لن تبقي مغصوبة

محمود فنون

الحوار المتمدن-العدد: 3672 - 2012 / 3 / 19 - 20:50
المحور: الادب والفن
    

كان في المهرجان ,ويتظاهر انه يحضر مهرجانا كهذا لأول مرة..
غنت المغنية..
يا قدس العروبة ...لن تبقي مغصوبة
فردد المرددون ورائها آلاف الحناجر كانت تردد
يا قدس العروبة ..لن تبقي مغصوبة
وهو كان يردد مع المرددين
يا مصر العروبة ...لن تبقي مخطوبة
انتبه احدهم من مجاوريه ,وقال له
-مش مصر العروبة
-ولاّ شو؟
- يا قدس يا قدس
-آه..احنا بنغني للقدس ؟ ..آه..طيب.. طيب..وردد مع المرددين:
يا قدس العروبة ..لن تبقي مخطوبة
ونبهه أحدهم:
-مش مخطوبة..مش بالخا..بالغين ..بالغين
-آآه بالغين؟! وانا كنت بقول شو؟
-انت بتقول بالخا
أه بالخا ..انا كنت بقول بالخا طيب طسيب وردد
يا قدس العروبة ..لن تبقي مغطوبة
وقد شدد على الغين هذه المرة ليؤكد لمجاوره انه فهم وصحح نفسه وانتهى الامر.
ولكن مجاوره هذه المرة نهره وقال له :
-مش مغطوبة شو انت ما بتسمع منيح؟ يا قدس العروبة ..لن تبقي مغصوبة ..مش مخطوبة ..مغصوبة بالصاد فاهم ؟
-آآه ..مغصوبة ؟!مش مخطوبة؟! طيب يا خوي طيب ..انا باقي اغني غلط آآه.. احنا باقيين نغني غاط من زمان ؟هيك؟.طيب يا خوي هي القدس مغصوبة على شو ؟وليش بيغصبوها على شي ما بدها اياه؟
يا عمي الله يعطيني صبر ايوب ..اسمع المقصود مغتصبة يعني تحت الاحتلال ,واحنا بنغني اغاني ثورية ..يعني منشان الحرية.
-آآه..احنا كاينين نغني غلط علشان هيك القدس ما تحررت . انا بعرف ان القدس محتلة من سنة 1967 وبعرف ان كل فلسطين محتلة ولكن الاغاني غلط والكورس ماشي غلط .يا خوي ..يا خوي..الحق مش عليّ وعلى امثالي,احنا كنا بنعرف الصحيح من زمان ,الحق على اللي غلطونا ,الحق على رئيس الكورس.
اسمع انا بقولك اخرى مرة الحق مش عليّ وعلى امثالي ..الحق على الرئيس الكبير ..هو غلطنا كثير عشان هيك كانت الغناوي غلط وكل شي كان غلط في غلط والبلاد ما تحررت .
طيب ..بس الرئيس دفع للباصات ودفع للقائمين على المهرجان ..ودفع...
-يا عمي البلاد ما بدها دفع.. البلاد بدها غناوي الصح واحنا طول عمرنا مع كبارنا بنمشي الطريق وبعد ما تقع الفاس في الراس بنكتشف انو احنا رايحين على عين فارس مع انّا ناويين نروح على كيلو سبعطعش. والله والله همي اللي بغلطونا وبتعرف المثل اللي بقول اللي مع القاضي مع الراعي.
وبدك الصحيح يا خوي القدس ما بتتحرر بالدفع للباصات والمستشفيات بجوز يكون هذا مهم كثير بس صدقني البلاد ما بتتحرر الاّ نمشي قي الطريق الصح ونغني الغناوي الصح. والله يولجنا رؤسا على قد القضية وفيهم عقل ورجولية وحكمة ولابة على قد ما بدها القضية .
أي روح يا زلمة وبعدين مين غيرهم يقعد على الكراسي؟؟؟

#محمود_فنون (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل