حلاوه بلدنا التكيه الجاموسه .. بيحلبها إبليس يوماتى

فتحى غريب أبوغريب

الحوار المتمدن-العدد: 3372 - 2011 / 5 / 21 - 20:27
المحور: الادب والفن
    

حلاوه بلدنا ياورور..
يا خضرا .. يا طاظه
وآخر لذاذه ..وكله حالق
مبحلق عطلان مفلس ..
مالهش عازه..

يامحكومه عمرك.. لراعى ومعيزه
وشعبك مهنطش بيعبد فى سيده..
وحواشيه تغنى هو الملك وإحنا عبيده..
ماحدش بيفهم..غيره فى علم النجاسه
وكل اللى طالب فيك الرياسه..
حاوليه عسكر حراسه
دجال ملاوع
ومنباع فى سوق النخاسه ..

آه يابلدا ..آه ياتكيه ..آه ياوسيه
الحر فيك ظلموه وفالوا :
فاجر وكافر وماشى مدروخ..
و ماسك قزازه..

حلاوه بلدنا جاموسه بتحلب يوماتى.
ومراحيض بلدنا..
طفحت وفاحت فى ليلك..
ياغريب وضايع.. يامغنواتى..

يا مصر يا ما ..ويا ما
حكموا الابالسه... وحكموا اللصوص
وباعوا الاراضى... وباعوا ولادك
وباعوا اللى باعو..
ومصرى بكفيل فى بلادهم
وخدنا اخرها اللى بوص

حلاوه بلدنا ياتاج العروبه
نهيبه.. وتكيه..وشكل الزكيبه
ومهدوده حيلها ولسه وسيه
وطيبه نهيبه وعطيه.. ودول حراميه
ياعينى عليكى ولايه ..ولسه وليه.
بمعنى العروبه بقيتى وسيه ..
ونامت وقامت وصحيت ..
بتحلم بوحده عفيه...
فناموا عليها جيرانها..
و دبحوا نهارها ..وزهورها..
ولاد الزوانى الشقيه.
فى زمن الخساسه..وفكر النجاسه

يا عمروا ياموسى
ورحمه أبوك بلاش الرياسه
عارف جيبك معمر ,وماشى

منفوخ ..مشمر.. علينا معنتر
وطالب معونه حمير الوراثه
وماشى فى ودانى تهلفط تخبط
وقالع علينا العقال والكياسه ..

ومعقوله مصر حتبقى .. لغلوغ جنابك ..
وعرش التكيه حيبقى مقاسا..ومداسه
يقولون أنه لانه ..وحيث وكأنه
أميناً لجامعه عرعور تعرعر...
وتاريخها كله سجله,معرعر
سواد بحروف الوكاسه

والست جامعه عيالها إنبطاح
وإنشراح وتهليب وهمبك,
بتردح وتشجب ..
ونقلع نقابها وخمارها
تشرشح وتتعب لسانها

وتشرب بلوظه وسبرتو
وتنهب شعوبها

وترقص ليلاتى علينا
تعشر...وتحبل وتولد لنا..
كل صبح إنتكاسه..

عارفين ليه عجل أمين المشاخه..
عمرو ..وقدم إقالته...
وراكب حمار العوي
إبن جارته المخلى..
حسونه حسحس حساسه..

وبكره ياعمرو تحصل حبابيبك
فى برتو طراوه ,تنام فى فسادها
وتشرب رياله ولاد الدقون..
اللى قتلوا ولادها..
يناير حيبقى عيدها وحدادها
ولا عمر مصر تقبل بخاين بلادها ..
ويحلم لناسها يبقى رئيسها وسيدها..
ياعمرو ياموسى..
ورحمه أبوك بلاش الرياسه

حلاوه بلدنا يابكره .
لو يملكوها بهاليل عربناحتبقى
بلحيه وجبه وعمه وراكبه دماغها

حلاوه بلدنا جاموسه
بيحلبها إبليس يوماتى
وأنا شاعر أعمى,وجاهل ..
محاور فى شارع مسدود سياسى..
وشغال لما تضلم ساعاتى..

#فتحى_غريب_أبوغريب (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل