فتى الأبتدائيّة الوسيم

عماد عبد اللطيف سالم
كاتب وباحث
(Imad A.salim)

الحوار المتمدن-العدد: 4789 - 2015 / 4 / 27 - 21:52
المحور: كتابات ساخرة
    

عندما كنتُ في " الأبتدائية " .. كنتُ وسيماً جداً .
لو أدري آني هلكَد جِنِتْ وسيم .. جان كَِلَبْت الدنيا .. وعشتْ الدنيا طول وعُرُض .. وخلّيتْ البنات كُلهِن يحبّوني .
بس استاذ كاظم البياتي ، بمدرسة المقاصد بالعطيفيّة .. و خالد ابن خالتي بمدرسة التربية الأسلامية.. مجانَوا يِقْبَلون .
جانَوا يكَولون : صحيح إنته كُلّش حلو .. بس صير عاقل أحسن . العقل زينة ، وخزينة .
خو ست حليمة ، بمدرسة الخيزران ، راحَتْ زايِدْ ، وكَالتْ : إذا بُقيتْ عاقل وحبّاب ، من تُكبَرْ .. راح تصير " فد شي " .
طبعاً آني جِنِتْ غشيم ، وعلى نيتي ، وعَبالي صدُكْ راح أصير " فد شي " .. وسمعِتْ كلامهم ، وصِرِتْ عاقل .. وهاي تاليتهه .
طِلَع العَقِل .. لا زينة ، ولا خزينة .. ولا " فد شي " .
وأصدقائي " العقّال " كلهُم مُعَقّدين . ولا واحد بيهم حبّاب ، وسبورت .. وهواية منهم " مخابيل " .. ويحجون ويّه نَفِسْهُم " شَيشْ بَيش " .. وعايفيني وحدي .
وصديقاتي " العاقلات ".. ولا وحده بيهن حبّابة و سبورت . و كلهن صارن تالي الوكت " دَيْنات " .. ويريدن يروحن للجنّة .. ويدزّولي " دعاء القبر " بالفيسبوك .. وهوايه منهن بيهن " توحُّد " . و .. ولا وحدة بيهن حِلْوة .
ليش هيج استاذ كاظم .. ليش ؟
ليش هيج ست حليمة .. ليش ؟
ليش هيج حجّي خالد إبن خالتي .. ليش ؟

#عماد_عبد_اللطيف_سالم (هاشتاغ)       Imad_A.salim#          

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل