عبد الرضا حمد جاسم
الحوار المتمدن-العدد: 3848 - 2012 / 9 / 12 - 13:31
المحور:
المجتمع المدني
الشمس
كل يوم أفز كَبل الشمس
وأتمتع بمنظر مَهيب
بين ما تصعد خيوطها
بلون الذهب
وبين صوت الرفيف
وصياح ديج
وصوت تغريد العندليب
منظـــــــر
عله بعد الشمس يتجدد
أهُو منظر رهيب
كل يوم تطلع شمس وكل يوم هي تغيب
ومعروف عند البشر والشجر والطير
بين شمس وشمس حتماً مغيب
بالشمس تتوقد مشاعر...
وتصبح بوحشه لو تغيب
بالشمس تتفتح أزهار الحياة
وتعط ريحتها وتطيب
والوكت يصبح شمس
كله شمس....
لمن يجي يمنه الحبيب
الشمس هي ضوه
بيها يتميز المغشوش من صافي الحليب
وهي دوه....
للبات ليله بألم ويشعر إن حقه سليب
والشمس... لكلشي طبيب
هي السعادة
وللفرح والخير وللحب تجيب
بالشمس...
لو مهضوم صاح... ألف واحد يستجيب
وبعد ما تصعد بوسط السمه
تنزل ...يحل الغروب
وبالغروب
من بعيد.... ينسمع صوت النحيب
ناس تبجي عله النصيب
وناس مدوهنه ..ماشيه...كَايمه..كَاعده..
صنطه والحياة هي التجيب
واحد يكَول:ابجي
عمر البجي ما جان عيب
الأم بجت...الأب بجه...الأخ بجه....
والوطن يبجي دم
لو فقد واحد نجيب
المحب يبجي...
لو بالفرح شاف الحبيب
ناس تبجي من الفرح
وبالحزن كل الناس تبجي
وهذا جاري من كَبل أو ماهو عجيب
بس العجيب... لو تسأل الناس كلها
بكل زمان وكل مكان...عن الشمس
يكون الجواب
هي الصراحة.. والصدق.. والحب.. والوضوح.. والعمل.. والخير
كلها تجيب
#عبد_الرضا_حمد_جاسم (هاشتاغ)
كيف تدعم-ين الحوار المتمدن واليسار والعلمانية
على الانترنت؟