جواري الخليفة وحمير القاضي وبغاله والحواشي والطواشي والنادبات والنائبات

كرار حيدر الموسوي
باحث واكاديمي
(Karrar Haider Al Mosawi)

الحوار المتمدن-العدد: 5241 - 2016 / 8 / 1 - 16:05
المحور: كتابات ساخرة
    

عراقي مربي حمار اجلكم الله. صحى الصبح لگة الحمار ميت..!!.
أخذه عالدكتور البيطرى.. حتى يعرف سبب الوفاة..!!.تفاجأ من قول الدكتور.. أنو المطي مات بالجلطة..!!.
دار وجهه عالمطي.. ولزم اذاناته.. وگام يحاچيه.. بتعجب..!!. وحرگة .. واستغراب..!!.جتك جلطه ليش..!!.؟.خريج هندسه وملاگي شغل..!!؟.
خريج ادارة واقتصاد.. وواگف بسوگ المخضر..!!؟.خريج آداب..ودتسوق تاكسى..!!؟.خريج قانون.. وتشتغل دلال..!!؟.
خريج زراعة.. وبالواسطة معينيك بالطرق والجسور..!!؟.جمعت كل اللي تملكه..ونطيته لإبنك..علمود يسافر أوروبا.. وغرگ على شواطئ اليونان..!!؟.
مديون.. وماعندك تسدد ديونك..!!؟.تنتظر التعيين.. لوصارلكلك 10 سنين والزمالة اللي عاجبتكك ..وتريدك تتزوجها..وماگادر تخطبها..!!؟.
رحت ترقم الكيا.. ولگيت عليها مخالفات وانت ماخذها من الشركة..!!؟. مگادر تشتري ملابس لجهالك..!!؟.
ملاگي بيت..!!؟.منين جتك الجلطة ..!!؟. متداين.. ومتورط وماعندك تسدد..!!؟.
جتك قائمة كهرباء.. وما گادر تدفعهة.. وگطعوا عنك الكهرباء..!!؟. وفوگاها ابو المولدة سالگ اهل اهلك!!!!؟
حاس نفسكك غريب بالعراق..!!؟.الدنيا مخربطة داير مدايرك.. ومخك مگام يتحمل.. من كثرة القوانين الجائرة. هاي اذا اكو قوانين بالاصل.!!؟.
غلاء اﻻسعار ماعاجبك..!!؟.دتحس انو اكو ثروات بالبلد وانت مامستفيد منها..!!؟.منين جتك الجلطة داد..!!؟.
من النواب الكذابين اللي بدم الشعب متاجرين.. لو من حكومة الحرامية..لو اﻻعلام الرخيص الفاسد..!!؟.
منين جتك الجلطة حبيبي ..!!؟.اخاف على التقاعد اللي مايكفي اجار البيت..!!؟.
اجاك فشل كلوى من المي الملوث.. ورحت تغسل كليتك وماكو مكان..!!. إنتظرت الى ان واحد يموت وتدخل بمكانه..!!؟.
إنقلب عليك الجيش مثلاً..!!؟.تتفرج على فيصل القاسم لو ضارب خيال على سهير القيسي..!!؟.
غاثك ابو علي الشيباني مثلاً..!!؟.جتك الجلطة منين..!!؟.الدولار ملخة للدينار مثلاً..!!؟.
مشتهي السمچ.. والكيلو وصل ثنعش الف دينار..!!؟.رحت تشترى لحم ولگيت الكيلو بثمنطعش الف..!!؟.
جيت تشترى دجاج.. ولقيته من كثر ما مجمد صاير چنه نعال لاستيك..!!؟.
رحت تجيب الحصة.. وگالولك ماكو غير الطحين المعفن ..!!؟. وين لگتك الجلطة خوية..!!؟.قنينة الغاز بثمنتالاف..!!؟.لو قائمة الماي بربع مليون..!!؟.
حاط خط نت بخمسين الف..والنت ما يجي اصلاً..!!؟.مشتهي تين.. ومگادر تشتريه..!!؟.
المشمش نزل السوگ.. وخلص.. وانت ما سمعت بيه..!!؟.جتك الجلطه ليش..!!؟.
ام مرتك ملعبه نفسك..!!؟.إخوانك مدايزوروك..!!؟.وحده چنت تحبها..!!. وسوتلك بلوك ع الفيس لأن لگت زمال غيرك..!!؟.
نص قرايبك بالسجن..!!؟.حاكمكم باع الگاع..!!؟.شرطتكم هتكت عرضك..!!؟.التعليم تافه..!!؟.لو القضاء فاسد..!!؟.
جاوبني ليش انجلطت يمعود..!!؟.الشعب جاهل..!!؟.لو المفتى ارهابي..!!؟.شيخ الجامع فاسق..!؟.منين جتك الجلطة گليبي..!!؟.گوللي..يعني تريد تگولي إنتة تحس اكثر من عدنا..!!.؟.
روح الله يسامحك وينطينا من صبرك شويه ابو صابر !!! لعد وين صبرك وخليتها المن الى بائغات الخس وللسربلي والترس وبائعي الوطن والشرف والنجابة وسحقا للاراذل ؟؟؟

في خطوة غادرة غير متوقعة ، وفي الوقت الذي تنوء فيه ميزانية العراق بثقل الديون والافلاس والتقشف يظهر علينا مجلس النواب ليطرح قوانين غريبة عجيبة ، قوانين تجعل من مجلس النواب عالة على الشعب الجائع ، من خلال حيلة بسيطة وهي جعل مخصصات ورواتب عضو المجلس مشابهة لمخصصات ورواتب الوزير ، ليزداد عدد الوزراء اصحاب المخصصات والرواتب المليونية اضعافا ، لان عدد اعضاء مجلس النواب يزيد على عشرة امثال اعضاء مجلس الوزراء ، فان عدد اعضاء مجلس النواب 328 عضوا ، بينما عدد الوزاء حوالي 30 وزيرا ، وان جمعنا حولهم الحواشي والطواشي والنادبات والنائبات فسيصبح العدد بالمئات والعياذ بالله عدا خصيان السلطان وجواري الخليفة وحمير القاضي وبغاله .
يعيش العراق اليوم ازمات متلازمة اولها ازمة الكهرباء واخرها ازمة داعش والغبراء ، وما بينهما الكامخ والمحشي على ذمة المجمع العلمي العربي الذي ترجم الهمبركر بالشاطر والمشطور والكامخ بينهما ، ورغم هذه الازمات الا ان مجلس النواب الذي نظن وبعض الظن اثم انه يمثل الشعب الجائع ، يعيش على فتات الخزينة وينهب اكبر ما يستطيع من اموال من اجل دس الملايين في الجيوب الخلفية للنواب عسى ان تنفعهم في اليوم الاسود لانهم يسيرون على قاعدة الفلس الابيض ينفع في اليوم الاسود ، ونحن واياهم نعلم علم اليقين ان اليوم الاسود حل علينا ولكنهم ما زالوا ينعمون باليوم الابيض لذلك فهم ينهبون الفلس الابيض والدولار الاخضر والمجيدي الاحمر ، وما على الشعب الا ان يغني لهم كما غنى ابو يعقوب :جيت اسألك على الردة // ليرة ومجيدي خده
ولا اعلم خد من يشبه الليرة !هل هو خد الرئيس أم خد النائب أم خد النائبة أم خد صديقة الملاية ؟!!

#كرار_حيدر_الموسوي (هاشتاغ)       Karrar_Haider_Al_Mosawi#          

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل