عطلة .. ورة .. عطلة

عماد عبد اللطيف سالم
كاتب وباحث
(Imad A.salim)

الحوار المتمدن-العدد: 4805 - 2015 / 5 / 13 - 20:38
المحور: كتابات ساخرة
    

عطلة .. ورة .. عطلة

الحكومة تقرّر : الأربعاء والخميس عطلة !!!
وفوكَاها يجوك المعارضين لهاي الحكومة .. و يكَولون هاي الحكومة ضعيفة .. و مـتكَدَر " تقرّر " شي .
لا أشو " تقرّر " .. وغصباً على اليرضى ، والميرضى .. والأربعاء والخميس عُطلة .
على اساس كَبل هاليومين .. جان أكو دوام .
قبل اسبوع رحت للدوام .. ملكَيتْ بس الحرّاس .
كَاللولي : هاي وين رايح استاذ ؟
وواحد منهم خنزّر عليّه ، وراد منّي " سرّ الليل " .
طبعاً آني معرفتْ لا " سرّ الليل " .. ولا " سرّ النهار " .
إحترمتْ نفسي .. ورجعتْ للبيت .
فنكم شلون كَمتْ أعرف أكو عطلة .. اذا جان كَبلهه عُطلة ؟
لا عبالكم اباوع على قناة العراقية الفضائية .
لا يابه لا . هاي دائماً تكَول أكو دوام .. و " الأنتاجية " بالعراق " فُلْ أوبشن ".
أكَعُد الصُبح من النوم .
ألكَي البيت سنطة .. والويلاد والبنات يشوخرون .. ومرايحين للدوام .
وأرجع أنام .
ومن أكّعد الظُهُر جوعان .. سبحان الله .. تطلع صدُك عطلة .
صار وزني 200 كغم .. ورجعت صغيرون ومدَحْدَح .. وسمين .. وأزحف زحف .. مثل السحليّة المربربة من العافية ، بقناة " ناشيونال جيوغرافيك " .
وفوكَاها يجيك واحد ، ويدوس بـ بطنك .. ويكَلك النرويج أحسن بلد بالعالم !!!!
شلونك .. إنته .

#عماد_عبد_اللطيف_سالم (هاشتاغ)       Imad_A.salim#          

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل