أخبار عامة - وكالة أنباء المرأة - اخبار الأدب والفن - وكالة أنباء اليسار - وكالة أنباء العلمانية - وكالة أنباء العمال - وكالة أنباء حقوق الإنسان - اخبار الرياضة - اخبار الاقتصاد - اخبار الطب والعلوم

الصفحة الرئيسية - سيرة ذاتية - حسين الرواني - المنولوج الاول














المزيد.....

المنولوج الاول


حسين الرواني

الحوار المتمدن-العدد: 5831 - 2018 / 3 / 30 - 16:42
المحور: سيرة ذاتية
    



- حرامات اتموت وما تدري بكل هاي القصائد انكتبت عنهة، وما تدري حبهة هاج ابگلبك بعد اثنعش سنة
- اي والله حرامات، فد شي مؤلم كلش، شنو قيمة الحياة اذا هلگد عاطفة ومشاعر تبقى مضمومة عن الشخص للموت
- لعد لازم اندور عليهة وانشوف طريقة انوصل بيه القصائد الهة
- انتة خبل ؟ شندور عليهة ؟
- اندور عليهة، نسأل عنهة
- اي، رأسن راح نلگاهة، ولك جاي احچي عن وحدة اخر مرة شفتهة على قيد الحياة بالالفين وسبعة، وهسة مدري ماتت مدري عدلت، تعرف اشكم انفجار صار خلال هاي الدعش سنة اببغداد
- بس انتة بعدك ما متت، وهية هم من المحتمل ما ماتت
- اي محتمل، هسة عبرنة الاحتمال الاول
- والاحتمال الثاني ؟
- ان تكون اتمرضت مثلا واتوفت
- انتة شنو قضيتك وين الموت، كل احتمالاتك عنهة موت؟
- مو قضية ولا شي، بس جاي اگلك، بعدين هاي احتمالات واردة، هواي ناس تتمرض وتموت
- زين ممكن تتجاوز كل احتمالات الموت ؟
- اوكي، الاحتمال خمسة وعشرين، احتمال اتكون
- خمسة وعشرين ؟ يعني انتة امخلي اببالك اربعة وعشرين احتمال الموتهة
- اي، اهواي ناس ماتت، الموت ابشع شي ممكن تتصوره، الموت ينهي وجود الانسان ابشكل كامل، ايطلعه من كل حساباتنة، بعد لا انفكر بيه ولا ايفكر بينة
- انتة مشتغل دفان ؟ الدفان اتصير بيه هيج سولة
- نرجع للاحتمالات
- گول
- احتمال اتكون شالت للمحافظات، او سافرت برة
- احتمال
- واحتمال اتكون مثلا اتعرضت لحادث واتخبلت وصار عدهة مرض عقلي
- احتمال
- وايجوز هية هسة ابمستشفى مال مخابيل
- ممكن
- فاذا نعبر كل هاي الاحتمالات، ونفترض انهو هية هسة عايشة وصاحية وما انتقلت للمحافظات ولا سافرت برة، نگدر انناقش موضوع اشلون نلگاهة ونتواصل وياهة
- اكو احتمال فاتك
- شنو ؟
- احتمال اتحولت الى فختية
- جاي اتحشش علية ؟
- حسين ترة ماكو واحد يفكر ابهيچ طريقة، انتة عالم مال رياضيات ؟ شنو هذا الهوس بالاحتمالات
- هية الحياة اهنا هيچ، انتة جاي من لاس فيغاس ؟
- زين، هسة اشلون نگدر نندلهة وانوصل الهة القصائد
- ماكو غير نسأل عليهة
- اي ؟ انظل نفتر مثل المخابيل بين المدارس ونسأل على مدرسة اسمهة افلانة جانت عايشة قبل اثنعش سنة
- رجعنا للعايشة والميتة
- اتفضل
- نسأل عليهة مثل ما كل الناس تسأل على كل الناس
- لا، هاي مو كل الناس، هاي مرة، وخلي ابالك احساب الصورتهة گدام المدرسين والمدرسات والطلاب، ترة هية هم تتخوف على سمعتهة
- اني ما راح امارس وياهة الرذيلة، اصلا اذا اندليت هية هسة وين ما راح اروحلهة، راح ادز كتاباتي بيد واحد.
- زين، انتة اشتعرف عنهة من معلومات اتفيدنة
- بس اسمهة الاول ولقبهة، واختصاصهة التدريسي
- هاي المعلومات مو كافية، تعرف اشكم مدرسة ممكن تنطبق عليهة هاي المعلومات ؟
- لعد شسوي
- حتة اذا دورت عليهة بالفيس هم ما راح تلگاهة، هاي اذا عدهة فيس، ايجوز امسمية نفسهة هدوء البحر، هذا الاسم العلمي للمراة العراقية
- اكو اشكم وحدة بالفيس بنفس اسمهة بس ماكو صورة شخصية ولا منشور ولا اي تفصيل اگدر من خلاله اعرف انهو هية
- عوفك من الانترنيت والفيس، ادوارتك هيچ ما منهة نتيجة
- اي صحيح
- بعدين لنفترض اندليناهة، منو هذا الي راح اتدزه ؟
- ما أعرف
- لازم اتشوفلك واحد ثقة ما ايسولف بالموضوع وايشوه سمعتهة، الي اتدزه لازم تضمن انهو ما يحچي بالشغلة، ترة العراقي حلگه مفتوح للهوة، كلشي ايسولف
- اي صحيح
- شغلتك كلش معقدة
- لا معقدة ولا صعبة، الناس هية امعقدة الامور، قيود اجتماعية فارغة على المرة، واذا تحچي وية وحدة بالطريق الف تهمة جاهزة، تدري ؟ لو اشوية مجتمعنا منفتح چان السؤال اسهل بهواي، عادي كلش اي واحد يسأل على اي وحدة وايسولف وياهة، بس هذا الوهواس الشرفي
- استاد فالح عبد الجبار، عوفنا من تحليل الوضع انثربولوجيّاً، واحچيلي بطريقة ثانية
- اكو طريقة ثانية
- شنية
- رشوة، ندفع رشوة الواحد بالتربية ايطلع النة هية وين هسة جاي اتداوم، كل المدرسين والمدرسات موجودة بياناتهم بقوائم، والقوائم موجودة ابمركز المعلوماتية بالتربية
- اي هذا خوش حل
- اي خوش حل، بس لنفترض وصلت الهة، او دزيت واحد ينطيهة القصائد، واني افضل هذا الشي، شنوا الراح يتغير ؟
- ما يتغير شي، بس انتة گلت حرامات هية اتموت وما تدري بيك هلگد حبيتهة وكتبت عنهة
- وشنو المشكلة اذا ماتت وما درت بكل هذا ؟
- ماكو مشكلة
- اذن انهي الموضوع، وخليهة ع الصدفة
- من طيـــ ي تعرفك بالصدفة، هوة اني باوعت على روحي ابفيديو سيلفي امصورة النفسي بالالفين واثنعش وانصدمت من حجم التغير، اتريد تعرفك وحدة شافتك قبل اثنعش سنة؟ بعدين منو ايگلك انتة لو لاگيتهة بالصدفة راح تعرفهة؟ ايجوز هية هم اتغيرت بالشكل؟ انتة تعرف المرة تكبر ابسرعة ؟
- دوختني، يعني هسة شسوي
- اني اتفق وياك ع الصدفة، بس لازم تعصر ذاكرتك عصر وتتذكر ملامحهة كلش زين
- مو هية هاي المشكلة، ملامح وجههة مو كلش واضحة ابذاكرتي
- والحل ؟




لمعرفة اخر تطورات فيروس كرونا في بلدك وفي العالم كله انقر على هذا الرابط
https://ahewar.org/Corona.asp





كيف تدعم-ين الحوار المتمدن واليسار والعلمانية على الانترنت؟

تابعونا على: الفيسبوك التويتر اليوتيوب RSS الانستغرام لينكدإن تيلكرام بنترست تمبلر بلوكر فليبورد الموبايل



رأيكم مهم للجميع - شارك في الحوار والتعليق على الموضوع
للاطلاع وإضافة التعليقات من خلال الموقع نرجو النقر على - تعليقات الحوار المتمدن -
تعليقات الفيسبوك () تعليقات الحوار المتمدن (0)


| نسخة  قابلة  للطباعة | ارسل هذا الموضوع الى صديق | حفظ - ورد
| حفظ | بحث | إضافة إلى المفضلة | للاتصال بالكاتب-ة
    عدد الموضوعات  المقروءة في الموقع  الى الان : 4,231,138,644
- جلستي السرية في بيت جلادي 2
- اربع قصائد ليلية
- جلستي السرية.. في المقاومة
- جلستي السرية في بيت جلادي
- جلستي السرية في العَمَّالة
- مؤامرة ضريبة الدخل الاميركية
- المليون اليتيم
- آدم سميث: نعم، الإنسان آلة
- آدم سميث: ثروة الأمم بعمالها
- حوار في نهاية الطريق
- ما مقدار تخلفنا الاقتصادي ؟
- الايات الاباحية
- العراق .. قضيب العرب
- ما غاب عن العازفين
- انتميلكم
- زعلة خير من تطفل
- 3 تحالفات في 3 عقود
- من المفكرين.. إلى الأرواح المسلحة
- لا ندم لبوش.. ولا قلق لأوباما
- بالتجاور 3


المزيد.....




- شاهد.. سيارة تجر سيدة وهي تمسك بحقيبتها أثناء محاولة سرقة
- ممثل وكاتب تركي شهير يواجه عقوبة السجن بتهمة -إهانة- أردوغان ...
- اعتداء على شرطيين في داغستان الروسية ومقتل المهاجم
- الحوثيون يتبنون الهجمات ضد الرياض ويتوعدون بعمليات -أوسع-
- شرطة ميانمار تفرق بعنف تظاهرات.. ومقتل 6 أشخاص على الأقل
- الحرب في اليمن: الحوثيون يشنون هجمات على السعودية ويتوعدون ب ...
- الحوثيون يتبنون الهجمات ضد الرياض ويتوعدون بعمليات -أوسع-
- شرطة ميانمار تفرق بعنف تظاهرات.. ومقتل 6 أشخاص على الأقل
- وثيقة .. ذوو ضحايا الإحتجاجات في ذي قار يرفضون الترشيح لمنصب ...
- أسلحة وأعتدة وغلق مطاعم مخالفة.. حصيلة عمليات أمنية في العاص ...


المزيد.....

- الناس في صعيد مصر: ذكريات الطفولة / أيمن زهري
- يوميات الحرب والحب والخوف / حسين علي الحمداني
- ادمان السياسة - سيرة من القومية للماركسية للديمقراطية / جورج كتن
- بصراحة.. لا غير.. / وديع العبيدي
- تروبادورالثورة الدائمة بشير السباعى - تشماويون وتروتسكيون / سعيد العليمى
- ذكريات المناضل فاروق مصطفى رسول / فاروق مصطفى
- قراءة في كتاب -مذكرات نصير الجادرجي- / عبد الأمير رحيمة العبود
- سيرة ذاتية فكرية / سمير امين
- صدی-;- السنين في ذاكرة شيوعي عراقي مخضرم / زكي خيري
- صدى السنين في كتابات شيوعي عراقي مخضرم / زكي خيري, اعداد سعاد خيري


المزيد.....
الصفحة الرئيسية - سيرة ذاتية - حسين الرواني - المنولوج الاول