أخبار عامة - وكالة أنباء المرأة - اخبار الأدب والفن - وكالة أنباء اليسار - وكالة أنباء العلمانية - وكالة أنباء العمال - وكالة أنباء حقوق الإنسان - اخبار الرياضة - اخبار الاقتصاد - اخبار الطب والعلوم
إذا لديكم مشاكل تقنية في تصفح الحوار المتمدن نرجو النقر هنا لاستخدام الموقع البديل

الصفحة الرئيسية - كتابات ساخرة - جان نصار - مصاري السعوديه وايران دخلوا بعب الامريكان














المزيد.....

مصاري السعوديه وايران دخلوا بعب الامريكان


جان نصار

الحوار المتمدن-العدد: 5141 - 2016 / 4 / 23 - 18:23
المحور: كتابات ساخرة
    


على ما يظهر انو الدفاتر القديمه بدءت تفتح في امريكا واذا كانوا التيوس السعودين والايرانين مفكرين انو امتى ماكان فلوسهم اللي موجوده بامريكا راح ترجعلهم بكل بساطه فهاي زي امل ابليس بدخولوه الجنه. على فكره مش بعيده هاي ها يمكن الله يسامحوه لابليس مين بيعرف..
زي ما انتو عارفين يا جماعه في مصاري لايران بالبنوك الامريكيه مجمده من 30 سنه نتيجة المقاطعه والحصار اللي فرض على ايران ...
بعد الاتفاقيه النوويه اللي جرت بين الامريكان والايرانين اللي جابت ضيقة النفس للسعوديه واسرائيل مع بعض واللي كانت احد اهم اسباب التدهور والبرود في العلاقات بين السعوديه وامريكا,,,
صار بامكان ايران تسترجع وتسحب اموالها وتوخدهم .
لكن استوب الداخل موجود والخارج مفقود,, ودخول الحمام مش زي خروجه. معقول انو بعد 30 سنه حجز وتجميد اموال لايران يرحوا هيك بالساهل ويرجعوا لاصحابهم.كمون يوز يور ميند استعمل عقلك يا عم سام وهاي مش اول مره وياما يا اوباما ياما, الفلوس اللي دخلت بعبكم دخلت ولم تعد لاصحابها.
قبل شي يومين تلاتي اصدرت المحكمه العليا في امريكا قرار تعويضات لضحايا بما يسمى الارهاب الايراني لمقتل جنود امريكين.”.
المحكمة العليا قضت، الأربعاء، بأن الكونغرس الأمريكي لم يتجاوز سلطاته بإقراره قانونا عام 2012 يقضي بوجوب توجيه الأموال الإيرانية المجمدة لتنفيذ حكم، في قضية تعويضات بدأت عام 2001، لصالح عائلات ضحايا هجمات إرهابية ألقيت المسؤولية عنها على إيران، ومنها تفجير ثكنة لمشاة البحرية الأمريكية في بيروت في 1983 الذي أسفر عن مقتل 241جندي امريكي.
وطالما يا ابو الحبان منقدر احنا كامريكان نحاكم ايران بالعداله والميزان ونخود فلوسهم كمان على احداث صارت من زمان في لبنان فاكيد مش غلط نقعد السعوديه على القبان.
يعني الوعد الشفهي اللي اعطاه اوباما للملك السعودي سلمان انو مش راح يلاحقوا السعوديه بملف الارهاب واسقاط البرجين ويحاسبوهم ويطالبوا بتعويضات ,,هادا متل كلام الليل اللي يمحوه النهار.
اوباما قال بالحرف الواحد اذا الكونغرس طالبكم يا ابن سعود بالتعويضات انا راح افيت يعني اصوت بالفيتو وارفض محاكمات السعودين ودفع تعويضات ما قامت به القاعده ضد امريكا.. لانكم يا ابن سعود برئين كبرأة الذئب من قتل يعقوب.
يعني هيك اللي باين بالصوره .
اللي منعرفوه انو في 750 مليار دولار ودائع واموال سعوديه بالبنوك وسندات وغير التجارات والاصول والعقارات.
هاي الاموال هدد وزير خارجية السعوديه الجبير وقال منسحبها وكأنوا سحبها زي سحب الشعره من العجين اذا الحقتوا وقاضيتونا.. بصراحه بموت بالهبل والسذج والبلهاء من امثاله .
معقول يا جماعه اموال صارت بعب الامريكان وصارت من زمان بخبر كان وما الها ارار تتبان ترجع لمصادرها وللدكان.
خلني اوضح السيناريو:
اوباما لو ما رجع بكلامه وضل واقف عند كلمته ما بعني اشي غير تأجيل التنفيذ لانو شو اللي بمنع باخر السنه بعد انتهاء فترة ولايته انو الرئيس القادم لامريكا هو او هي يمشوا مع هاظ الراي.
اعداد القتلى ببرجين التجاره وصلوا لقرابة ال3 الاف مواطن ويا سلام على تعويضات الامريكان وقرارات محاكمهم. يعني اذا انفتح هالملف طاروا ال 750 مليار وبعد بكون على السعوديه تدفع اضعاف هذا المبلغ.السعوديه راح تصير من مدين الى مديون.
اذا شركات الدخان بتدفع الملاين لموت مواطن لانه اصيب بالسرطان نتيجة التدخين مع انو مكتوب على كل علب الدخان انها تسبب الامراض والسرطان وتقتل ومضره للصحه ومع هيك بتدفع.
مواطن اخذ تعويض ب 300 وكسور مليون من شركة مالبورو للدخان والدفع بالمليارات.
يعني بحسبه زي هاي كل 3 قتلى مع التقادم والفوائد من 2001 بدهم حوالي مليار دولار تعويضات واللي بعرفش يحسب يمسك اله حاسبه ويشوف قديش بعد لازم تدفع السعوديه تعويضات للامريكان.
يمكن البعض يفكر اني ببالغ لكن مبالغ التعويضات والمحاكم الامريكيه شيء لايصدق.
لسه غير الملاين اللي راح يرفعوا محاكم لانه تضررت نفسياتهم وتعقدت حياتهم وراح اكتبلكم موضوع عن محاكم الامريكان واسبابها ونتأئجها اشي بشخخ من الضحك في مقال قادم.
هاي نص المقال. اليوم احنا كشعوب منسأل يعني امريكا مسموحالها تحاكم وتطالب بتعويضات والعرب لاء .
فمثلا هل يستطيع الشعب العراقي ان يحاكم امريكا بتهم الارهاب لانها قتلت الملاين بحروبها عليه ودمرت اكثر من نص البلد بحرب ال 2003 وشردت و و و,,مشان ازاحة صدام واتهامه واتهام العراق انو عندهم اسلحة دمار شامل وطلع انو ما في منو هالكلام.
على فكره انا مش من محبين صدام الدكتاتوري او غيروا من الدكتاتورين بس بسأل من وجهة نظر قانونيه ورأي عام.
طب القاعده اللي ضربت برجين التجاره مين انشأها مشان محاربة السوفيت في افغانستان يا ترى مين مين مش همي نفسهم الامريكيين.
مين الي بنتج سلاح وبييعه للارهابين مباشره او دول تدعم الارهابين .
السعوديه يا دوب تنتج مقاليع حجاره بدها تنتج سلاح.
وبعدين وقفوا تاقولكم يعني انتو يا امريكان زي المنشار طالع واكل ونازل واكل .بتبيعوا اسلحه مشان الناس تقتل بعضها والا مشان يحطوه ديكور.
لازم تكتبوا على السلاح انه مضر للصحه واستعماله فقط للقتل المحلي ولا يمكن توجيه الينا. يعني قتلو واذبحوا بعض وادفعوا ثمن الاسلحه اللي منبيعكم اياها بش لا تقربوا علينا والا..
اللي بنتج وببيع سلاح وبرفض التوقيع على معاهدات الحد من الاسلحه وانتاج اسلحة الدمار الشامل مثل امريكا اظن كمان هادول بنزلوا بخانة الارهاب والارهابين وكمان يجب ان يحاكوا مزبوط والا لاء.
يا جماعه احلى خبر سمعته قال السعوديه بدها تقترض من البنوك شي 10 مليار دولار.معقول هالحكي.
يا ترى راح يدفعوا عليهم فوائد والا يخدوهم تحت بند المرابحه.. والفلوس مصدرها حلال والا حرام.
تصوروا كل هالمليارات اللي ببنوك امريكا واللي بصرفوها على دعم الارهاب واللي تبدد وتصرف وتحرق وبالاخير بدهم قرض بعشره مليار شو رأيكم يا جماعه.



#جان_نصار (هاشتاغ)      



اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين
حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل


كيف تدعم-ين الحوار المتمدن واليسار والعلمانية على الانترنت؟

تابعونا على: الفيسبوك التويتر اليوتيوب RSS الانستغرام لينكدإن تيلكرام بنترست تمبلر بلوكر فليبورد الموبايل



رأيكم مهم للجميع - شارك في الحوار والتعليق على الموضوع
للاطلاع وإضافة التعليقات من خلال الموقع نرجو النقر على - تعليقات الحوار المتمدن -
تعليقات الفيسبوك () تعليقات الحوار المتمدن (0)


| نسخة  قابلة  للطباعة | ارسل هذا الموضوع الى صديق | حفظ - ورد
| حفظ | بحث | إضافة إلى المفضلة | للاتصال بالكاتب-ة
    عدد الموضوعات  المقروءة في الموقع  الى الان : 4,294,967,295
- في متابعه لمسلسل المصالحه الفلسطينيه يا ترى
- السعوديه وسياسة علي وعلى اعدائي
- الاستاذ افنان القاسم ومؤتمره العربي العالمي
- تيران وصنافير طاروا مع العصافير
- اوراق بنما خلت ومخلت صدر مغطى
- تطقيع والا قرصة دان امريكا لتركيا والسعوديه
- ميسي ادانا بالجزمه
- السعوديه وحال مش عم تزبط معي
- ليش انا بكتب بالعافيه ها لماذا؟
- اطراء النساء في السراء والضراء
- خالتي انشراح ابو الغيط جاي والعربي راح
- اردوغان تركيا وابتزاز الاتحاد الاروبي
- فرنسا البقره الضاحكه واللعب عالسعوديه وايران
- السعوديه بدها تخربها وتقعد عتلتها
- روح ماري انطونيت تبعث في العراق
- كل النسوان هيك والا بس اللي عندي
- هل المرأه انسان؟سؤال بمن سيربح المليون
- ايها السعودي انتفض وطالب بحقك
- السلطه الفلسطينيه وحماس والوصول الى الافلاس
- السعوديه من ليس معنا فهو ضدنا


المزيد.....




- -فيلم هابط-.. علاء مبارك يسخر من هجوم إيران على إسرائيل
- شركة عالمية تعتذر من الفنانة هيفاء وهبي بطريقة خاصة (صور)
- المخرجة رشا شربتجي تكشف عن قصتها مع عرّاف يهودي.. ماذا تنبأ ...
- “باللغة العربية” Dream League Soccer تحميل دريم ليج 2024DLS ...
- أفضل الأفلام وأروع الأغاني.. نزل تردد تنه ورنه Tana and Rana ...
- العودة إلى عوالم الياباني كوبي آبي بصدور ترجمة روايته -المُع ...
- -دار الحجر- اليمني.. قصر أثري منحوت على قمة حصن سبئي
- كتاب للمغربيةسعاد الناصر يسلط الضوء على الحركة الأدبية في تط ...
- ماذا نعرف عن اللوحات الأثرية المكتشفة في مدينة بومبي الرومان ...
- فرحة العيال رجعت تاني.. تردد قناة بطوط الجديد على نايل سات و ...


المزيد.....

- فوقوا بقى .. الخرافات بالهبل والعبيط / سامى لبيب
- وَيُسَمُّوْنَهَا «كورُونا»، وَيُسَمُّوْنَهُ «كورُونا» (3-4) ... / غياث المرزوق
- التقنية والحداثة من منظور مدرسة فرانكفو رت / محمد فشفاشي
- سَلَامُ ليَـــــالِيك / مزوار محمد سعيد
- سور الأزبكية : مقامة أدبية / ماجد هاشم كيلاني
- مقامات الكيلاني / ماجد هاشم كيلاني
- االمجد للأرانب : إشارات الإغراء بالثقافة العربية والإرهاب / سامي عبدالعال
- تخاريف / أيمن زهري
- البنطلون لأ / خالد ابوعليو
- مشاركة المرأة العراقية في سوق العمل / نبيل جعفر عبد الرضا و مروة عبد الرحيم


المزيد.....
الصفحة الرئيسية - كتابات ساخرة - جان نصار - مصاري السعوديه وايران دخلوا بعب الامريكان