تبرعاتكم وتبرعاتكن المالية تحفظ استقلال الحوار المتمدن، فشاركونا في دعم استمرارية هذا الفضاء اليساري الحر

رماد الزّمن (رواية) - ج2

مالك بارودي

الحوار المتمدن-العدد: 6008 - 2018 / 9 / 29 - 22:29
المحور: العلمانية، الدين السياسي ونقد الفكر الديني

رماد الزّمن (رواية) - ج2
...
أتى النّادل حاملًا فنجان قهوة بالحليب وضعه أمامها ومسح الطّاولة ثمّ إنسحب.
نظر إليها يتفحّصُ ملامحها وهي منهمكة في تحريك القهوة لإذابة السّكّر. كانت امرأة في الثلاثين من عمرها، ذات بشرة خفيفة السّمرة، عيناها الواسعتان في سواد ليلٍ بلا قمرٍ ولا نجوم. كانت جميلة جدّا، خاصّة مع أحمر الشّفاه. وكان جسمها مكتنزًا ومثيرًا...
"تخدِم قريب؟
- علاش؟
- لا، مجرّد سُؤال... ما تعرّفناش... آنا إسمي سوسن، لكن تنجّم تناديلي "سُو"، كان تحبّ.
- سُو؟ علاش موش "سُوسُو"؟
- لا، "سُو" يعجبني أكثر... كيف غناية "سُو يا سُو، حبيبي حبسُوه"، متاع محمّد منير. تعرفها؟
- يطلعش محمّد منير يقربلك؟"
إنفجرت ضاحكة.
"آش خصّ أيّامي كان جا يقربلي... وإنت، شِسْمِكْ؟
- كريم.
- نتشرّفوا. أما زعمه كريم بالرّسمي؟
- إنت والظّروف..."
دخل رجلٌ من باب المقهى وهو يسعُل سعالًا تكادُ رئتاه تخرجان من قوّته. نفض عن كتفيه بعض قطرات المطر ثمّ توجّه نحو طاولة في الرّكن.
"وإنت تخدم قريب؟
- نخدم في معمل في منزل جميل.
- آه...
- ونسكن في منزل عبد الرّحمان.
- حتى آنا قٌلت ما تكون كان رحمانيّة.
- مانيش من غادي في الأصل. ساكنة أكهو."
لاحظ في يدها اليسرى خاتمين وفي اليمنى خاتمًا ثالثًا.
"أكيد معرّسة!
- لا. علاش؟ آه، تُقصُد الخواتم؟ ما تركّزش على الخواتم. النّسا الكلّ تحبّ الخواتم؛ وموش بالضّرورة باش يكون عندها علاقة بالعرس."
نظر إلى ساعة يدها. كانت السّاعة منتصف النّهار إلّا رُبع.
"عندك ما تعمل العشيّة؟
- عندك برنامج؟
- نعملو برنامج كان متفاضية.
- علاش لا؟ قريب وإلّا بعيد؟
- لا. بعيد شويّة؟
- ردّ بالك تقولّي نمشيو على ساقينا في المطر!"
ضحك فردّت هي أيضًا بضحكة أقوى.
"لا... ماناش باش نمشيو على ساقينا. نعرف القطاطس ما تحبّش المطر!
- وشكون المهبول إلّي يحبّ يتبلّ؟
- فمّه ناس تحبّ المطر.
- خاطي أختك... آنا نموت كان على الدّفا والرّكشة."
إلتفت ليستطلع حالة الجوّ بالخارج. كانت الأمطارُ تهطل خفيفةً وخيوطها تتمايلُ يمنة ويسرة مع الرّيح.
"بقدّاش؟
- إلّي يساعدك.
- آنا يساعدني بلاش.
- وهوّ فمّه حاجة بلاش في وقتنا؟
- هاك قُلت بلاش؟
- كلمة ويقولوها... أما ما فمّه حتّى شيء بلاش...
- قول بقدّاش؟
- يساعدك خمسطاش؟
- برشه... يساعدك عشرة...؟
- برّه عشرة. مشات معاك. والغدا عليك. وإلّا باش تخلّيني جيعانة؟
- باهي... عشرة والغدا عليّ آنا."
...
-----------------------------
الهوامش:
1.. مدوّنات الكاتب مالك بارودي:
http://ahewar.over-blog.com
http://utopia-666.over-blog.com
http://ahewar1.blogspot.com
http://ahewar2.blogspot.com
2.. لتحميل نسخة من كتاب مالك بارودي "خرافات إسلامية":
https://archive.org/details/Islamic_myths
https://www.academia.edu/33820630/Malek_Baroudi_-_Islamic_Myths
3.. صفحة "مالك بارودي" على الفيسبوك:
https://www.facebook.com/malekbaroudix

#مالك_بارودي (هاشتاغ)

ترجم الموضوع إلى لغات أخرى - Translate the topic into other languages

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن
في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على: الفيسبوك التويتر اليوتيوب RSS الانستغرام لينكدإن تيلكرام بنترست تمبلر بلوكر فليبورد الموبايل