امثال مصرية ( 1 )

مجدى زكريا

الحوار المتمدن-العدد: 4367 - 2014 / 2 / 16 - 20:40
المحور: قراءات في عالم الكتب و المطبوعات
    

+ أهى ليلة وفراقها صبح. + عداوة الاقارب زى لسع العقارب. + مايقمش من الشمس للضل الا بعلقة. + العديم من احتاج الى لئيم. + مايسواش ملو ودنه نخالة.
+ صباح الخير يا جارى , قالّه انت فى دارك وانا فى دارى. + الشنق ولا شفاعة ابن الزنا. + زى القبر مايرجعّش ميت. + وشك ولا ضى القمر. خراب يادنيا , عمار يامخ.
+ قالّه تعرف فلان , قالّه ايوه. قالّه عاشرته قالّه لأ , قالّه يبقى ماتعرفوش. + كنت فين يا لأ , لما قلت انا اّ (ايوه). + مالك مرّبى , قال دا من ربى.
+ ما كل من صف الاوانى , قال انا حلوانى. + فقر المرء فى وطنه غربة. + كل شارب وله مقص. + البنات بسبع وجوه. + ما كل من ركب الحصان خيال.
+ لولا اختلاف وجهات النظر , لبارت السلعة. + الندب بالطار , ولا قعاد الراجل بالدار. + الميه والنار , ولا حماتى فى الدار. + بشاشة الوجه , عطية تانية.
+ لسانه زى مقص الاسكافى. + يرزق الهاجع والناجع , واللى نايم على ودنه. + الحسد عند الجيران , والبغض عند القرايب. + توب السلامة ما يبلاش.
+ زى الطبل , صوت عالى وجوف خالى. + على مايجى الترياق من العراق , يكون العليل مات. + دقّوا الطبل على التلة , جريت كل مختلة. + المعروف سيد الاحكام.
+ كل هّم فى البلد , يجى لقلبى وينسند. + قضيت العمر فى قهر , هو العمر كام شهر. + قالوا للجعان , واحد فى واحد بكام , قال برغيف. + عامل عايق ومدايق.
+ اللى فى بال ام الخير , تحلم به بالليل. + زى سلام المواردى على الفسخانى. + زى ولاد الحدايه , لا بيتاكلوا , ولا يتلعب بيهم. + الوش مزّين والقلب حزين.
+ كتر التنخيس يعلّم الحمير التقميص. + قالّه حبنى وخد ظعبوط , قالّه هى المحبة بالنبوت. + قالّه حبنى وخد ريال , قالّه هى المحبة بالحيال. + كل من جانا يحب مرجانه.
+ حلاوة اللسان , عز بلا رجال. + حدايه من الجبل , تطرد اصحاب الوطن. + اللى يعاشر حكيم , يموت سقيم. + اضحك والضحك رخيص , قبل مايغلى ويبقى بتلاليس.
+ حسدنى البين على كبر شواربى. + كل فوله مسوسه ولها كيال اعور. قالّه يابا ماهنامش حداك , قالّه هارتاح من ظراطك وفساك. + هى دامت لمين يا هبيل.
+ قالّه يابا علمنى الهيافة , قالّه تعالى فى الفارغة وتصّدر. + ان عاشت الراس تعرف غريمها فين. + قالّه يابا ايه احلى من العسل , قالّه الخل ان كان ببلاش.
+ عاشرت مين ياسليم كان مبتلى وعداك (من العدوى). + قالّه ابوك خلفلك ايه , قالّه جدى (ابن المعزه) ومات. + ياحامل هّم الناس , خليت همك لمين.
+ قالوا للغراب , ليه بسرق الصابون , قال الاذية طبع. + ايه يحرر النسا , قال بعد الرجال عنهم. + تبات نار تصبح رماد , لها رب يطفيها.
+ اصبر على الجار السوّ , يايرحل , ياتجيله مصيبة تاخده. + الزبون الخرا , يايبدر (يبكر) , يايأخر (متأخر). + اللى بيتجوز اتنين , يا قادر يا فاجر.
+ طمعنجى بنى بيت , فلسنجى سكن له فيه. + قالّه يا ابويا شرّفنى , قالّه لما يموت اللى يعرفنى. + تفّوا على وش الرذيل , قال دى مطره. + زى النجوم , قريبين وبعاد.
+ قبطى بلا مكر , شجرة بلا طرح. + عاشر عاشر مسيرك تفارق. + الفرصه (الفرس) الظراطه ماتجيبش خيل يرمح (يجرى). + من طاطى لها , فات.
+ من شخ عليك شخ عليه , واهى كلها نجاسة. + البقرة بتولد والطور(الثور) ليحزق ليه , قال اهو تحميل جمايل. + جوز القصيرة يحسبها صغيرة.
+ اللى خلق الاشداق , متكفل بالارزاق. + نام وقام , لقى روحه قايم مقام. + ادعى على ولدى , واكره من يقول اّمين. + سكة ابوزيد كلها مسالك.
+ السنة السوده , خمستاشر شهر. + ان كان للببيضة ودنين و يمسكوها اتنين. + الكحكة فى ايد اليتيم عجبة. + مسير الاقرع لبياع الطواقى. + زى المجازيب كل ساعة بحال.
+ قالّم مال لحمتك مشغته (بها شغت) , قالّه من جزار معرفة. + من عاير , ابتلى ولو بعد حين. + يامعزى بعد سنة , يامجدد الاحزان. + اشكى لمين وكل الناس مجاريح.
+ الصلاة خير من النوم , قالّه جربنا ده وجربنا ده. + اللى ربّى اخير من اللى اشترى. + رايحة فين يا هايلة , رايحة اعدل المايلة. + دود المش منه فيه.
+ قالوا رايحة تتجوزى فى بيت عيله , قال راح يبقى معاى لسانى واغلب. + اخوك مايحبك , استغنى عنه ولا تموت. + جارنا السو ما ارداه , اللى معنا اكله , واللى معاه خباه.
+ ايش كبّرك عنه , وانت ابن عمه. + قالوا ياجحا فين بلدك , قال اللى مراتى فيها.

#مجدى_زكريا (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل