طبق الأصل

حسين جهيد الحافظ

الحوار المتمدن-العدد: 4150 - 2013 / 7 / 11 - 11:41
المحور: الادب والفن
    

طبق الأصل
إلى روح الزعيم الخالد .. الخالد عبد الكريم قاسم بمناسبة الذكرى السنوية لثورة الرابع عشر من تموز المجيدة
حسين جهيد الحافظ
يمته إو يصل منك خبر
وإتطگ شمس
وإيشعن الوردات
بعيون العرس
ياس إو شمع
وإيغنن إصواني المهر
فرحة گمر
يالمبعد إو جيتك نهر
جيتك نهر
طافح عشگ
مرود كحل
عافي بعيون البنات
لهفة أم .. إو خلگ والد
إبحضنه إنشرغد نبات
إحنه معتازين واحد
هيچ مثلك
إحبيب أو گلبه محنه
مو گلب جلمود قاسي
إبكل وداعه إيفتش إجيو الكراسي
ياخذ المحبس إبحكمه
إبكل تأني إبكل ثبات
ما يخليهه الكراسي أتصيح بات
إحنه معتازين
معتازين واحد
تلبس الدنيه حزنهه من يموت
وتنشد إعيون اليتامه ليش مات ؟
إنشوفه صوره
نرفه بعيون الگمر
إو حدر فيّ إجفونه إنشيله نظر
إنشيله للفزه حرز
ما نشيله وآلام إهموم إو قهر
إنريده غناوة سهر
إنريده تسيورة سمر
حسرة الفلاح بيده
إتخضر إفرحه حقل
إو صفنة الطالب
سؤال يكبر إبراسه عقل
يبني معمل
إيواكح إنجوم الثريه إبحيل عامل
إمحزم إبشيمة نفل
دگة الچاكوچ بيده
غبشة إمسافر رجع بعد الهجر
إتحش إخيوط الليل وإيخضر فجر
وإتمشط إخيوط الصبح
إحبال مرجوحة هوه
عيد غو عوه
إو فرحة طفل
إحنه معتازين واحد
ترف مثلك
هيچ من هذا الشكل
حلو من هذا الشكل

#حسين_جهيد_الحافظ (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل