يقطع النت علي النتيت علي تويتر علي الفيس ابصر ايه

سامح عبد الحميد

الحوار المتمدن-العدد: 5793 - 2018 / 2 / 20 - 10:35
المحور: كتابات ساخرة
    

رساله الى المسؤل عن تعتيم الأخبار عايز اقولك شويه حاجات كده:

احنا سنه 2018 ....... صح النوم و حمد الله علي السلامه. اعملك شاي ولبن و اجيبلك بقصماطايه؟

أحب ابلغك ان فيه حاجه كده اسمها تويتر. أي عيل صغير في الشارع معاه حاجه اسمها موبايل صيني ب 150 جنيه و شغال بنظام اسمه اندرويد ممكن يكتب اي حاجه بتحصل قدامه علي موقع اسمه تويتر و ده هيخلي علي الأقل 100000 بني ادم يعرف الخبر في مده تقريبامن 10 - 15 دقيقه. و بعد نص ساعه هايكون اللي عرف تقريبا مليون بني ادم. و علي فكره... تويتر بيترجم من أي لغه لأي لغه تانيه... يعني مش شرط اللي يعرف يكون بيعرف يقرا عربي

3- فيه حاجه تانيه بقي اسمها فيس بوك..... عيل صغير (غير الأولاني خالص) في الشارع معاه حاجه اسمها موبايل صيني ب150 جنيه و شغال بنظام اسمه اندويد ممكن يكتب اي حاجه بتحصل علي الفيس ابصر ايه ده و ده هيخلي علي الأقل ربع مليون بني ادم يعرف الخبر في مده تقريبامن 10 - 15 دقيقه.و الرقم ده هايزيد بسرعه اكتر بكتير من التويتر لان الفيس بوك بقي بيقراه خالتي و خالتك و عمتي و عمتك. و علي فكره.الفيس بوك برضه بيترجم من اي لغه لأي لغه يعني فضيحه عالميه ياباشا

4- العيال اللي ماسكه موبايلات صيني و بتشتغل بنظام اسمه اندويد بتكتب الحاجات دي و هيه واقفه قدام الحدث يعني و هي بتتابع بعنيها..... يعني مثلا واقف جنب الأحداث..... بلكونته او بلكونتها قدام الحدث.... كان راكب تاكسي ولا مكروباس و شاف الحدث..... يعني مصداقيتهم بتكون اعلي من مصداقيتك يا شيخ الغفر... دا غير بقي ان الأصحاب بيبقوا متابعين بعض علي تويتر (أه و المصحف فيه حاجه اسمها فولو علي تويتر) اول ما اي عيل ماسك تليفون صيني ابو 150 جنيه و بيشتغل بنظام اندرويد يكتب حاجه اصحابه كلهم هايشوفوها في اقل من 20 ثانيه

5- الما حدث بيحصل و بتكونوا عايزين تخبوه بيكون فيه حواليه تجمع ناس و حشود... يعني هيصه و دوشه وناس غضبانه و عيال سيس... و طبعا اخوان في النص بيولعوها....يعني صوت جامد و عالي قوي... يعني كأن عشره كده بيخبطوا علي باب دوار بيتكم في وقت واحد و يمكن أكتر. الناس بقي اللي في محيط االأحداث دي. جزء منهم بينزل يشوف ايه الموضوع... يقوموا لما يعرفوا... ووهما لسه في الشارع عيل صغير منهم (غير العيلين الأولانيين) معاه حاجه اسمها موبايل صيني ب 150 جنيه شغال بنظام اسمه اندويد كتب اللي خصل علي الأنترنت و اي حد بيعرف يقرا عربي هايكون عرف في مده تقريبا 10 ثواني .

مش قلتلكم..... يقطع النت علي النتيت علي تويتر علي الفيس ابصر ايه ده.......

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل