتوا طارق تصير بيه ازمة قلبية صدك اذكياء ضربتوا عصفورين بحجر واحد .
جحا ترى العراقين مانايميين ومو اغبياء مثل ماتصورهم ترى احنا هوايه بينا يعرف مخطاطتكم بس هسه الوقت ميخيلينا نلعب وياكم لاننا لانومن بمبدا العنف والقتل نحن نومن بمبدا القلم والكتابة وكشف المستور ومابين السطور . نصيحة الكم لاتحاربون الشيوعيين بطرقكم القذرة ترى انا اعرف شلون انتو تفكرون وشلون تخططون ترى احنا الامل الوحيد في تحقيق عراق مستقر وتهدئة التيار الديني المتشدد الي راح يحرككم قبل ماننحرك نحن فيه اذا ردتوا انتو استقرار للمنطقة .... بس انا الي عندي يثبت انتوا مكيفين على هاي الوضعية وعدم الاستقرار .
عيوني خوالنا خوما زعلتوا منا ترى داشاقه وياكم انا يمعودين كل حجي على المقرات ياجماعة كذب ولاتصدقون بيه وتقدرون تتاكدون من كذبه بس اهم شي لايزعل خوالنا انا فقط حبيت الااطفهم شويه والطف الجو والي يريد يكذب او يصدق حجي خل يسال جماعة المخابرات العراقية ( الخاصيين ) جحا ترى اخوي اخوي دير بالك عليه خليني اكمل حلقاتي كلها وبعدين شتريد سوي بيه سوي وبالمقابل انا اوعدك انه ماراح انزل اي ملحق عن اعمالكم الاستخبارتية وماراح اذكر اسمك المستعار الي تستخدمه ببغداد او اسمك الحقيقي لاي شخص اتفقنا ترى انا فايدكم اكثر مما ضاركم ( يكفي خبر السفير الروسي وبعد فترة راح اطلع وثائق مهمة عن دولة مو عالبال ولا على الخاطر مستفادة ومساهمة في عملية زيادة التوتر بالعراق بس خلوني اكمل انا مجاي العب ) مو تخونون الاتفاق ولو شغلة الخيانة عادية بالنسبة الكم وخاصة بموتمر لندن شخيلتوا المعارضة توقعلكم وسجلتوا عليهم اشرطة تبين فضايحهم وليش كل مرة تهددون هذه الحكومة بافشاء وفضح الشرائط اقدر اسال ليش بس مجرد سوال .
اعتذر عن نشر مقالي الذي وعدتكم به في هذه الفترة عن قصة بنك البتراء للتاكد من المعلومات من الاردن وخاصة انها طلعت تخص ثلاث شخصيات وليست شخصية واحده ومن ضمنها شخصية الملك الحسن الي كان له يد مع الدكتور ابو شهاب مع شخصية اعلامية عراقية معروفة في كشولت مصرف البتراء ترى لعبنا ثقل شويه .

حكمه الحلقة ( اذا اردت ان تعرف كيف يفكر الاحتلال ضع نفسك مكانه وفكر بعقليته لا بعقليتك وانسى عاطفيتك )

#جحا_العراقي (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات