بيحصلّ

فرح محمد

الحوار المتمدن-العدد: 4201 - 2013 / 8 / 31 - 22:08
المحور: ملف فكري وسياسي واجتماعي لمناهضة العنف ضد المرأة
    

علي سبيل المِثال وليس الحَصرّ وأمثله من الواقع ..

#إنك لو فكرتي تستقلي بنفسك وتكونّ ليكِ حياه لِوحدك في المُجتمع ده يبقي حاجه من اكتر من حاجه
_ يا إما عاوزة تمشي علي حلّ شعرها
وتعمل شئ غلط بعيد عن عيون الناس اللي تعرفهم ويعرفوها
_أو عملت حاجه مش تمام وعاوزة تِتداري عن الناس وتعيش لِوحدها .
_ أو انها عاوزة تِسترّجل وتبقي زي الرجل و و و إلخ .
(بعض أراء من حدثوني عن رؤيتهم في نظرةً المُجتمع لِ استقلال المرأه) للأسف ..
#أسوأ حاجه في مُجتمعنا الشرقي وتقاليدهُ العَفِنه ان الرجل لما يحب يختار ويتجوز يفكر في السِن وانها لو كانت اكبر منه تبقي بضاعه باظت انما لو صُغيرة تبقي بضاعه بتعيش اكتر ,
مع ان العُمر بيعدّي زي القطار علي الجنسين رجل وامرأه, لَكن بِحُكم العادات والتخاريف المرأه بيُنظَر لها عُمرياً وليس عقلياً.
#لما بتكوني في مجال دِراستك /عملك/مُحيط صداقاتك اكيد بيكون فيه اولاد بتتعاملي معاهم ولو كان فيهم شخص مُقرّب
يبدأ الهَمز والَّلمز ان فيه شئ بينكو برغم انها ممكن تكون صداقه من نوع لا يعرفهُ سوي العقول النقيه فقط ^^ مش شرط علاقهً حُب او علاقهَ شِمال ^^
#في مُجتمعنا الشرقي وخاصهً مصر لو مَكَنتش البنت تُدخل في بيتها الجديد (بيت الزوجيه) بكل حاجه من الإبرة لِلصاروخ
وتجيب كافهً مُشتروات شارع العَتبه مع الموسكي وكافهً محلّات جمهوريه مصر العربيه يبقي الجيران وجيران الجيران هَياكلّوا وشُهم وأفاهم وده غير ان لّازم طبعا الشارع يِتفرّج وياخد فِكرة
#لو فكرتي تلبسي شيك وتُخرُجي وتعملي ابسط الحاجات اللي بتخليكي مبسوطه بيكون التفكير إنك يا إما بتحبي أو عاوزة تلفتي نظر حدّ أو بتدوّري علي عريس أو أو ...الخ
#الرجل الشرقي مُولَعّ بالمرأه الذَكيه /المُتكلّمه /الناضجه والمُستقله بعقلها وذاتها
ولكن عندما تُناقش وتُجادل يُفضِّل في لَحظتها ان تتحولّ الي امرأه ذات وعي محدود كي لا تُتعبهُ ويكسب هو جوله النِقاشّ/ ولِأن المرأه المُجادله شوكه في عُنق المُجتمع دائما تُحَارب وتُضطَهدّ..

_بيحصل كتير وأكتر من كده ولِسّه المُجتمع مش عاوز يفوق ويفهم ان العقول والاجيال اتغيرت وكل جيل خُلِق في زمان من حقه انه يعيش فيه احلامه وافكاره كما يراها ويُريدها/
تِقدري تحققي احلامك وطموحك وتكوني بنت مُختلفه مش تقليديه بس بِفكرك انتِ ومبادئِك وعقلك انتِ
مش فِكر وعقل ناس اخرين مِتبرّمجين وعاوزينك تِلّغي عقلّك وتستقبلي فقط وكَأنك آله /
تِقدري تكوني بسّ حاولي تِكسري القيود اللي بِتوقّفّ احلامك وتكوني حُرة إنسانه حُرة ضد التخاريف اللي بِتعطلّ حياتك ,
عيشيِ حُريتك زي مَ إنتي شايفاها لِنفسك وبِنفسك حتي لو أخطأتي من أخطائِك بتتعلّمي ازاي تكوني نفسك وعقلك..
بقلم/فرح محمد..

#فرح_محمد (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل