الحقيقة/الجزء الثاني

عبد الرضا حمد جاسم

الحوار المتمدن-العدد: 3758 - 2012 / 6 / 14 - 15:17
المحور: العلمانية، الدين السياسي ونقد الفكر الديني
    

كنا قد نشرنا الجزء الاول بتاريخ 14/04/2012الرابط
http://www.ahewar.org/debat/show.art.asp?aid=303425
ووعدنا بنشر الجزء الثاني وها نحن ننشره نتمنى ان ينال القبول وهو الحقيقة بكلمات مموسقة نقول فيها:
ما على حاجب علت عين
بس عين الحقيقة علت كل حاجب
العين
تنقل للدماغ اوضاع بشعاع
وعين الحقيقة تنشر اشعاع
يبين المغصوب والغاصب
العيون اشكال والوان
وعين الحقيقة بنفس الشكل واللون والواجب
العين ويه العمر يضعف بصرها
و بصر عين الحقيقة قوي ثاقب
يْنْشَكْ بنظر كل عين وتغوش
ونظر عين الحقيقة صافي او صائب
كل عين والها ساعة تغمض اتنام
وعين الحقيقة ساهره تكشف اتراقب
العين بكل وضع تسأل عن الشي
وعين الحقيقة بصوت عالي تصيح جاوب
العين تجر علبشر بعض المشاكل
وعين الحقيقة للنجاه قارب
من عين البشر تنفر هواية اشياء
وعين الحقيقة لكلشي جاذب
صور عين الحقيقة واضحة سكوب
وصور غير الحقيقة لونها شاحب
غير الحقيقة هواية بيها عيوب
والحقيقة ما بيها ابد شي عايب
المشة ويه الحقيقة ابد ما خاب
والمشه ضدها بكل وكت خايب
المشه وي الحقيقة
شما جار الوكت بيه يضحك
والمشه ضدها بالضحك ناحب
المشه ضدها شما تصور كان
عمره قصير او ذِهَبْ لو ذاهب
المشة وي الحقيقة خدم كل الناس
و لا ندب حظه و ليكون نادب
اليؤمن بالحقيقة صادق اويه الناس
وباسمة الصريح يكون كاتب
يزعج اهواية ناس معروف
بس هُمَه الغلط وهو الي صائب
مثل اليضّوك الناس مُرْ... يعلمهم
شكثر مر بالظهر غرس المخالب
اليؤمن بالحقيقة حته لو مات
يكَول بموتته... الموت حق بفعل صاخب
ميت بالحياة المشه ضدها
وكل وكت متندم اوعلقدر عاتب
الي ويه الحقيقة يسمونه أبجانب
ينشر عِلِمْ وعدل ويحفز المواهب
و الضد الحقيقة يسمونه أمجانب
ينشر شعوذه وخوف او مصايب
الحقيقة شمس ما صدها غربال
وكل حيٍ ضميره الها صاحب
ناطور حق متطوع محايد
يحاسب الغلطان ويكشف كل تلاعب
عن الحق كَال ابن طالب قول مأثور
دربه موحش... وصعب تلكه بيه صاحب
لنه أيتّعب اليمشون بيه
و ما يحمل تعب بس محب راغب
الحق والحقيقة ذكر وانثى
اليفرق خير ما بيه... وينحسب عايب
الحقيقة ضوه يكشف الوهمان
وينور الطريق المانح الواهب
شمتكون الحقيقة تنفع الناس
وغيرها يثير المشاكل والمتاعب
اليعاديها... ما يقدم خير للناس
بس كَاعد يندعي كسلان ويطالب
اليكَول الحقيقة عايش ويه الناس
وتفكير الوهم غارب او سايب
درب الوهم ميوّصل الصوب
مثالب كله عثرات او مقالب
وما بيه سؤال او لا مجاوب
بسم اوامر تنفيذها لازم او واجب
الحياة...
سالب او متعادل او موجب
والحقيقة تنصف الموجب وتحَّذرالسالب
لكن الدجل والجور قسمها
مطلوب لو طالب
مسلوب لو سالب
مغلوب لو غالب
ونّصب نفسة الحكم وهو اليحاسب
وضيع المحسوب والحاسب والمحاسب
الحقيقة تنصف الكل وبميزان العلم
والعدل بالعلن هي تحاسب
للخير المشه وياها ياخذ الناس
وللشر المشه ضدها للناس ساحب

#عبد_الرضا_حمد_جاسم (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل