حسين جهيد الحافظ
الحوار المتمدن-العدد: 4198 - 2013 / 8 / 28 - 08:08
المحور:
الادب والفن
موت الضمير
إشگد حقير
إلما سحس بآلام ناسه
إشگد حقير
وإشكثر وإشگد فطير
إلصدگ إبحچيي الكراسي
إشگد فطير
إبلايه خوف
حل نگول إبلايه خوف
السيوف
إلما تشگ ليل إگرابهه
ما هي إسيوف
والطيوف
من تمر إبجفن غافي
إو ما تفرحه
عابهه ذيچ الطيوف
والضيوف
إلتاكل إبعرض المعزب
ويه زاده
عابت إو غم هالضيوف
والحقيقه إلما تشگ حلگ الجچي
إو ما تطگ مثل الشمس
عيب ما نتعد حقيقه
والدقيقه إلما تمر إبعمل نافع
تنتحر سكته الدقبقه
وإلحديقه
إلما تحشم أزهارهه
وإتطش عطرهه مو حديقه
إو صاحب الكرسي الچبير
إلما تهزه آلام ناسه
بالأصل ميت إحساسه
إو يعني معدوم الضمير
يعني معدوم الضمير
#حسين_جهيد_الحافظ (هاشتاغ)
كيف تدعم-ين الحوار المتمدن واليسار والعلمانية
على الانترنت؟