نبضة قلب في حياة ميتة

نهرو عبد الصبور طنطاوي

الحوار المتمدن-العدد: 4635 - 2014 / 11 / 16 - 11:29
المحور: العلمانية، الدين السياسي ونقد الفكر الديني
    

(نبضة قلب في حياة ميتة)

تعالى يا ولدي
إنت كيفك وعامل إيه؟
تستاهل الحمد يا ولدي

هاعمل إيه أديني عايشة
أما أعافر في الدنيا
والدنيا اما تعافر فيا
لحد ما نرسي على برها يا ولدي
وتعود الروح للي خلقها

طولة العمر ليك يا ولدي
إحنا خلاص
خدنا نصيبنا منها
وقاسينا فيها
ودوقنا حلوها ومرها
وعادت ضيقة علينا قوي يا ولدي
وحان الوقت نقلعها
لا عادت تليق بينا
ولا عدنا نليق بيها

مين راح يسأل يا ولدي؟
ومين راح يدق علينا الأبواب
إحنا يا ولدي في زمن
نسيت فيه الناس السؤال
وما عاد حد يسأل على حد
وأدينا مدفونين بالحيا
جوا حيطان البيت
كيف الميتين جوا القبور

راحت الناس يا ولدي
إللي كانت صح ناس
راحت وغطاها التراب
واللي باقي منهم
يا طارد يا مطرود
يا لاحق يا ملحوق
ماعادش فيه ناس يا ولدي
اتنزعت من قلوبها الرحمة
وصاروا كيف الديابة
لاهياهم الدنيا ولقمة العيش
والأخ بيدوس على أخوه
والواد قلبه مليان جفا من ابوه

ربنا يسترك يا ولدي
وما يحوجك لعدو ولا لحبيب
وربنا ما يزلك بالمرض
ويديم عليك الصحة
تاج على راسك
ولا يحرمك منها
في حياتك ولا عند مماتك

إيه نطلب من الله يا ولدي غير صحتنا؟
علشان نقوم نقضي فرض ربنا
وما يهم بعديها
لو ناكل طوب أو نسف التراب
بس يدومها علينا نعمة

هتمشي يا ولدي؟
روح يا ولدي
الله يكتبلك في كل خطوة سلامة

يا ولدي
يا ولدي
إوعاك تنسى
كل فترة تيجي تشقر عليا
شوفني عايشة ولا ميتة.


نهرو طنطاوي
كاتب وباحث في الفكر الإسلامي _ مدرس بالأزهر
مصر _ أسيوط
موبايل : 01064355385 _ 002
إيميل: [email protected]
فيس بوك: https://www.facebook.com/nehro.tantawi.7
مقالات وكتابات _ نهرو طنطاوي:
https://www.facebook.com/pages/%D9%83%D8%AA%D8%A7%D8%A8%D8%A7%D8%AA-%D9%88%D9%85%D9%82%D8%A7%D9%84%D8%A7%D8%AA-%D9%86%D9%87%D8%B1%D9%88-%D8%B7%D9%86%D8%B7%D8%A7%D9%88%D9%8A/311926502258563

#نهرو_عبد_الصبور_طنطاوي (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات