سامى لبيب
الحوار المتمدن-العدد: 5335 - 2016 / 11 / 6 - 21:16
المحور:
كتابات ساخرة
هى تأملات بأداء جديد تتلمس شعر الرائع صلاح جاهين فى رباعياته لتنهج نفس الأداء لتقدم من خلالها الأفكار والتأملات والمواقف .
لست بقامة الرائع صلاح جاهين لأماثل رباعياته الشهيرة .. ولكن هى محاولة متواضعة منى لأصيغ أفكارى بنفس أداءه .. لذا فليتلمس لى الجميع العذر فى محاولتى المتواضعة , وليشفع لى حرصى على تقديم تأملات على هيئة كبسولات تتركز فيها الفكرة والمعنى والمغزى بأسلوب لطيف , لأتمنى أن يجانبنى التوفيق في تصدير الأفكار أولا وفى نظم الكلمات ثانيا .
- عاوز تتخن وتفحل , يبقى ما تفكرش
ولو مرت فكرة بدماغك ما تهرش
ولو لطشك حد بفكرة طنش وما تتكلمش
ولو عاوز تنام اضربه وما تسكتش .
- جَاءَ الإِنْسَانُ لَحنًا وَمَعْزُوفَةً أََفَلا تُدرِكُونْ
فليه خلتوه قالب واسطمبه أفلا تفقهون
وليه اللى بيلحن ترجموه ألا ترحمون
وليه اللى مبلط فى الخط تمدحوه ألا تخجلون .
- وكان الإِنْسَاُن جَهُولاً مَغْرُورًا
يا بنى آدم إنت حمار ولا غبى ولا بتستعبط
قدامك كون ومجرات ونجوم وسديم فاكراها مخلوقة لعيونك
دا انت ذرة على سطح حبة رمل واحدة فى صحرا
ما أتفهك وما أغباك لتجعل الفيل مخلوق لنملة .
- مسكين يا بنى آدم دخلوك فى لعبة ورهان
تقامر عليك الله والشيطان
اخرجك الله من الجنه وبدل من أن يسحق الشيطان دخل معه فى رهان
إما إله شرير أو بيتسلى أو سيما أونطة هاتوا فلوسنا .
- هوا إتفق معاه على غوايتنا
وحياتك لأضلهم بما اغويتنى
طب ياللا شد حيلك ليحق قولى لأملئن جهنم بهم
من عيونى أنا هطلع عينهم بما اغويتنى وسبحانك يا رحيم .
- ربنا خلقك لتعبده يا بنى آدم .. لو عبدت فيه نعيم
ولو طنشت فيه جحيم وعذاب أليم
يا بنى آدم ربنا مش محتاجلك أصله كامل وغنى وعزيز
يا ناس يا هووو .. هو عاوز ولا مش عاوز .
- ليه يا بنى آدم لا تسبح بالضغط الجوى
فلولا الضغط عليك ما فسيت ولا زريط
يالك من جاحد تدوس على نعمة الضغط
بكره الضغط ينتقم منك لتتمنى تموت وتزرط .
- عجبى على مهندس طالعين بيه القلعه
بيقولوا عليه مهندس شاطر فلتت زمانه
بنى مدينة من غير كهربا ولا مجارى ولا ميه
مفيش إلا أوضة واحده فيها كده .. والنبى دى مش خيبه .
- أنا احب البيض المقلى بالسمن البلدى وأقرف من البيض المسلوق
يلعنك لو ما أكلتش البيض مسلوق هتلبس خازوق
فبتاع البيض يحب تاكله مسلوق أو تبات محروق
لن يشفع لك إنك تحب وتحترم البيض مالم تاكله مسلوق .
- مرة ديك نط على سطح الجيران وباض بيضة
أصحاب الديك قالوا الديك ديكنا , فالبيضة دى بيضتنا
الجيران قالوا البيضة دى بتاعتنا , فسطحنا إستقبل ولادة البيضة
هكذا اصحاب الإيمان مازالوا يتطاحنون يتصارعون على حق ملكية البيضة .
- معقولة الدنيا دى جت علشان واحد طفس
ساب الجنه اللى مليانه كنتالوب وبطيخ واناناس .. لياكل من الشجرة دى بفجعنه
طب هى طفاسة ولا هيافة ولا تلكيك , ولا عبيط اللى يصدق قصة الطفس .
- إرحمونا .. انا مالى من اللى غاوى واحدة ينزل له آية
واللى غيرانه من جارية يخلق عهد ودين وحكاية
واللى عاوز يختلى بالست بتاعته ينزل آية
انتم عالم فاضية ولا إحنا اللى عالم هابله .
- افرحوا يا شعوب الارض ,هللوا ايها الباحثون عن الحقيقة
انتبهوا ايها الفلاسفة في أبراجكم العاجية
أيها العظماء والصعاليك , أيها العلماء في مختبراتكم العلمية
لقد حانت الفرصة وجاء الفرج والعلم الموعود : وَيَسْأَلُونَكَ عَنِ المَحِيضِ قُل هُوَ أَذًى , وَالْخَيْلَ وَالْبِغَالَ وَالْحَمِيرَ لِتَركَبُوهَا .
- ولو شئنا لآتينا كل نفس هداها ولكن حق القول
مني لأملأن جهنم من الجنة والناس أجمعين
يعنى تعمل ايه يا غلبان فهى كبرت فى دماغه كده
مش هتعرف تفلفص .. طب روح موت احسن فأنت فار فى مصيدة .
- طب إذا كان ربنا حطك فى دماغه
وكاتب انك فى الجحيم قبل خلقه
مش هيهديك بل هيضللك هوا قال كده
لو صدقت القصة دى يبقى سيبك منه , أهى بايظة بايظة .
- عاوز مليون دولار طب بوس طيز سلامه
طب سلامه عاوزنى ابوس طيزه ليه ؟
سلامه مش عاوز حاجة دا غنى وسيد سيدك يا جزمه
بس لو ما بوستش طيزه هيحط السيخ المحمى فى صرصور ودنك
- إنت بتصرخ فى وجهى وتشتمنى وتضربنى ليه
إكمنى مش مقتنع بسلامه وسيرته
طب سيبنى لوحدى وعيش انت مع سلامه
سيبنى اعيش الحياة وإغرق إنت فى عسل سلامه .
- ويحمل عرش ربك يومئذ ثمانية
طب دى أبهة وعظمة وفشخرة
ولا بيرفعوه علشان ما يقعش فى الهاوية
يا نهار.. لو فلسع ملاك فالعرش سيقع على دماغ اللى خلفونا يوم الغاشية .
- الإيمان جه كده .. العلبة دى فيها إيه ؟
مش عارف .. قلم على قفاك ترااااخ فيها فيل
العلبة دى فيها إيه : معرفش .. ترااااخ فيها فيل
قلم تالت فيها إيه : فيها فيل .. فيل .. فيل .
- لا شفت نبى ولا معجزة
ومصدق قوى كل الخرافة
ليه شايف ان هلاوسك صحيحة وهلاوس اللى جنبك هايفة
مش يمكن هلوستك وهلاوسه عبيطة .
- يعنى يا إنسان إنت كنت قاعد مع قراقوش وهو بيجهز المملكة
علشان تضرب اللى بيقول مفيش قراقوش وتقول ده دماغه خربان
طب قراقوش لو موجود مش هو اللى خلق الدماغ التلفان
يعمل إيه ابو دماغ خربان .. مش العيب فى الصنعه برضه .
- بتسمى ولادك عبد المعز وعبد العزيز وعبد الودود وعبد الرافع
وخجلان تسمى عبد المذل وعبد الضار وعبد المقيت وعبد الخافض .
إنت بتستعر من ربنا ولا إيه يا بنى آدم .
- حشاش ضيع مفتاح بيته فى حته ضلمه .. قعد يدور عليه فى حته منوره
جاره : ليه ما تدورش عليه فى الحته الضلمه
الحشاس : هوا انت عبيط ازاى ألاقيه فى الضلمة
كل المؤمنين الخاشعين يبحثون عن المفتاح فى الحته المنورة .
- مجرم يا بنى آدم لما تفعص برغوت أو تنهال على صرصار بفردة شبشب
كافر يا بنى آدم لما تنظف راسك من القمل وتدعصه
مش دى أرواح ملك خالقها ولا ملك اللى خلفوك
اتركها ورزقها وإياك تفعصها بل دلعها .
- شايفة النجم البعيد اللى فى السما .. ربنا خلقه علشان حبنا
إيده تحسس على نهدها وفخادها وهى تنظر للنجم اللى خلقه ربنا
إما هى هابلة أو بتستعبط
دنيتنا كده , واحد بيستهبل وكتير بيستعبطوا .
- واحد غاوى كباب وكفته ليغفر لك
والتانى عاوزك تبلطج وتغلس على الخلق ليرضى عنك
والتالت ملاكى برخصة خاصة والباقى ما يلزمهوش
ايه الخيبة دى .. هتضيعوا عمركم فشوش .
- قراقوش بيعد ورق الشجر اللى بيقع على الأرض
وقراقوش تانى قاعد يعد شعر الراس
ده صعبان عليه ورق الشجر اللى بيقع
والتانى بيفلى دماغنا من القمل ويشوف كم قملاية فاضله
قرقوش يا قرقوش ما اعظمك .
- الملك قراقوش اصابته لوثة بعد ما دمر مملكته
جرى فى الشارع يقول : لمن له الملك تلات مرات
ليجيب حاله : لقراقوش الواحد القهار
مسكين قراقوش آدى نهاية اللى بيبقى ملك .
- مش قراقوش بس اللى اتجنن بل عبيده
فواحد قاعد يحسس على صورة قراقوش وأمه
والتانى قاعد يبوس فى زلطة قراقوش
عالم مجانين .. عبيد قراقوش .
- عمرك شفت حيوان بيخزن أكله
ويفترس وهو شبعان
ويطلع الاكل بفوائد للجعان
ويضرب صاحبه لأنه مش فهمان
وينكح مراته رغما عنها باسم الرحمان
فيه حيوان بيعملها .
- اعبد نملة وما تتكسفش
ولكن وحياة رب النمل ما تتعصبش
ولا تشهر سيف وما تتحمقش
ولا تتعالى وما تتحزفش .
- السعادة ان تخلق حلم
احلم ولا تحتقر حلمك
احنا لو بطلنا نحلم نموت
طب ليه ما نحلمش .
دمتم بخير.
-"من كل حسب طاقته لكل حسب حاجته " أمل الإنسانية القادم فى عالم متحرر من الأنانية والظلم والجشع .
#سامى_لبيب (هاشتاغ)
كيف تدعم-ين الحوار المتمدن واليسار والعلمانية
على الانترنت؟
|
ارسل هذا الموضوع الى صديق
|
حفظ - ورد
|
بحث
|
إضافة إلى المفضلة
|
للاتصال بالكاتب-ة
اليوتيوب
لينكدإن
تيلكرام
تمبلر
بلوكر
الموبايل
