الزعيم الايراني روحي...اني يلتقي البابا الفاتيكاني

جان نصار

الحوار المتمدن-العدد: 5058 - 2016 / 1 / 28 - 17:32
المحور: كتابات ساخرة
    

اخيرا وقف علي بابا العالم الغربي قدام مغارة ايران وقالوا افتح يا سمسم .وهات يا عقود وهات يا استثمارات بالهبل .هيك هيك في ركود اقتصادي عالمي.
,لكن في منطقتنا النزاعات والحروب والارهاب منعشي تجارة الاسلحه ومشتقاتها والمستلزمات الطبيه والادويه والمواد التمونيه تلقى رواج وحركه في الاسواق فمنطقتنا سوق تجاريه اقتصاديه ومحرك سياسي عالمي, موقف العالم كله على روس اصابيعه.
ايران بعد حصار 30 عام ونتيجة الاتفاقيه النوويه مع امريكا والغرب اطلق سراحها وانفتحت على العالم والعالم انفتح عليها وبدا اللعب على المكشوف.
افرجت عن اموالها المحتجزه وتوفيراتها بالبنوك بالودائع المغلقه طوال هذه السنوات صارت بين اياديها ورجعت ليالي زمان.
الزعيم الايراني روحياني(عفوا روحاني بس لانوا في روما والفاتيكان صار روحياني) بداء برحله الى الغرب مفتتحا اياها بزيارة بابا الفاتيكان.
بقولك انهم اجتموعوا لمدة 40 دقيقه مع بعض غير الاجتماعات مع وزير خارجية الفاتيكان ووزير الدفاع والماليه وزير التجاره والاقتصاد والتعليم.(عفوا اظن اني بطلت اجمع فش هيك وزارات خيالي سرح لبعيد)
المهم انو البابا طلب من روحاني ان تلعب ايران دور في التهدئه ومنع الحروب والارهاب.
والله يا بابا لا توصي حريص احنا من ناحية انو ايران تلعب فهي بتلعب.هيي والسعوديه همي اللاعبين الاساسين في المنطقه ومشهورين بسياسة اللعب النظيف.
اصلا احنا كل شعوب المنطقه بالسنوات الاخيره منهتم بالفريق الايراني ومبارياته مع الفريق السعودي ومبارياته وصرنا منشجعهم ومنتابع اخبارهم اكتر من ما منشجع فريق برشلونه والريال.
يعني من الاخر هالفريقين همي اهم فرق في الشرق الاوسط كله بالاضافه الى انهم بلعبوا باعصابنا وبلعبوا بمستقبلنا وحتى وجودنا, والهوا اللي منتفسوا بمنطقتنا هو اما ايراني او سعودي.
حتى العواصم العربيه مقسومه بين الفريقين.فمثلا بيروت وعدن ودمشق وبغداد هدول بشجعوا الفريق الايراني اكتر لانهم مجبورين فش حق الاختيار وبقية العواصم منقدر نقول بشجعوا الفريق السعودي.
الزياره كانت لتقريب وجهات النظر ورسالة تسامح ديني يعني دعايه واعلام والاهم انهم اتفقوا على رفض ازدراء الاديان وهاي خط احمر.مش مهم كتير قتل الانسان لاخيه الانسان لانها مش اهم من الاديان.
مجموعة صور سلفي كانت بين البابا وروحاني بتطير العقل وصدقوني انو التنين فوتوجنيك غير شكل.
بقولك خلال الاجتماع رن جرس التلفون ورد البابا وقال مشغول اتصلوا بعدين.رن كمان مره الجرس وقال البابا الاسبوع الجاي منجتمع,ورن التالت والرابع والبابا يرد.
لما ضرب الجرس المره الخامسه قال روحاني للبابا ممكن هدا التلفون الي.
اجاب البابا هدا جرس التلفون انا برد عليه لما يصير الاذان انت بترد.
زار الزعيم روحاني روما واجتمع مع الحكومه هناك. ويقال انو كل محل زاره الرئيس الايراني وكان فيو تماثيل عراه حجبوها وغطوها مشان هالتماثيل ما تجرح احاسيس وعواطف الوفد الايراني وزعيمه والعالم الاسلامي كله بشكل عام وطلبوا من كل نساء روما البقاء في بيوتها حتى انتهاء الزياره بعد 3 ايام.
وجبات الطعام خلت من النبيذ الاحمر بس الابيض من غير كحول كان في حتى بيرة باربيكان الخاليه من الكحول كان موجود.
بعض الساسه والمزاودين الايطالين احتجوا على تغطية التماثيل, على اعتبار انها ثقافه وفن وابداع وانو الضيف عارف انو جاي على بلد فيها حتى تماثيل اطفال بتشوخ وبتفرفر من عضوها التناسلي مي للشرب ,وعلى الضيف احترام ثقافة البلد وتاريخها وفنها.واعتبرت هاي الاجرأت على انها وجهنه وتملق ما الو طعمي.
انا مش عارف لشو هالمزودات. بزمانه دريد لحام بمسرحية كاسك يا وطن قال على لسان مواطن اعطوني مليون دولار وكفو بصري, وانتو يا ايطالين العقود والاستثمارات والصفقات اللي نزلت عليكم زي زخ المطر من الايرانين بالمليارات بخليكوا تحجبوا كل روما عن الخارطه مش بس تماثيلها.
اذا الصين عملت اتفاقيات مع زعيمها بنغ بونغ خلال زيارته الاخيره لايران ب600 مليار دولار.يعني معقول انو ايطاليا بركودها الاقتصادي اليوم ما تعمل شي صفقات خلينا نقول ب50 مليار دولار,
شو مش حلوين .هدول بنعنشو وبفرفشو وبنغنشو وخرخشو وبطرطشو كل البلد .مرقوها وغطرشو.
ابصر شو جاي لقدام الخير والا الخ ...ا.محدش عارف
ايران وهي محاصره مكناش خالصين من قصصها هلىء هي وتوترها مع السعوديه والمنافسه بيناتهم على البعبصه في سياسات دولنا العربيه وتنافسهم المذهبي بدكم الله بستر .

#جان_نصار (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل