استبداد الحكام خلت الشعب ينتحر او ينام

جان نصار

الحوار المتمدن-العدد: 5167 - 2016 / 5 / 19 - 17:14
المحور: كتابات ساخرة
    

يا جماعه في بلاد العرب اوطاني وبوجود حكام دكتاتورين ومستبدين وفاسدين ما رايحه الا على الشعوب والجماهير هدول اللي بوكلوا الهوا بالمعلقه.
المواطن قرف حالو وصار مستغني عن روحه من الظلم والبطاله والفقر .
وال ايش ما منسمع الا وكل يوم في خطط وبرامج تنميه عن كيفية القضاء على البطاله والفقر وتأمين الوظائف والمساكن الشعبيه الرخيصه مشان الاجيال الشابه تكون دروع لخدمة الاوطان وتبذل الغالي والرخيص دفاعا عن الامه والوطن.
لهيك اد ما في فرص وعداله اجتماعيه وحريه وعيشي هنيه كتير من المواطنين وخصوصا الشباب نتيجة الترف والدلال الزايد اللي الحكومات موفراهم لهاي الفئات البعض بلجئ للتطرف في التعبير للحكومات والمسؤولين عن شكرهم لما همي عليه من نعم وفضايل ومكرمات.
فهاي الشاب السعودي طبيب الاسنان ونتيجة انو بس سنتين ببحث عن وظيفه قام زعل ونرفز وحرق شهادته وفي متلو متايل اليوم بدعو لحرق شهاداتهم . واشتعلت وسائل التواصل الاجتماعي اشتعالا نتيجة الحريق اللي سببتوه حرق الشهاده وطالب الكثيرين بحرق شهاداتهم والبعض رفض قال هاي مش طريقه حضاريه للاحتجاج.
انا مش فاهم ليش الزعل على شوية بطاله في احدى اغنى دول العالم هاي السعوديه اللي بتوزع المليارات في دعمها لحركات التحرر الوطنيه مثل القاعده وجبهة النصر وغيرهم وغيراتهم من الحركات الجهاديه اللي بترفع الراس.
لاء يا دكتور استنى انت والاف غيرك العاطلين عن العمل وخلي ال سعود يعرفوا شغلهم .انت بلا مؤخذه بتفهم اكتر من الحكومه.في المهم وفي الاهم يا مواطن .
في الاردن حاول 5 مواطنين ينتحروا كمان ال مشان البطاله والفقر.غريبه هاي الناس ولو اتحملوا الحكومه تسعى جاهده لحل ازمة البطاله والفقر وتقليص الفجوات بين الاغنياء والفقراء.
وصار كل ما دق الكوز بالجره شي مجموعه بتدعوا يللى ننتحر جماعي احنا صارلنا سنين نايمين ببيوتنا.
لاء والاحلى ال ابن المسؤول الفاسد بحصل على وظيفه والمواطن اللي بلا واسطه لاء.طب هاد طبيعي وين الغلط يا جماعه.
شو اللي مزعل المواطن الاردني انو اي وليمه لشي وفد اجنبي او طهور لابن مسؤول او عرس لشي وجيهه تصرف الملاين وبزتوا اطنان من الاكل والشعب جوعان ها شو اللي بزعل بهيك شي.
شو اللي بزعل انو يقال ان عائله كويتيه دفعت نص مليون دينار مشان تتصور صوره مع الممثل التركي بوراك افيجويد بالي بيك وفي شويه ناس مهمشين وفقراء حتى في الكويت وجمعات البدون والحكومه نازلي عليهو زخ بالمصاري والفلوس.
المغرب بحتج ويدعوا سفير امريكا مشان رفض تقرير الخارجيه الامريكيه اللي بقول انو في انتهاكات لحقوق الانسان والصحافه وهاد الحكي كله اكاذيب وتضليل.
نظره سريعه على المغربي ترى السعاده والفرح والسرور والرضى على الملك والمسؤولين.
المغربي يتمتع بكامل حقوقه ولا يعاني الفقر والبطاله ولجوئه للغرب وهربه من بلده هو مجرد هويه وحب استطلاع جابب يجرب المغامره.
اما ليش شي مواطن مغربي او تونسي بحرق نفسه اكيد مش مشان الفقر هاي مجرد خلافات زوجيه تعصف بالمواطنين من كترة البذخ والصرف والهلوسه هاد تأثير المال.
بالامس سائقين من قطاع غزه من عائلة الفرا كمان كانوا بدهم يحرقوا حالهم احتجاج على ومعاملة و نعم حركة حماس وشرطتها ولطفهم الزائد تجاه المواطنين في القطاع.
الحرق والانتحار حبا لا احتجاجا اصبحت اخر صرعه في اوطاننا .
المواطن اصبح كل هلئد ممنون من الاوضاع الاقتصاديه والسياسيه ولهيك بفضل الانتحار.
فكركم كل هاي الشباب اللي بتقود انتفاضة السكاكين مش كمان بنتحروا بطريقه غير مباشره والا انا غلطان.
اي من هدول الشباب اللي ماتوا فوق المئتين منهم كان عارف انو راح تتحرر فلسطين بهجومه بالسكين يا ترى.هدول شباب بنتحرواعلى اساس احتجاج سياسي ورساله مش بس للاحتلال بل للسلطه وحماس بس هات حد يفهم.
الرئيس الجزائري بوتفليقه يقاضي جريدة لوموند الفرنسيه قال لانها ذكرته بفضيحة اوراق بنما وهو ما دخله بس في ناس من حكومته دخلهن.طب شو الفرق يا سيادة الرئيس الا يدل هذا على الفساد والرشوه في حكومه وانت رئيسها فقدت مصداقيتها مع فقدانها لصلاحيتها. ومشان الله حلو عن الشعب وسوه انتخابات جديده .الجزائرين يعانون ايضا من الفقر.
مش راح نحكي عن شباب مصر اجدع ناس بس بلغ السيل الزبه ومبقاش في شي يهدي الشعب المصري ويصبره على جوعه وبلاويه غير ابر التخدير وانتظار فرج السماء.
اذا بدنا نقعد للصبح نذكر اعداد المنتحرين في اوطاننا من العراق الى لبنان الى عمان ما منخلص.
ختاما كان في عندي صديق ولازال كل ما احكيلو نكتة الانتحار يضحك وكانه سامعها اول مره مع اني حكيتلو اياها ميت مره.
واحد طلع على السطح مشان ينتحر وهو ماشي تزحلق ومسك بالحديد وكان ميت من الخوف وقال العمى كان رحنا فيها.
عسطح البلديه لو بتهدو فيي كانت راحت علي ع سطح البلديه.كلمات من اغنية الراحل وديع الصافي في اسكتش قصيدة حب

#جان_نصار (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات