زوجتي والقط

جان نصار

الحوار المتمدن-العدد: 4886 - 2015 / 8 / 3 - 15:22
المحور: كتابات ساخرة
    

مش عارف من وين استوحيت هذا الاسم لكني اذكر قصه وفلم كان زوجتي والكلب .لكن عندنا قط مش كلب.
بعرف يمكن البعض يقولك هذا الكاتب مهوي ومهستر وطاقق ومأجر كل الطوابق.الاحداث والمنطقه بأيش وجنابو بأيش..
لكن الحياه ماشي ومش من المفروض بالكاتب الساخر انو يكتب عن موضوع واحد ويتخصص فيه.الكل بكتب عن الارهاب وداعش والمصايب هون وهناك وانا بطبعي مابحبش المزاوده ولا المزاودين وما بتحين الفرص وبتاجر بمصيبه هون او كارثه هناك. ومع كل هدا وهداك كتبت عن الارهاب وكتير مواضيع وزي ما بقول ديما ناس بتوكل جاج وناس بتعلق بالسياج.
هالايام الكل بزاود بمصيبة عائلة الدوابشه وحرق الطفل علي وهو حي.اكيد الفعل اجرامي وحقير ومستنكر ومرفوض ومدان ويجب التحرك لا السكوت عليه. هذا على الصعيد الفلسطيني غير الشهداء اللي كان اخرهم ليث الخالدي طالب الثانوي اللي كل جريمته انو سار بمسيره سلميه احتجاج على اعتداء المستوطنين على عائلة الدوابشه.
يعني الرئيس الفلسطيني ابو مازن لساه بفكر يروح على محكمة الجنايات الدوليه وكانوا هذا الحادث الوحيد اللي بخلي يتحرك من يوم ما قعد على الكرسي كل المصايب والكوارث والاعتداءات والشهداء و و و و.وهو اروح لاء مش حروح.
حتى بالسياسي فيها عنج ودلال وعزايم وبدنا دعوى رسميه
بقولك:اذا كان رب البيت على الدف ضاربا ....فشيمة اهل البيت الرقص.
منرجع لموضوعنا رغم شطحاتي. بس خربشاتي الها اكتر من مغزى والقارئ الفطن بيوخد اللي بدو اياه او بفهم اللي انا مش فاهمه.
قصة القط او البس هيك احنا منسمي ,هو قط شوارع تبنتو بنتي المتزوجه والتي تسكن في بيت لحم منذ ولادته.وانتبوهوا ذكر مش انثى لاننا كما تعلمون ننتمي للعروبه والعرق السامي نفضل الذكور على الاناث حتى في الحيوانات.
قطنا هذا الذكر طالما انه حيوان مش راح يتعلم على الاقل يتحرش بكل القطط الاناث في الحاره لانه هي التربيه لازم تكون.لكن يا حسره القط كتير جبان وبخاف من خيالو.
اطلقت ابنتي عليه اسم دولتشي (دولتشي جبانا :اسم عطر).
حصلت ابنتي على دوره تعليميه في امريكا لمدة شهر الا وهو شهر تموز من قبل المؤسسه التي تعمل بها.وسافرت هي وزوجها وطلبت من زوجتي وابنائي الاعتاء بدولشي طيلة هذا الشهر وكان لها ذلك.
الاحداث عزيزي القارئ هي ترو ستوري يعني قصة حقيقه مع البهارات والاضافات والاكسسوارات.
للعلم زوجتي اجنبيه وهي سلوفاكية الاصل ومحسوبكم وبقية افراد الاسره نتكلم اللغه السلوفاكيه والعربيه .
يا جماعه دولشي حصل على معامله في.اي.بي. يعني اهتمام فوق العاده .اكل خاص معلبات واكياس اشي بفتح النفس لدرجه انو الواحد صار يشتهي يكون قط(حيوان) وصدقوني بعرف انو في اطفال مش ملاقين ياكلوا او بموتوا من الجوع ومع هيك الحياه منستمره.على الاقل لا اعتقد اننا نرى اطفال في منتقطنا يموتون جوعا .
اهتمام زوجتي بالقط خلاها تنساني وطقعلي اكتر منما هي نسياني خلال السنه.
اكيد هاي حاله طبيعيه لواحد متلي متجوز موأبد لاكثر من 30 سنه.
زي ما انتو عارفين الحب مع كترة الغسيل والكوي والسنوات بروح مفعوله وببقى التعود والعاده.اتعودت عليك ياحبيبي.
يا جماعه طار عقلي ..ما بسمعها للمرا الا وهي بتقول بدك توكل يا حبيبي ومحسوبكم ايوا ياعمري.كن بجي الجواب مش عم بحكي معك بحكي مع دولتشي.
بدك مي(ماء) يا حياتي؟ ايوا يا مرا الطقس حر وشوب بلي ريقنا.برضو بتقولك بحكي مع دولتشي.
كلمات مثل حبيبي وعيوني وروحي وحياتي وقلبي كلها اختفت من قاموس حياتنا من قبل اكتر من عشرين سنه واليوم رجعوا مش لجنابي لكن للقط دولتشي.اشتهيت اصير قط.
هذا هو الجانب العاطفي بالمقابل في جانب الغضب والصراخ والتهديد و و.
بكون نايم وعين الله علي واذ بسمع صراخ وهدير وزمجرير واعاصير.. تقربش جنب التلاجه يا حيوان تفتش على المطبخ يا جبان توكوليش اللحمه والاجبان وبقوم من نومي فزعان وبدي طاسة الرعبه والفنجان وبقول في نفسي مش عارف مين فينا الانسان ومين فينا الحيوان.
بصراحه انا ممنون لدولتشي بسبب انو جنابو صار يتحمل البهادل عني ورفع عن كاهلي مزاجية المدام وصار يتحمل معي بهادل مناصفه على الاقل فيفتي فيفتي بيني وبينو.
اعتقد انني سافتقد دولتشي خصوصا وان موائه ماخلاني انام لا ليل ولا نهار واستعنت بالعم غوغل لكي اعرف ما هي اسباب كثرة المواء ووجدت:شعور القط بالوحده ومناداته لاحد لكي يلعب معاه او شعوره بالجوع والعطش او اذا كان مريض واخيرا اذا بدو يتجوز ويطلب بقطه يعني زواج بالمساكنه او فرند مريج.
بالامس كان في عندنا حفلة كات شور على وزن بيبي شور يعني حمام القط دولشي لذا وبهذه المناسبه السعيده ورجوع ابنتي من السفر سيقام اليوم عندنا مأدبة غذاء على شرف مغادرة دولتشي الديار المقدسيه ورجوعه الى بيت لحم سالما.
دعوه مفتوحه للغذاء الى كل القراء ولا تقولو لاء لا بدها خجل ولا استحياء اهلا وسهلا بالجميع.

#جان_نصار (هاشتاغ)      

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل