السعوديه والعقده السوريه

جان نصار

الحوار المتمدن-العدد: 5067 - 2016 / 2 / 6 - 13:30
المحور: كتابات ساخرة
    

انا كمواطن بسيط وساذج وعلى باب الله بتسأل شو مشكلة السعوديه مع سوريا.وين تضارب المصالح وشو الاهداف ولوين بدها توصل الامور.
يا ترى الموضوع صراع مذهبي او تنفيذ اجنده غربيه امريكيه لاعادة فرمتة المنطقه وبقائها تحت الفوضى الخلاقه.
يعني لو السعوديه بلد الحريات والديمقراطيه والعداله الاجتماعيه ,ومعندهمش مشاكل ولا طبقات مهمشه ,ولا معتقلين سياسين وما فيها اعدمات, ومواطنها رجال ونسوان يتمتعون بالمساواه ,وفيها انتخابات حره وتقاسم الثروات بين العائله المالكه والشعب ففتي ففتي, ورافعين شعار السلطه والشعب: اللي خلفوا ابوك لالك ولاخوك, والمواطن السعودي كل مواطن صغيرهم وكبيرهم سنيهم وشيعيهم, بتمرمغ بالنعم والليرات والريالات والدولارات لقلت المسائله فيها نظر.الجماعه النعيم اللي همي عايشين فيوا بتمنوا للسورين ومشان هيك بدهم يخلو رئيسهم الديكتاوري والحكم المستبد الاسد يطير ويخلع.
لكن كل هالكلام ما في منو . فلشو المزاوده والطخطخه والجعجعه.
وكمان سؤال اهبل خلال الستين سبعين سنه الماضيات وين كانت جحافل جيوشكم تقارع على الجبهات في فلسطين اللي صرعتوا راسنا بحقوقها وتحريرها من المغتصبين.ومين احق اليوم؟
تحرير فلسطين او تحرير سوريا من المجوس والصفوين والفرس والعدو الاكبر ايران.
السعوديه وايران التنين لا منحملوا بميزان ولا قبان ببلادهم عايشين بمعمعان والمواطنن ما بشعر بالامان .
بدكم تبعتوا جيوش تتحارب داعش في سوريا وانتو اول من اخترع القاعده اللي هي ام داعش وجبهة النصره ولليوم نازلين فيهم دعم بالسلاح والمال.كيف هاي المعادله بدها تمشي.
يعني كلام هاي الشقره الروسيه الناطقه بلسان الخارجيه الست ماريا زاخاروفا استفقعتكم واستظرتتكم يا قيادة السعودين وبتقولكم حررتوا اليمن من بابها لمحرابها واليوم بدكوا تحرروا سوريا من الدواعش والاسد بضربة معلم التنين بسعر واحد.
بعد اسبوعين بصيرلكم سنه وانتو تقارعوا باليمنين ومش طالعين معاهم راس وهمي مجموعات فقيره وتسليحها سكر خفيف.
يا ترى ارسال جيوش الى سوريا لمحاربة داعش اللي سميتوها فاحش فقط والا محاربة النظام وايران وروسيا وحزب الله.
على فكره بلاش حد يزاود وينزللي شعارات ومسبات اني مع النظام .انا بس بجسد صورة الواقع ومع تحرير الشعوب بقواها الذاتيه بلا استيراد ولا تصدير للثورات ولا تنفيذ مهام وحروب بالوكالات لدول اجنبيه.
السعوديه صرحت بانها مستعده لارسال جيوش .بس ما قالت جيوش سعوديه المنشئ وبيور يعني صافي, ممكن يكونوا مرتزقه من كولومبيا مثلا ,مثل ما استأجرت دولة الامارات مرتزقه كولومبين او باكستانين او او.
انا بقول خبر ارسال جيوش هو فقاعه اعلاميه ورساله لايران وممكن لروسيا لكن مبطنه مش اكتر.واذا كانت اكتر فعلى الشعوب السلام والحرب راح تحرق الاخضر واليابس.
على ما يظهر انو التدخل الروسي قلب الموازين وقرب تطهير حلب مخوف الاتراك حليف السعودين والجماعه حابين يعرقلوا انهيار داعش وفزعه لجماعتهم جيش الفتح وجبهة النصره.
السعوديه بلش الطفر يضرب اطنابه والتقشف شغال والدخول في مغامرة حرب اقليميه ممكن ييجيب اخرة العائله المالكه والمغامرات المش محسوبه مرهوبه والدخول لالها بسهوله بس الخروج بصعوبه.
الميليارات مش عم تصرف عم تحرق في سبيل المزيد من القتل والدمار مش في سبيل البناء والاعمار.وارسال قوات سعوديه غير انو مقامره مش محسوبه بل انو شرارة حرب واسعه لا يعلم مداها حتى الله نفسه.
الحكام السعودين مش منتخبين, قاعدين سلبطه وفتوي وبالقوه .
همي قديش عددهم؟ مثلا 10 او حتى تلاتين الف امير .
طب السعودين حوالي 30 مليون او اكثر مواطن هل سؤل هؤلاء المواطنين باستفتاء شعبي طالما انو ما في انتخابات عن رأيهم بهاي التداخلات والحروب بعيدا عن التجيش والتهويش بالخطر الشيعي على السنه.طبعا لا.
مين الذي يسقط شهيد او قتيل او ضحيه مش الشعوب والمساكين.. شو هامهم الامراء جيوبهم عمرانه وقصورهم مليانه ونسوانهم حليانه.
الامريكان بتناقضوا بتصريحاتهم .حلفائهم مثل السعودين والخليج بصدقوهم وهمي اليوم صاروا ادوات بايد الامريكان بعد ما هدولاك فضلوا الابتعاد عن الحروب المباشره وبقولك خلي العرب يدبحوا بعض وفخار يكسر بعضه.
فمثلا تصريحات الامريكان المتناقضه تقول ان روسيا لا تحارب وتضرب داعش بل التنظيمات الاخرى ومن جهه تاني بصرحوا انو نفوذ وقوة داعش تتضائل في سوريا والعراق وتزداد في ليبيا .
طب كيف داعش بسوريا تتضائل وتفقد قوتها وتخسر من نفوذها والاراضي التي احتلتها ويضيق عليها الخناق وعندهم ازمه ماليه؟؟؟ من الهوا او من كثرة الغسيل.
كيف هناك مجموعات من الارهابين عادوا الى اروبا بعد كل هالمعارك والمخاسر على اي اساس شو, تحررت سوريا من النظام واحنا معناش خبر .
المطلوب يا جماعه رأب الصدع ومحاولة تطويق الخلافات والسعي الى السلم وازالة الاختلاف المذهبي واعادة البناء.
بلاش تولعوها اكتر من ما هي ولعاني لانها اذا ولعت اكتر من هيك ابقاش في شي يهديها ارحموا المساكين, والشعوب بتصرخ وبتقول بكفي بكفي حلو عن سمانا.
هاي هي خاتمه مواضيع الانشاء والطوباويه على الطريقه العربيه.
الخبر الطازج وتحت الطبع السعوديه جهزت جيش من 150 الف لاعب مصري سوداني اردني وتركي بادارة وتمويل وتسليح سعودي.بالمختصر الفاتحه على ارواح الشهداء راح تكون مصريه اردنيه وتركيه وو. ياريت هالدول ما توقع بالمطب اللي راح يجيب الخراب والويل للمنطقه .الامريكان بشجعوا وبصفقوا وجمعتنا برقصوا وبشاركوا بالحروب وقتل الانسان لاخيه الانسان زي ما بدو العم سام.

#جان_نصار (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل