حزب الكنبة

غادة هيكل

الحوار المتمدن-العدد: 4000 - 2013 / 2 / 11 - 09:18
المحور: الادب والفن
    

حزب الكنبة
عارف كنبة ستى
ودولابها المسحور
خبت فيه كل الأسرار
لو تفتحه تلاقى مرار
اسألها كده
عن كامل ولا عرابى
كانوا رجالة
ولا الشعب اللى كان غلبان
هى الثورة دى عايزة
ريادة
ولا عايزة ايدين شقيان
ولا دواها صوت مبحوح
لا - طوب وياه ملتوف
وحزب الكنبة قاعد يتفرج
لسه اوانه بعيد
ما يقرب
طب أنا حسأل ستى
تقولى
هى الثورة
شعب مزور
ولا آذان على المدنة
يمكن بووق
خلف الشاشة عمال
يتصور
قالت ستى:
الثورة كانت بتمر بيتى
تفتح ألف جدار
زى النداهة
تاخد فى ديلها
الشطار
يمكن
خلف الشمس يروحو
او يعودوا يحكوا اللى دار
وكله هنا
فى دولابى
حزب الكنبة
مليان اسرار

---

لمعرفة اخر تطورات فيروس كرونا في بلدك وفي العالم كله انقر على هذا الرابط
https://ahewar.org/Corona.asp

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات