يمعودين شنو السالفة .. إنتو وين ؟

عماد عبد اللطيف سالم
كاتب وباحث
(Imad A.salim)

الحوار المتمدن-العدد: 4861 - 2015 / 7 / 9 - 23:00
المحور: كتابات ساخرة
    

يمعودين شنو السالفة .. إنتو وين ؟

هتلر .. يـ العاقل .. يـ الزين .
ستالين الطيّب .
ماو .. الوردة .
تشرشل أبو الزينات .. ديغول أبو الكرامة .. المَتِنْلِثِم أبد .
هولاكو الحبّاب . الأسكندر ذو القرنين أبو الغيرة .. والأسكندر ذاك ، أبو الأربع كَرون .. ( وأكو بعد جم واحد ، أخاف أجيب أسمهم على لساني ) .
يمعودين صدُك جِذِبْ . يمعودين شنو السالفة .. إنتو وين ؟
تره كفيلكم الله ، إذا مترجعون بسرعة ، راح ننقرِضْ .. وتاليهه توصلون متأخرين .. ومَتِلْكَون غير جَمْ كنغر ، على جَمْ سحليّة ، على جَمْ قِرد .. يتكَامَزون هنا ، وهناك .. وتكَعدون تبجون علينه .. عمتْ عيني عليكم .
ليش هيج سوّيتوهه روحَهْ بلا رَدّهْ .. وعفتونه على ذوله : أوباما ، وكاميرون ، وميركل ، وأولاند .. ( وأكو بعد جم واحد ، أخاف أجيب أسمهم على لساني ) .. ليش ؟
يمعودين تره وراكُم إنْذَلّينَهْ .. وإنْلِعَبْ بينا شاطي باطي .. وصار طِشّارْنا ماله والي .. وإنلاصَتْ علينه كلّش .. إنلاصَتْ علينه حيل .. وكَامْ الداسْ يا عبّاس .
لا وفوكَاها .. كَمْنَه منُعْرُفْ حَماها مِنْ رَجِلْها .. وكَامْ يوميّة يجي واحد لبيتنا ، ويِدْفُرْ الباب ، وياخُذْ " أُمنَه " .. ويصيرْ " عَمْنَه " غصباً علينه .
وكَمْنَهْ من تِعْلِك تالي الليل ، وتْكَبْ العيطه .. نروحْ لهذا الواحد الأخَذْ أُمْنا ، و كَام يلِعَبْ بيهه طوبه .. ونصيحله :
- هَلَو عمّو .. اشلونَكْ إنته .. زين ؟
وسفَة عليكم .. وسفة .
وسفة ، وألف وسفة علينه .
وسفة .. على كلّ شيء .

#عماد_عبد_اللطيف_سالم (هاشتاغ)       Imad_A.salim#          

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل