جحا العراقي رئيس حزب التجمع الجمهوري

جحا العراقي

الحوار المتمدن-العدد: 1556 - 2006 / 5 / 20 - 10:31
المحور: كتابات ساخرة
    

صدك جذب منو يصدك جحا يصبح رئيس حزب شلون لزكته جحا وشلون سويته لك بس اريد اعرف انت مو اصلك امريكي للعظم اشو هسه صايرلي تحجيلي بالوطنيات صدك عجيبة وكلش عجيبة انا نفسي ممصدك واليوم انا واعد الجماعة انطيهم ملف كامل عنك وخاصة انه لجنة النزاهة لازمها حزب مو اشخاص مستقلين وخاصة انه هذا الحزب متورط باعمال فساد ماتقل عن اعمال الفساد الي كان متورط بيها عدي وقصي بالعراق والملف عندي كامل بس منتظر الفرصة المناسبة واعرف شلون الابيدي اقفل عليهم باب السجن بس المشكلة هسه مااقدر.

جحا شحجي عليك مااعرف منين ابدي مجاي اعرف.

خليني ابدي بعد السقوط احسن حتى نذكر تاريخك كامل بس لاتزعل جحا ترى كلكم نفس الخيسة بس الفرق شي واحد انه اكو جماعة يشتغلون على كل الاطراف مثل اخوانا اصحاب الميليشيات الدينية واكو جماعة تشتغل على طرف امريكي وعربي وهي تمثل جماعتك اخ جحا

طبعا اخوان دعنا نتكلم عن جحا من البداية قبل ان نصل النهاية اشلون وياك جحا اشو انت جيت على الدبابة الامريكية مثلك مثل غيرك بس يقولون انت من اقرباء بريمر لان متزوج امريكية من اقارباءه واتوقع هي رئيسة مديرة- ناحية- ولاية- قضاء بامريكا هيج شي حسب مااذكر طبعا قبل ماتبدي تفكر بان تسوي حزب جيت وكان هدفك الخمط وطبعا بما انه بريمر نسيبك وصديقك حولك مقاولات بمناطق كثيرة من ضمنها في المنطقة الخضراء حسب مااذكر طبعا والنسبة بالنص الك ولبريمر وهذا الشي الحلو......

بناية متسوه اعمارها مئة الف دولار استلمتها باكثر من عشر مليون دولار بالعافية هي بقت عليك اشو هي كلها جاي تخمط والخمط واصل للستار. ( ستار اخو جبار ابن عم عمر المختار)

عمي جحا ميخالف لحد هنا اوكي بس مال تسويلي نفسك وطني وانت كل شربك ونسوانك بالليل وي الامريكان وي الجنرال منريد نذكر اسامي لهنا وتعذرني اخوي لان سويتها بلي ملح ( مو بلي ستيشن اخوان ) طبعا لاتظنون اخوان انه جحا اشتغل وحيد قرن للامريكان لااخوان ارجوكم لا ومية لا ..لان هنا جاي تظلمون حيوان وحيد القرن .

جحا طبعا اعرف انت هنا متزوج من عراقية بس بعدك على ارتباط بزوجتك الامريكية الي سندتك هوايه وبالعافية وراء كل رجل زمال امراة تحكمه عمي جحا انت على راسي بحجيك قدام الناس بس قدام مرتك الامريكية اتصير مثل الخروف الوديع وسفة على الزلم جحا ترى هاي اشاعة مغرضة حدثت امام احد اصدقاء جحا المقربين له جدا ترى ماترزل اخوان ابد ماترزل شوفو اخوان شلون شخص حاكمته مرته الاجنبية يريد يحكم العراق صدك فهيم وحلمان .

جحا اشو انت الصبح بديت تلتقي بروساء العشائر وتزق بحلقهم هذه الفلوس حتى يسندوك بالانتخابات وانت تعرف انهم يضحكون عليك وكل هاي مااكتفيت سويتلك حزب ( وبدعم من الامريكان بالبداية ) وبديت تسويلك مقرات للحزب ومن صارت احداث النجف اتصلت بقائد التيارالصدري ماادري البطني وابلغت ان الامريكان قافلين عليه وساعدته بمبلغ حتى تقوم بعد فترة وتطلب منه ان يسندك بالانتخابات الاولى وهو دك الك طابع ابو الكصة وقال لك تعذرني تذكر جحا من كلك حبيبي ....اسف انا ارفض الانتخابات لانها تبقي الاحتلال . ( على اساس قائد التيار وطني وهو عفطي وقشمر اكثر من القشامر نفسهم ) .

جحا تذكر من طلبوا منك الامريكان ان تسحب نفسك من السياسة وقالوا لك انت ماتفتهم بيها وقالوا لك احنا نعرف انه انت مانقدر نسرحك بدجاجة مربوطة بيدك وانت ماقبلت واصريت ان تكمل المشوار لان السياسة تعني عقود مقاولات وملايين من الدولارات وخاصة انه نسيبك بريمر فلت ودك الك طابع .

وبديت اول مابدت ازمة العلم العراقي طبعت اعلام عراقية عليها شعار حزبك الطنطا بس مااعرف ليش جمهوري مو اكو بالكونغرس الامريكي جمهوري وديمقراطي اعتقد مرتك من جماعة الجمهوري لذلك سميت حزبك هذا الحزب عمي بالعافية عليك طبعا هسه الاخوان يقولون لك منين جبت هذه المعلومات عنك وان اقلهم مو كلشي ينقال والحساب يجمع وانا اتحدك جحا تكذب اي معلومة من المعلومات الي قلتها انا وانا مستعد انطيك حتى التواريخ حبيبي ...

طبعا اخوان بدا جحا يحاول ان يبين نفسه شخصية مهمة ووطنية امام الناس وهو بالليل بمقره قعدات شرب ونسوان ووطنيات وي الامريكان بشكل راقي وكلها استفادة والامريكان يقشمرون بيه بهذه الوعود الكاذبة ومايلاحقون وهو مصدك صدك كلش فهيم ومطي ....

عمي جحا من انضربت الفلوجة والنجف شسويت قعدت مثل الطنطا تحجي شكل قدام العالم وانت من جوه لجوه مويد للامريكان وهسه صايرلي وطني ( لك من امده الزلم الي بيه هيج واحد محسوب عليهم ) .



حكمه الحلقة ( اذا اردت ان تصبح وطني في العراق وقد كنت عميل فعليك ان تاخذ الاذن من الامريكان )

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل