نص بالعامية العراقية بعنوان : أفقيه

مرتضى محمد
(Murtadha Mohammed)

الحوار المتمدن-العدد: 6329 - 2019 / 8 / 23 - 03:52
المحور: الادب والفن
    

وقالت : كلمات الدلالة (الانسان/الثابت/ التغيير)
....
(1)

تكدر تتفرهد بالصدفة ؟
وتطلع من فلك الافكار !
الدارت دورته من الأول ،
فكرة : هوه
فكرة : منهو
وفكرة محشايّه من المدري .
تكدر تكتل كل الفكره ..
وتطلع عاري ؟؟
تكدر تتفرزن من ذاتك / انته وذاتك ؟.
تكدر ينطاف بحد بابك ..
طوفة ضحكة ،
وطوفة كلمة ،
وطوفة ود ؟
تكدر تزني بكل الفكرة
ويولد طفلك عاري ، وفاهم ؟
فاهم انه اليكدر لا مو عاهر !
بس عاهر من تطلع فكرة
تدور بدورته من الاول ..
وتندار البيبان مرايه ..
تواري وجوه تحنّت بالدم ،
وظلت بالصدفة مغطايّه . !!

(2)

لازم تفرض ان الأسطُر
ممكن تكتب مرة بشوك
مرة بسيف ،
ومره بوردة ،
ومره بآخر كاس
انحط أكباله وظل يتلولح ..
بين (القوسين) من النومه ! .
لازم تفرض ان (الشدّة) ممكن غلطة ..
ممكن غلطة ..
ممكن غلطة
وغلطة انحطت فوك الاسم الأترف !!
بس يا أترف ؟
كلي بفرضيتك شتخلي ؟
أكبال الاترف !!
تخلي أمرايه ؟
لو سكّان ؟
لو هاجس دوخنه بصيغة ؟ !
كلي شتفرض ؟
هونك ..
هونك ...
طشهن كلهن من أفكارك
خلي الفرضية اللي تعني :
كلنه أكبال الفكرة نباوع ..
أن الاسماء بلا صيغة ؛
انوجدن غاية ! .

#مرتضى_محمد (هاشتاغ)       Murtadha_Mohammed#          

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل