عَريس لُقطه

فرح محمد

الحوار المتمدن-العدد: 4114 - 2013 / 6 / 5 - 11:43
المحور: ملف فكري وسياسي واجتماعي لمناهضة العنف ضد المرأة
    

مُجتمعنا قائم علي العادات والتقاليد(التخاريف) وبيعتبرها بمثابه المُحرك الرئيسي لِلحياه
لما يجي عريس مثلا يتقدم لِبنت بيكون عنده إعتقاد مطبوع عليه ورقه دمغه مُوثقهَ من كلام اهله إنه عريس لُقطه أي بنت هَتتمناه ولو موافقتش تبقي هي الخسرانه
بيروح ويتقدم ويتكلم ويطلب ويتشرّط كمان , وتبدأ رحله المُعاناه لِكل بنت بيجيلها عريس مطبوع عليه ورقه دمغه واتنين شهود انه لُقطه ومحصلش
بتكتشف البنت انه عقليه تافهه مش بيفكر غير في انه يتجوز ويخلّف وحياته بتدور حول نفسه وكده تمام ^
انما طموح /احلام/عقل/اخلاق/ الخ الخ انسيِ تلاقي لو البنت بتفكر كويس وبتخطط لِأحلامها وبترسم مُستقبلها
وعاوزة تِختار المناسب ليها تبقي كده بِتتأمر ع العريس اللُقطه اللي مفيش منه ثلاثه وتلاقي بقي كلمه من هنا وكلمتين من هناك وليه ترفضي محدش هَيعيشلّك فوقي يبنتي الايام بتجري وده عريس ميتعيبشّ ,
طب شوفي معاه ايه, طب بُصي علي الشقه و و و
البنت بقي هتتجنن ياناس افهموني ده مُخه فاضي مش بيفكر غير انه يخلّيني اقعد من الشغل مش عاوز اني اكمل دراسه ,
رافض ان يكون لي اصحاب عاوز اكون فِ البيت زوجه واخلّف وخلاص ,
اغلب التفكير كده لِأن تفكير المجتمع مش بيبنظر لِلبنت عاوزة ايه بتفكر فِ ايه ؟ نِفسها تعمل ايه؟
نيجي بقي لِأُم اللُقطه (العريس) هي تطول تتجوز واحد زي ابني هي كانت بنت مين؟
ناهيكِ بقي عن التمحيصّ والتفحيصّ إيّاه بتاع الحموات لما بيروحوا يتقدموا لِبنت يطلبوها, بيقيسوا هنا الجواز بنِقاط مُعينه/ تخينه ولّا رُفيعه/بيضا ولا سمرا/حلوة ولاّ وحشه
/بتعرف تطبخ ولاّ خايبه/بتعرف تِخدم حماتها ولاّ هَتخلي حماتها تِقلب عليها جوزها/بتعرف تربي العيال ولّا هيطلعوا خايبين.. الخ الخ من النِقاط اللي كلها بتوزن البنت
من الشكل الخارجي والقشور اللي ربّانا المجتمع علي انها هي دي المعايير/ واللي طبعا في صالح الرجل وبتعدّلّ حياته هو وبتريحهُ هو
مش مهم بقي البنت عاوزة ايه ونِفسها في ايه وبتحب ايه مش مهم اخرهم يقولولّك إحمدي ربنا هو انتي كمان هَتتأمري ولا كمان هَتختاري ^^
لِلأسف مُجتمعنا الشرقي..وحدّث ولا حرج واقع وِ بيننا.
مَتتنازليشّ عن احلامك وصَممي تحققيها إنتِ مُش أقل من انك تحققي اي حاجه بتتمنيها.
بقلم/فرح محمد

#فرح_محمد (هاشتاغ)      

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات