شي بحير العقل!

جهاد علاونه

الحوار المتمدن-العدد: 4460 - 2014 / 5 / 22 - 18:40
المحور: كتابات ساخرة
    

كل بيت من بيوتنا دائما ما يكون بحاجة للصيانة,مثل أعطال المياه والكهرباء فهذه جميعها دوما بحاجة إلى الصيانة والمتابعة, وليلة الأمس تعطلت في بيتي (النواسه) وهي الضوء الخافت الذي أنام عليه عندما أطفئ كل الأضواء الشديدة الإنارة , وهذه مسأله بسيطه,ولكن ما هو غير بسيط عندما تحضر رجل الصيانه المختص إلى بيتك وتتفاجأ بأن ما تدعيه عن الخراب والأعطال ليس صحيحا
, يعني بصريح العباره:دائمن بطلع أنا كذاب ودالئما ماتور المي(الماء) والثلاجه,والنواسه بطلعوا أصدق مني بمليون مره,يا جماعة الخير بطلع أنا الكذاب وماتور المي(الماء) هو الصادق, وقس على ذلك أغلبية الأشياء في المنزل.
في الصباح استدعيت جارا لي يعمل معلم تمديدات كهربائية وهو رجل لطيف جدا وخدوم وأغلب الأحيان يصلح لي التمديدات الكهربائية في منزلي ويرفض أن يأخذ أجرة يده, واليوم كما قلت لكم استدعيته وحصل ما حصل معي قبل شهر:

-مرحبا أبو علي.

-هلا بالمعلم.

-شو مالك,شو خربان عندك؟.

-يا رجل النواسه,وكمان ماتور الماء بطل يقبل يسحب مي(ماء) من الخزان.

- الله يقطع ماتور المي ويقطع الثلاجه تبعتك على قد ما بتقول إنهن خربانات وبالنهايه بطلعن صالحات...هذي بسيطه يا أبو علي, بس أولا خليني أشوف النواسه مالها.

-على طول تفضل.

(دخل المنزل وهو يقول:يا ألله يا ألله...يا ساتر,وصاحت أمي من مخدعها تفضل يا أبو حامد).

-مرحبا أم جهاد,كيف الصحة؟شايفك مليحه وما شاء الله عليك,وترد أمي:والله كل شي خربان, ويجيب معلم الكهرباء:والله مثل أمي كلشي فيها بوجعها,والبركه بالشباب, ثم التفت يمينا ويسارا سائلا:وين النواسه؟أها هذي هي, وكبس على كبسة الكهرباء فأضاءت النواسة بسرعه.

-شو يا بو علي؟.

-شو يابو حامد؟شو في!,شو طلع فيها؟.

-شو مالك يا أبو علي مش شايف؟إنت أعمى؟وين نظارتك؟إلبسها وشوف مليح.

-كيف مش شايف!.

-يا رجل النواسه شغاله وحالتها ممتازة.

-شو شغاله!!!والله ما هي شغاله.

-كيف إنت مش شايفها إنها شغاله؟.

-لا شايفها,بس صدقني إمبارح ما كانتش شغاله وحاولت معها بكل الوسائل والطرق بس ما نجحت.

-يا زلمه يا أبو علي,إنت أكيد أعصابك تعبانه,إنت صاير ما فيش عندك تمييز أو اقصد ما فيش عندك تركيز.

-يا زلمه والله كمان قبل ما تيجي حاولت معها ولكن بدون فائده, هذي أكيد بس شافتك خافت منك,مثل الثلاجه اللي عندي, قبل أسبوعين جننتني,بالبيت وبالمطبخ ترفض العمل,وبس أوديها على محل التصليح هنالك بتشتغل لحالها من غير ما حدى يصيبها أو يلمسها, على طول بس إنحط فيش الكهربه بالكهربه بتشتغل لحالها, وبس أرجعها عندي على الدار بترفض تشتغل,والله يا رجل إنه إشي بجنن.

-طيب هذي مشكلة النواسه حليناها, خلينا نشوف شو مشكلة ماتور المي(الماء).

-هذا يا رجل رافض الشغل,ما بقبلش يسحب مي...وهسع بتشوف بنفسك.

-طيب مش هاظا الماتور اللي ناديتني على شان اصلحلك إياه قبل شهر؟ ولما اجيت شغلته وطلع ما فيهوش إشي؟.

-آه صح, بس صدقني هذه المره خربان نهائيا, يا رجل لا من ثمه(فمه) ولا من كُمهْ.
-طيب خليني أشوفه.

-أوكي...تفضل.

(دخل ومسك ماتور المي بيده وقام بتوصيل سلك الكهرباء فإشتغل بشكل جيد ولم تظهر عليه أي مشكلة).

-شو يا بو علي؟كنك مش إملاقيلك شغله غير إنك تشتغل بي؟ رايح جاي على باب الدار وتلفونات...وحالتك حاله,وإنت تقول:ماتور المي جنني...ماتور المي(الماء) مش قابل يشتغل؟طيب: هذا هو شغال وعلى دوز بار,وعلى سنقة عشره.

-لا حول ولا قوة إلا بالله, أقسم بالعذرى يا رجل,أقسم بالله إنه إله أسبوع مش قابل يشتغل.

-طيب كيف لما أجيت أنا إشتغل؟.

-إنت كهربجي وأكيد إنه مثله مثل النواسه, أكيد خافوا منك, النواسه لما شافتك جاي إشتغلت من الخوف, والماتور لما شافك جاي ومعاك المفكات والبراغي والأسلاك والعِده خاف منك واشتغل.

-يابو علي على حساب إنت زلمه مثقف وفهمان, كيف النواسه خافت مني؟وكيف الماتور خاف مني؟.

-شوف لعاد شو بتفسر إنت الوضع؟كيف يعني النواسه صادقه وأنا كذاب؟.

-لا يا رجل حيشاك من الكذب.

-لعاد شو بتفسر الوضع؟والله ما كانت شغاله,أقسم بالله.. يعني زي سيارة (عصام) كانت قبل أسبوع خربانه وفيها طقه غريبه وبس يوديها على الميكانيكي هنالك بتشتغل وبتمشي بدون ما تطلع منها أي طقه,ودائما أمام الميكانيكي بطلع عصام كذاب وبتطلع السياره صادقه.

-والله كلامك أحيانا صحيح يا بو علي يمكن إنه إحنا الخربانين وبدنا تصليح, أنا سيارتي نفس الشيء,كان فيها عطل كهربه وزجاج الباب الأمامي كان ما يستجيبش لما بحاول أرفعه عن طريق الكبسه الكهربائيه,وبس رحت على المدينه الصناعيه,يا رجل اشتغل لحاله,و(جير) السياره كمان في طقه رهيبه بس أروح على الميكانيكي بتروح من الطقه وبطلع أنا أمام الفني كذاب والجير بطلع صادق.

-والله شغله غريبه, معقول مثلا أبواب الخشب لما بتكون خربانه وتشوف النجار جاي والفاره معه والمفك معه,معقول يا رجل إنها بتخاف منه!,ومعقول زي ما حصل اليوم معنا بالنواسه,يعني النواسه(وضحكت وأنا أتكلم) إنها لما شافتك خافت منك؟.

-لا يا بو علي مش معقول, بس هذي شغله تحير العقول,أو إنه إنت اللي خربان.

-إذا ما بتخافش منك ممكن إنها خجلت منك خجل,يعني المسأله مجرد خجل.معقول إنها خجلت منك؟.

-والله ما بعرف, بس اكثير في ناس مثلك.بروح أصلحلهم أشياء خربانه ولما بصل عليهم بلقاها صلحت على طول,وبطلعوا أصحاب الشغل كذابين وبتطلع الأشياء الخربانه عندهمبريئة من هذه التهمه.

وبعد أن خرج من المنزل واستودعته بالسلامه,عدت لتشغيل ماتور الماء فرفض أن يشتغل,والنواسه رفضت أن تضيء,واحترقت أعصابي وصرت أصرخ وأشتكي لرب السماء وأقول: أنا مش خربان...أنا مش كذاب,والله إني صادق ,والله شغله بتحير العقل!!!!!!!!!!!

#جهاد_علاونه (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل