بالعراقي الجلفي

حميد حران السعيدي

الحوار المتمدن-العدد: 4849 - 2015 / 6 / 26 - 17:11
المحور: كتابات ساخرة
    

شكول عليك (ويكليكس) ... عساها بحظك وبختك إشسويت بينه ؟ منه محتاج منك وثائق ؟ ومنه مكلفك ؟ , ماكو واحد من رجال الدين السياسيين يدعو عليه ويخلصنه من شره ؟ ماكو أحد يعرف عشيرته ونوديلها (كوامه) ؟ ... منعول الوالدين إحنه ندري وساكتين ليش تسوينه (علج بحلوك الناس) والما يشتري يتفرج ؟ الله يفضحك مثل ما فضحتنه .
شوف أنه راح أدعي عليك ب(الشرجي) يطكك ويخلصنه منك ويخليك ما تكدر تسولف بعد , موعيب عليك تجيب وتسطر علينه ؟ عمي إنته سامع ألأغنيه اللي تكول (أبويتنه ونلعب بيه) , إنت شنه شراكتك ويانه ؟ إحنه بشهر الطاعه وخليتنه ناخذ غيبه وبعضنا لابس (تي شيرت) حتى مايكدر ينفظ (زيجه) ويستغفر , وهاي طبعا بسبب الغرب الكافر اللي خله شبابنا يتزيون بزيه ويركضون وره ألأخبار , شنه فساد ؟ وين أكو فساد ؟ , أنت إذا ماتعرف الشغله إحنه نكلك بيها لأن انت ماتعرف عن طباعنه شي والصاير عدنه ماتكدر تفتهمه , إنته بيش تطلبنه ؟ إنت شتعرف من خصوصياتنا , عمي هاي اللي تسميها انت سرقات ومفاسد إحنه نسميها باسم أخر , هاي عدنه يسموها إعادة توزيع الثروه لأ ن إحنه ضامين فلوسنا عد جماعتنه وراح يعيدون توزيعها علينه بألأنتخابات على شكل (صوبات) و(بطانيات) و(كارتات موبايل) .... إنته شمدخلك بينه , شلون يعني نظل نمشي وراك حتى من تصير إنتخابات كلشي مانحصل ؟ .
إنته لو يسموك فكر أحسن من أسمك هذا اللي محد يكدر يتهجاه , خو ماتريدنه نبني تجربتنا على الموجود عدكم بأنتخاباتكم (الفكريه) اللي المواطن كلشي مايحصل بيها ؟ طريقنا خاص وأساليبنا لايرقى لها الشك وأنت حُشري دخلت نفسك بما لايعنيك , ومن تدخل بما لايعنيه لاقى مالا يرضيه وراح ندعي عليك المغرب وشوف شراح يصير بيك , وقد أُعذر من أَنذر .

#حميد_حران_السعيدي (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل