مبروك للرئيس بشار الاسد

جان نصار

الحوار المتمدن-العدد: 3989 - 2013 / 1 / 31 - 23:21
المحور: كتابات ساخرة
    

لقد وصلنا ترطيش حكي واخبار من هون وهناك انو زوجتكم المصون الاخت اسماء الله يحفظها حامل بالولد الرابع و ما في خبر مؤكد من الرئاسي يعني ما في تأكيد رسمي وهذا يقلقنا بشكل عام .ومع ذلك سنتعامل مع الموقف وكانه تحصيل حاصل لانو واحد من الاتنين يا نعم يا لا اي ان الاحتمال ففتي فيفتي يعني نص على نص وسنجازف ونقول نعم.في البدايه اريد ان ابارك لك .والله ورغم الظروف رفعت راسنا حلال عليك.سوريا بتمر بثوره ضدك والبلد في حرب فعليه والمؤامرات كما تصرح دائما على سوريا وعليك شخصيا والتفجيرات والمعارك والقتلى والشهداء ودمار البلد والاقتصاد واسرائيل بتهدد وهاي بتضرب كمان وحصار الغرب وجارتك تركيا وضغط الامريكان والقاعده والناتو وما بعرف شو كمان ورغم كل ذلك بتقوم بوجبك الوطني وهاي راح يجي ولد جديد لعيلة الاسد.يعني واجباتك الزوجيه بتقوم فيها على اكمل وجه.صدقني انو هذا ما يجعلني افتخر بعروبتي لانو مهما حصل وحيحصل وكل القتلى الله يرحمهم واللاحئين والمشردين ورغم كل المأسي التي هي اكيد قضاء وقدر( سيركل اوف لايف)يعني دورة الحياه ماشي وراح تبقى ماشي.على فكره هذه المقوله من الفيلم الكرتوني الشهير الاسد الملك وكأنوا هوليود عملوا خصوصي لعائلتك.اسمح لي يا سيادة الرئيس ان اكون حشري وفضولي عن جد عن جد جييك ولد عادي طبيعي يعني انتيم وشموع هيك هيك ما في كهربه وليلي حمرا والا طفل انابيب او تخصيب او تلقيح اصتناعي لانو بصراحه من يوم ما بدت الثوره والحرب بسوريا وانا بعيد وفي بلد تاني ومن الخوف والرعب الله وكيلك ما عم بطلع معي اشي وما والله وما كيف انت طلع معك وكان عندك مزاج بشرفي مش خارطه مخي.كيدهم يا بشار كيد الاعادي خلي ملك السعوديه وامير قطر يشوفوا انك فحل وهومي راحت عليهم لانهم بالفعل ما, يعني ما بطلع معهم شئ حتى بمساعدة الامريكان وكل شركة الاخت فياغرا.نعم سيدي الرئيس يجب ان تستمر الحياه واذا انت وبعدك شب ما جبت اولاد لهاالوطن مين بدو يجيب بعدين لشو الخوف كل ولد بولد رزقته معو الله ببعت واذا ما عاشوا بسوريا ابناءك بيعيشوا في بريطانبا ما الاخت اسماء معها جنسيه انكليزيه يعني ابناءك كمان انكليز لعبتها صح. اعترف في البدايه كنت ضدك ومع الثوار وبعدين صرت ضد بعض الثوار والان انا مع الشعب السوري الجبار وضد امريكا والناتو والقاعده وجيش النصره والسعوديه وقطر وتركيا وبس مع الشعب السوري الذي يطالب بحريته والعيش بكرامه بدوله لكل اطيافها.مره اخرى مبروك ولادة هذا الطفل اللى راح يكون ذنبه الوحيد انو ابنك.

#جان_نصار (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل