سمفونية الشخير العاشرة

محسن لفته الجنابي
كاتب عراقي مستقل
(Mohsen Aljanaby)

الحوار المتمدن-العدد: 4290 - 2013 / 11 / 29 - 12:50
المحور: كتابات ساخرة
    

الوكالات العالمية مخبوصه زرفت روسنا من البارحة لليوم.. يابه شنو :
دبي أعطت عطلة هذا اليوم الخميس لكل المدارس لأن الدول الأخرى أختارتهم ليفتحوا معرض مدري شنو بسنة ألفين وعشرين !
فرحانين أهل دبي على أساس فجروا الجسر أهل اللثكَ
أحنا همّاتين مدارسنا بين عطلة وعطلة .. ياخذون أسبوع عطلة
تمطر الدنيا عطلة
تغيّم شويّة عطلة
تخرط الكهرباء عطلة
تنسد الشوارع عطلة
صيف شتا أثنينهم عطلة
حتى لمّا يتعارك أبو الأنواء الجويه ويّه مرته ينطيها عطلة
چا غير أحنا اللي أخترعنا العطلة
وسفه عليكم أهل دبي , حاسبينكم بابة عرب تاليها تبوگون أختراعنا
وماكلفتوا نفسكم تشيرون للحقوق الفكرية الأختراعية
هاي المرّه راح نمشيها بمزاجنا و قد أعذر من أنذر
ومرت اللاخ لاح نگعّدكم عَ الرنگـات ونبيّعكم برج خليفه بليله ظلمه
وناخذ منكم فصل سبعطعش ألف شفّاطه حوضية ومثلها شحاطه أنفلاقية للسلف
وتزفّون ثلث نسوان فصليات للرئاسات الثلاثة والگـعده وره السدّه بمحكمة العشاير الدولية
عفيه ناس ماعدها شغل وعمل حايره تلعب (أكس بــوكس) والنوب بعد سبع سنوات
بشرفكم منو أبو باچر , هاي الوادم أكيد مشوَّر بيها مال شيل وشبكَ بالشماعية
عوفونا منهم وخلي نرجع نسمع سمفونية الشخير العشرة وهي تفوز بالمرتبة الأولى على كل الأصعدة
العربية والشرق أوسطية و تحية خاصة للتجربة العراقية التي سبقت كل العالم في فنون الأندثارية وطمس الملامح الأنسانية .

#محسن_لفته_الجنابي (هاشتاغ)       Mohsen_Aljanaby#          

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل