حق الرفض الواعى من الخدمة العسكرية

مايكل نبيل سند

الحوار المتمدن-العدد: 3334 - 2011 / 4 / 12 - 17:38
المحور: حقوق الانسان
    

تعريف
الرفض الواعى Conscientious Objection ده مصطلح فى القانون الدولى ، أقرته مفوضية الأمم المتحدة لحقوق الإنسان United Nations Commission On Human Rights
فكرة الرفض الواعى بكل بساطة : أن القانون الدولى ( الإعلان العالمى لحقوق الإنسان و العهدين الدوليين ) أقروا مجموعة من الحقوق الإنسانية الأساسية ، من أهمها : الحرية الفردية ، و تجريم العبودية ، و حرية الأختيار ، و حرية الدين و المعتقد
فمفوضية الأمم المتحدة لحقوق الإنسان قالت أن الدول اللى فيها تجنيد إجبارى ، ضرورى تحترم حقوق الأفراد الأساسية ، و أن أى مواطن يشوف أن التجنيد الإجبارى هو نوع من العبودية ليه ، أو تقييد لحريته الشخصية ، أو يتناقض مع معتقده الدينى ، فالدولة ملزمة أنها توفر له إختيار الرفض الواعى
أول وثيقة رسمية من مفوضية الامم المتحدة لحقوق الأنسان إتكلمت عن الرافض الواعى ، كانت سنة 1995 ، و اللى قالت فيها " هؤلاء الذين يؤدون الخدمة العسكرية ، يجب ألا يتم إستثنائهم من حق الرفض الواعى للخدمة العسكرية " ... بعدها فى سنة 1998 ، أصدرت المفوضية وثيقة كاملة بعنوان " الرفض الواعى للخدمة العسكرية " ... و بعدها صدرت كتير من المواثيق الدولية اللى بتؤكد على حق المواطنين فى الرفض الواعى
و الوثائق دى كسبت إحترام المجتمع الدولى ، و بقيت فى دول كتير غير قابلة للنقاش أصلا ... يعنى مثلا ، الإتحاد الأوربى من أهم شروط عضويته : أن الدولة المنضمة للإتحاد ضرورى تكون بتكفل الرفض الواعى لمواطنيها ... يعنى فيه دول فى الإتحاد الأوروبى عندها لسة تجنيد إجبارى ، بس الدول دى عندها رفض واعى ، يعنى أى مواطن فيها مش عايز يدخل الجيش ، بكل بساطة مش بيدخل من غير ما ده يضره فى أى حاجة فى حياته المدنية او السياسية
و من اللطيف برضه هنا أنى أقول أن أحد أكبر المشاكل اللى منعت إنضمام تركيا للإتحاد الأوربى ، هى أن تركيا فيها تجنيد إجبارى ، و مش بتعترف بالرفض الواعى ... و الجيش التركى متشبث بموقفه فى رفض حق الرفض الواعى ، و ده معطل عضوية تركيا فى الإتحاد الأوروبى

إزاى المواطن يطالب بحقه فى الرفض الواعى ؟
بكل بساطة ، فى الدول اللى التشريع فيها بيقنن الرفض الواعى ، أى حد مش عايز يدخل الجيش بيقدم طلب ( أو استمارة ) لوزير الدفاع أو لقائد الجيش ، بيقول فيه إنه مش عايز يدخل الجيش و إنه عايز يستخدم حقة فى الرفض الواعى ، و ساعتها الوزير مجبر طبقا للقانون إنه يستجيب لطلب الشاب ده
فيه دول بتعفى الشاب ده من الخدمة عموما ، و فيه دول تانية بتحول الشباب اللى إستخدموا الرفض الواعى لخدمة مدنية غير عسكرية ... يعنى يخدموا الفترة بتاعتهم بس فى أى جمعية أهلية أو بيت مسنين أو مستشفى حكومى أو أى مكان عام بيخدم المواطنين

الرفض الواعى فى مصر
مصر للأسف موقعتش على المواثيق دى ، و بالتالى هيا بتقول للمجتمع الدولى انها معندهاش إستعداد أصلا أنها تلتزم بيها
إنا شايف ، أنه إذا مصر ملغتش الخدمة العسكرية ، يبقى على الأقل تمضى على المواثيق دى ، و تدى الحق لشبابها أنه يرفض الخدمة العسكرية إذا شاف أنها بتتعارض مع حريته أو معتقده الدينى
و كفاية بقى كسر للقانون الدولى و المواثيق الحقوقية الدولية

* المقال دة عبارة عن فصل من كتابى " لا للتجنيد الإجبارى " ، اللى عجزت عن نشره فى مصر

روابط ذات صلة
موقعى الشخصى ( به ملف كامل عن صراعى مع المؤسسة العسكرية بمصر )
http://www.maikelnabil.com/

نصوص الوثائق الدولية الصادرة عن مفوضية حقوق الأنسان بالأمم المتحدة ، و التى تقر حق الرفض الواعى
http://www.ebco-beoc.eu/page/1uside/document/doc5unhchr.htm

موقع المكتب الأوربى للرفض الواعى
http://www.ebco-beoc.eu/

حركة لا للتجنيد الإجبارى – مصر
http://www.maikelnabil.com/2009/03/blog-post_6862.html
http://www.facebook.com/group.php?gid=88554461720

موقع مفوضية الأمم المتحدة لحقوق الإنسان – عربى
http://www2.ohchr.org/arabic/index.htm

موقع مفوضية الأمم المتحدة لحقوق الإنسان – أنجليزى
http://www.ohchr.org/

#مايكل_نبيل_سند (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل