قالو منحبك

محمد فادي الحفار
كاتب وباحث في العقائد والأديان
(Mohammed Fadi Al Haffar)

الحوار المتمدن-العدد: 3346 - 2011 / 4 / 24 - 17:26
المحور: كتابات ساخرة
    

قالو منحبك
قلنالهم كلمه كبيره وصعب تنقال من برى قلبك
قالو صنعلنا الكرامه والعزه وخلى الماضي يتبكبك
لا وليد ولا تليد ولاحضارة الاف السنين بتلبقلك
لبشار نخلق المجد وكل تاريخ أمتنا قبله كان مجعلك
حبكوها وضاع ماضينا وصرنا بحاضر مفبرك
كرمال بشار نسفوا التاريخ وصار هو سوريا وبعلبك
اسد من عيلة اسود واهلك ياشام خوريف تستهلك
وبلادنا صارت ضيعتهم وشامنا على صدرهم مشبك
لك ياحيف على هيك زمان للرجال فيه بتهتفلك
من فقرها يمكن ومن ظلم بطانتك أنا بقلك
او من طمعهم بعطاياك الكريمه من كيس اهلك
لك فلجت الناس انت وابوك وخليتهم مامسح تمسحلك
وقلت للغرب انك الراعي والحامي أي على مهلك
عن اي حمى عم تحكي وانت دباح ناسك واهلك
اذا احسنت تقنعهم بأرهابنا فهات قنعنا نحنا احسنلك
حارتنا ديقه وبنعرف بعض ولاتشرحلي بشرحلك
الارهاب بطبعكم وطبع نظامكم يلي اخترعه عفلق وورثلك
سوريا بلد الاديان والطوائف وعلى قلب واحد الحب فيها تشبك
شبكه من التاريخ جمعت اهلها وجايه تنسبها لحالك وتتزحوك
أي اسمعها مني وفكر منيح بلكي بتصحى وبيخف جهلك
وخود العبرة من صحابك قبلك مبارك وبن علي أسترلك
ولا تبلش تحفر قبرك بإيدك وتقول طائفيه ومخربين وتتفزلك
وارجاع للشعب بعيد عن قرابتك ابن خالك وعمك اشرفلك
لنحبك وقتها من كل قلبنا وندافع عنك ونهتفلك

---

اشترك في قناة ‫«الحوار المتمدن» على اليوتيوب
فهد سليمان نائب الامين العام للجبهة الديمقراطية في حوار حول القضية الفلسطينية وافاق و دور اليسار	لقاء خاص عن حياته - الجزء الاول، مؤسسة الحوار المتمدن تنعي المناضل والكاتب اليساري الكبير كاظم حبيب

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات