ياسامعين الصوت

احمد عناد

الحوار المتمدن-العدد: 6059 - 2018 / 11 / 20 - 22:16
المحور: الصحافة والاعلام
    

((ياسامعين الصوت ))
اكو مرة اسمه ام جاسم مربية دجاجات بمنطقة شعبية وهاي الدجاجات مرة تبيع بيضاتهن ومرة تكففهن وتكبر فروخهن وتبيعهم عايشة عليهن بس هاي ام جاسم فطنة وذكية حيل وتعرف دجاجاته وحدة وحدة وما ايتيهن عليه .
الدجاجات يطلعن الصبح وية الفجر يبحثن ويأكل مع ما تنطية الهن من اكل وهاي عادت الدجاج لذالك البعض سموه باحوث .
المهم يوم من الايام وية الغروب فگدت ام جاسم دجاجاتهة ولن بيهن وحدة ماكو الحمرة ام جنحان السود كالت بينه وبين نفسه هسة اتبين تانته ام جاسم الدجاجة ما بينت طلعت ادور عليه افترت رادت الدجاجة ماكوا ردت للبيت مفرفحة. وتون وتولول غبشت الفجر فگدت الدجاجات دجاجته ماكو خلت الصبح يصير والنهار يطلع وطلعت بالشارع وصاحت ياناس يعالم حاضركم يبلغ غايبكم دجاجتي الحمرة ام جنحان السود ماردت للبيت من البارحة وصبح الصبح وهم ماردت انه نشدت عليه وسالت محد شافه انه منا للغروب اذا ماردت دجيجتي راح اطلع الغروب اصيح الصوت على الباك دجيجتي ..

((عادة متوارثة لتحذير السارق ودعوته لصحوة الضمير ))
والناس كبل من ينباك منه شي تحذر بهاي الطريقة والوادم كبل يجوز تدني نفسه من العوز من الفكر من الضيم وتمد ايدهة على حلال الوادم .
ومن تسمع هذا الحجي وراح ابو الحلال يصيح الصوت تخاف وترتدع كان صحوة ضمير تصيبها وتتدارك الموقف باي طريقة ما كان يعد ما سرقه دون ان يعلم به احد او بوساطة خير .
المهم الغروب ام جاسم گاعدة ابابه والدجاجات ردن وياهن دجاجته الحمرة ام جنحان السود شافته فرحت بيه وكيفت فكت شيلته وفگت زيجه وشالت راسه ليفوك وگالت ربي الك الحمد والشكر دجاجتي ردت ..
هاي السالفة اني سامعه من أمي الله يرحمه
بعدين أنعرف البايك وأم جاسم سترة السالفة..

اذكرته بعد اخر بوكة مال السبع مليارات التالفة بعد خمسة عشر عام من السرقة بشتى الطرق والوسائل والحيل مشاريع وهمية مشاريع على النص مقابل يقبض ويهرب مزاد عملة لجان اقتصادية وحدث بلا حرج من طرق السرقة والاحتيال .
وصلت هاي المرة للقاصة ياعمي لاصايرة ولا دايرة وبعد اكبر من هاي ماتصير.
شتكولون صارلنه اسنين انصيح الصوت وماكو فايدة وين ننطي وجوهنا حكومات فاسدة وقضاء فاسد متحزب وسالفتنة لاتنستر ولاتنظم وصرنة علج بحلوك الوادم ..

احمد عناد

#احمد_عناد (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل