مُستقله

فرح محمد

الحوار المتمدن-العدد: 4124 - 2013 / 6 / 15 - 11:10
المحور: ملف فكري وسياسي واجتماعي لمناهضة العنف ضد المرأة
    

المجتمع بيحكم علي البنت اللي بتكون عايشه لوحدها بشكل لاذعّ جدا برغم انها بنت ليها قيمّ ومبادئ وعارفه تتصرف وتواجه الحياه , بتعرف تدافع عن نفسها كويس , ومش محتاجه حد يُعينها,
والغريب بقي لما اللي حواليها بيكونوا عارفين انها بنت تمام ولكن كَأنّ الكلام ده والهريِ ماركه مُسجلّه لازم يتقالّ عنها لِمُجرد انها بنت مش أكتر,
تيجي تقول ما الشاب عايش اهو ومُستقل بنفسه وبيسافر وبيشتغل يكون الرد مُفجعّ
طب انتي بنت جناحك ضعيف وهو رجل مَيتخافشّ عليه , انتي بنت لو حد عملّ فيكي حاجه هَتضيعي لكن هو رجل مش هَيتضّر في حاجه ^^
مُنتهي التخلف والجهل والتفكير العَفِنّ , ليه بيتحكم ع البنت انها مش هَتعرف تتصرف وتعيش حياتها وتختار وتفكر ؟!
ليه المجتمع عايش دور الناقد وبسّ ولو جينا نشوف وندور خلف اللي بنتقدوا دول هَنلاقي العجب فيهم,
ليه كل واحد عاملّ نفسه واصيِ ع البنت من مُنطلق انه عاوز يقول الكلمتين المحشورين في زورهُ وبسّ؟!
علي اي اساس حكمت ان البنت دي مش تمام لِمجرد انها عايشه مُستقله بنفسها وبتشتغل وبتعرف تتصرف ومش محتاجه لأي حدّ؟!!
دائما نظرة المجتمع بتنهشّ في اي بنت بتدور علي حريتها وجعلها بين قوسين كَأنها بِتتحرر لشئ غير اخلاقي, طبعا هيطلّع حد يقولّ ما هو فيه بنات شِمال وماشيه علي مزاجها
هَقولّك ماليش دعوة بتفكير البنات الشِمال انا ليا دعوة بتفكير بنات عاوزة تثبت انها بتعرف تستقل وتشتغل وتدافع عن نفسها
بتعرف تفكر وتقولّ انا كائن حُر مش مَسلوب الإراده ان غيري ينوب عني الرأي والتفكير, طب ما في بردو شباب شِمال ولّا هو كلمه شِمال للبنت فقط^^
البنت المُستقله مش وصمه عار ولا بنت عاوزة تتحرر لشئ غلط , ده طبيعي حقها في الاستقلال طبيعي هو بس المجتمع لسه الأزدواجيه جواه ,
لأِن لو اللي بينتقدوا عاشوا بره المجتمع الشرقي هيقولوا كلام تاني خالص وهَتتغير كل انتقادتهم لكن اول ما بيكونوا جوه المجتمع الشرقي ترمومتر الإزدواجيه يلّف ويرجع تاني:)
ارحموا البنت من ألسنتكم وشوفوا الأول انتوا مين وعملتوا ايه في حياتكم؟!
بقلم/فرح محمد

جميع مقالاتي حقوق محفوظه مُسجلّه.

#فرح_محمد (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات