استفلسينه استفلسينه

عباس طريم
كاتب - وشاعر
(Abbas Trim)

الحوار المتمدن-العدد: 5168 - 2016 / 5 / 20 - 21:14
المحور: الادب والفن
    

استفلسينه استفلسينه استفلسينه
____________________

عباس طريم
_______
خويه يابو اعناد , بلجي اتحن علينه
حرت بصبيح ,حصرني ايريد
دينه
+
واحنه حته الفول , والمحروك اصبعه
والفلافل اصبحت حصره
علينه
+

بس طماطه وخبز , كل يوم الريوك

وبيض , بيتنجان مو كافي
خوينه
+
وانتخبناكم , لان عدكم شعار
[ نعم للانسان ] جنتم
شايلينه
+
واعتقدنه , انتم اهل جلمه وعهود
وهذه كل السبب وياكم
بقينه
+
تالي يابو اعناد , مديونه البلاد
وخارج احساباتهم كلنه
صفينه

+

الصار وياهم , وصل حد الغيوم

والشعب , مثل اليتامه

هاملينه
+
خابر اليابان واسأل , شان شين
وكله ياشن شين [هاومج]
تندعينه
+
وروح ابوك ازناد , حماي الديار
ابو الويو ابليل حملهه
الخزينه
+
اوداعتك , ما ظل قرش بارض العراق
وصدك افلسنه وتديحنه
ودوينه
+
لا اتكلي : اصواتكم جابت هذول
وروح خاجيه , يبوعنيد
خطينه
+
شكد قرينه , ابكتب عن ضحك الذقون
مثل ذوله الناس صدك
مالكينه

+

بيد بيضه , كنسوا افلوس العراق

وكالت الاحزاب جا المن

اجينه

+

نزعونه اهدمونه , وكالوا حرام
انخاف من اهدومكم تعتب
علينه
+
صلخونه اصلوخ , جدام العباد
وشمتوا كل الخلك يزناد
بينه
+
اجريو عده انعال , من غزوة تبوك
صادروه , كالوا غدا حافي
تجينه
+
وحسنه , اجتهم داويه وتشكي الحال
وكالوا انتي اهواي زنكينه لان
جدا سمينه
+
ومن اجت حمريه , كالوا لا تجين
هاي بس اعظام ,واتجذب
علينه
+
ومن اجاهم حجي خنجر , من بعيد
كالوا المن جاي , موتاجر
دهينه
+
ومن اجه العيبي , يطالب بالحكوك
ما ايحس اله الحبايب
شايلينه
+
ولك قر واعترف , اين الدجاج؟
وصاح يااخوان درب الشرده
وينه
+

ومن اجه اجريو وزبون وعون , صاح
صوت ما نطي تراهه اتظل
سنينه
+

من نعاتبهم على مال العباد
كلهم ايكولون الكم
ضامينه
+

+
وكلهم ايكولون ياشعب العراق
احنه ندري اكلوبكم كلش
حنينه
+
وابصراحه افلوسكم , متأمنات
عد ابو سرحان صاحبنه
وخوينه
+
واليريد ايروح , من ارض العراق
هايه ارض الله مفتوحه
وامينه
+
الله وياه , هذه مفتوح المطار
وهاي فرصه وموش كل
فرصه ثمينه
+
اوكون حافي ايروح, ويقدم لجوء
وما انريده ايروح مثل
الطاردينه
+
وكون, من ينسأل عن هاي الحزاب
ايكول : والعباس هاي احزاب
زينه
+
واحنه سهلنه السفر لهل العراق
وبعد سوينه الذي يطلع
بدينه
+
احنه ما نطلع ابد , من العراق
وكل فرد من عدنه ياخذله
مدينه
+
اوكون , من ايشوفنه انحمل الجمال
ابد مايحجي ويفك حلكه
اليجينه

+

وليجينه ايدردم , ابشيش الكباب

انكله تسمح يااخي , ونفكسله

عينه

+
وليظل ايدردم , ويطلب حكوك
انسفره للصومال وانصعده
ابسفينه
+
ومن نشوف القرش في وسط البحار
انشمره , وانكل للقرش
قرقش خوينه
+
استفلسينه ..
ومادرينه اللي ايخون الناس
يتمختر , وما يعرك
جبينه
+
الفاس طك بالراس , يالتعتب
بعد شيفيد , لا تعتب
علينه
+
جنه سكرانين , صدكنه الوعود
وبعد ما كلشي انكشف عدهم
وعينه
+
وكلنه لليعتب علينه , الراح راح
من بصمنه احسبنه يالتعتب
عمينه
+
احنه ناس انصدك ابجلمة رجال
اوقعينه , البلد بايديهم
رهينه
+
واليصون, ابخيت , واليخذل هزيل
والمثل مكيول [ كل واحد
اودينه]

#عباس_طريم (هاشتاغ)       Abbas_Trim#          

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل