الرك على النسوان برمضان والمسلسلات كمان وكمان

جان نصار

الحوار المتمدن-العدد: 4505 - 2014 / 7 / 7 - 16:12
المحور: كتابات ساخرة
    

اعرف جيدا ان هناك موضوعات جدا هامه على الساحه العربيه يحب الخوض في كتابتها والتطرق اليها لكني قولبت ككاتب ساخر. ورغم محاولتي الكتابه الجاده والملتزمه الا انها على ما يظهر لا تروق لقرائي لذا هناك حللان وهما ان ابقى على كتاباتي الساخره وان اكتب بأسم مستعار كتاباتي الجاده لكي احسب من كتاب النخبه الملتزمه الجاده المثقفه الفهماني والواعي للمستجدات على الساحه العربيه والعالميه .
منرجع لموضوعنا المش مهم كتير رغم انه اكثر من نصف المجتمع وحساس وهام. بس زي ما انتو عارفين مجتمعنا ذكوري وقضيايا النسوان ومشاكلها بصراحه ما بتهمنا رغم هوسنا فيها وغرائزنا وشهواتنا واستغلالنا الهم(النسوان)ومع هيك الحديث عن مشاكلهم مابتهمناش وبيناتنا مضيعه لاوقاتنا الثمينه نحنا الرجال.
احد القرارات المهمي اللي اتخذها قاضي القضاه الشرعين في فلسطين قال ما في طلاق برمضان. طب ليش يا جناب القاضي طالما في نية الطلاق رغم انه ابغض الحلال .
من لناحيه العمليه بقولك هيك هيك الطبخ والنفخ والعزائم والولائم على النسوان على الاقل الرجال بستفيدوا من خدمة الخمس نجوم تبعت النسوان بهذا الشهر الفضيل وبعدين الله لا يردك روحي انت طالق .
من الناحيه الدينيه هيك منكون ما اغضبنا ربنا وراح يرضى علينا وندخل الجنه لاننا طالقنا بشهر عادي مش شهر رمضان.
رغم انو النسوان بتتعب كل السنه في خدمة ادم لكن شهر رمضان بالذات عليها الرك والدعك اكتر من كل شهور السنه خصوصا في الطبيخ والنفيخ وتحضير الافطار والسحور للرجال .في هذا الشهر الفضيل هذا العام بالذات الرجال بتعبوا تعب لابو موزي من كتر النوم ومتابعة المونديال ومسلسلات رمضان والاهم بتفتقوا وعندهم طلبات الها اول ما الها اخر وبتوحموا زي النسوان على كل انواع واصعب المؤكولات.
ومع هيك بتلاقي الرجال عصبين ومنرفزين ومستنفرين ومحملين الله جميلي لانهم صايمين مع انه العك والرك والشغل والتعب والهم والغم على النسوان.
المفروض التقشف وعدم المبالغه بالاسراف على الاكل ولكن مع الاسف مين بسمع طلبات الرجال من النسوان حدودليس (بلا حدود)من الاطعمه.يعني المرا بتبدا من السحور الى الفطور تحضير الطعام والشراب للرجل ال أمور الغندور المفذور.
اهم شئ برمضان هذا العام رجوع مسلسل باب الحاره ومسلسلات البيئه الشاميه اللي عاجي كتير من الرجال خصوصا لانها مش عاملي قيمه للمرأه ولا شايلتها من ارضها.
بقولك ليش المرأه مش ماخدي حقوقها.
يعني هيك مسلسلات مهيني للمرأه بتلقي رواج واهتمام من صناع الفن والاعلام .
شو فحوى هاي المسلسلات غير ان المرأه تابع للرجل وغير متعلمه وجاهلي ووظيفتها ارضاء وانتظار ابن عمها أي الزوج الحالي او المستقبلي وهمها فقط ارضائه واسعاده بالليل والنهار واذا تيست معه ببعتها عند اهلها وبطلقها وبتجوز عليها والضرب والاهانه هي مجرد ديكور واكسسورات لا بد منها.
اما اخوتنا المصرين ومسلسلاتهم فيها كمان تحقير واهانة للمرأه من تحرشات جنسيه وبنات هوى وشرطة اداب وبقولك ليش في عنا تحرش جنسي.يا اخي ما انتوا بتلقنونا اياه بمسلسلاتكم.
الواحد صار مشتهي يشوف مسلسل هادف تعليمي توجهي ذو قيمه اخلاقيه غير مسلسلات الواقع مثل مسلسل داعش بالحاره اللي هو مسلسل رعب واثاره وخوف واقصاء وتغيب فيه سحل وقتل وصلب واغتصاب ونهب وتفجير ويبث مباشره بقنوات غير مشفره ويستقطب هذا المسلسل كل مهاويس ومجانين وسفاحي العالم حتى الاجانب من محبي القتل والدماء وجر الجثث وسحلها بالشوارع.
ختاما ارجو المعذره لاني انهي مقالي الان راح اشوف شو طابخه المرا ومحضره اكل بعد ما رجعت من الشغل واذا كوت البطلونات والقمصان لاني كنت نايم وتعبان من مشاهدة الملسلات ومباريات كرة القدم وكمان اذا حضرتلي الحمام والمي السخني بدي اتخسل(اغتسل) .
مع تحيات اخوكم ابو عصام اللي راح يطرقها احلى جوازي تاني انشاءاالله قريبا .استنوا علي شوي.

#جان_نصار (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل