نقاش عام عن المرأة

جهاد علاونه

الحوار المتمدن-العدد: 2862 - 2009 / 12 / 18 - 19:58
المحور: كتابات ساخرة
    

المكان : جلسة عامة والمتواجدون من شتى المستويات التعليمية والاجتماعيه.

-شو أخبار الدنيا ؟

-صافيه وافيه .

-مافيش أخبار عن الإنتخابات ؟

-مش رايحه تضبط معنا ..بكره قرايبنا بنزلوا واحد ضدنا وبدعموه عامد متعمد.

-طيب خلينا انّزل وحده على الكوتا ؟

-مره؟! والله هزلت ..هذي الدنيا خربانه.

-أحسن ..هاظا الناقصنا يا أبوعلي .

-صدقوني لوتقبل زوجتي للترشيح غير أرشحها .

-إنت كافر علماني .

-شوهذي حقوق المرأه.

-حقوق المرأة حقوق المرأه الله يلعن المرأه وحقوقها , شو بدها المرأه أنا بدي أفهم شو بدها ؟.


-يا بو صالح هذول مش هدفهم المرأه.

-المرأه مهما صارت آخرتها في غرفة النوم...7.

-المره بتظلها مره .


-لعاد شو هدفهم يا دكتور؟.

-يا جماعه دعوا الخلق للخالق ..شو بدنا بالناس .


-هذول هدفهم إفساد الأمه.


-وليس الأمه بل الإسلام , الهدف تخريب الإسلام.


-والله معاليك جابها على الوجع , هذول هدفهم تدمير الإسلام وتهويد الأماكن المقدسه.

-هظاك اليوم على التلفزيون جابوا خبير في شؤون المرأه : وصار يحكي عن جلجامش وعن فلاسفه غربيين وصا ر واحد يقول : قال فلان وقال فلان .

-الله يلعن أبوه , ليش ما يقول قال عمر بن الخطاب أو قال أبوهريره .

-قال وما بدهوش العشائريه, بده يلغي العشا ئريه.

-زعلان من العشائريه؟

-آه زعلان.

-هاظا بتلاقيه بس يفوت على قرايبه بصبولوهوش قهوه وبحترموهوش.

-هههههه والله بجوز هيك القصه , عشان هيك بدهوش العشائريه؟

-يعني مش على شان العشائريه ضد التنميه ومؤسسات المجتمع المدنيه؟.

-هدفهم يابو علي واحد : وهو تدمير الإسلام كلياً.



-احتلوا الأندلس وحولوها إلى دوله مسيحيه وقضوا على الإسلام فيها , والآن بعملوا في فلسطين زي ما عملوا في الأندلس بدهم يهودوا فلسطين ويدمروا الوجود الإسلامي فيها .

-ونسونا الأندلس بعد ما احتلوا فلسطين وبكره كمان بحتلولهم أي دوله ثانيه وبنسونا فلسطين


-يعني انتوا حزنانين على الأندلس؟... هي كاينه ابلادكوا؟؟


-يا ابوعلي هذا عباره عن تدمير للإسلام.


-أنا بدي أسأل معاليك هي كاينه الأندلس ابلاد أمنا وأبونا ؟ هي لينا ؟ما هي أصلاً مش للعرب ولا عمرها كانت دوله اسلاميه إلا في فترة الاحتلال الإسلامي لها , وهي اليوم قد عادت إلى أهلها .

-طيب ماشي وفلسطين ؟

-يا جماعه دعوا الخلق للخالق يا ريت كل إنسان يبلش في حاله .


-على اليوم يطلع منها العرب , صدقوني غير اتصير أحسن من هيك ما فيش , طيب هذا العواصم العربيه حاكمينها العرب ومش إسرائيل , ليش ما اتصير أحسن من العواصم الأوروبيه؟.

-أبوصالح ..هذا كلام عملاء.

- لا والله إنه قد أتى بما لم يأت به الأولون والآخرون .

- صدقت يا شيخ جزاك الله خيراً..هذا كلام شيوعيين.

-ههههههههه...هههههه..خخخخخخخخههههه هه.


-شو ؟ شو؟ كلكوا بتضحكوا ؟اضحكوا على حالتكم .


- والله نسأل لك الشفاء .
-


- وأسألُ لكم النهضه.


-احنا موضوعنا كان عن المرأه شو دخل فلسطين والأندلس .

-والله بلشتكوا بلشه دعوا الخلق للخالق .


-ما هذول الآن بحاولوا يجعلوا من المرأه متمرده على زوجها .


- صح..يا دكتور , وعلى أبوها .


- والمحطات الفضائيه مش كلها سفاله ؟!.


-صح معاليك .

-هذا فساد للأمه .


-يا جماعة الخير : روحوا شوفوا الفساد ..البنت بتشتكي على أبوها والزوجه ابتخلع جوزها .

-المرأه يجب أن تطبخ وتنفخ للزوج..أي صدقوني أمي عاشت في إربد مع أبوي 35سنه ما كانت تطلع على الشارع كل سنه أوسنتين مره وحده , شو مالكوا؟


-أي هي نسوان أيام زمان مثل نسوان اليوم ؟

-أنا جدي أجته بنته مره مكتوله وإيدها مكسوره من كثر الكتل وبس سأل جوزها ليش كتلتها حكاله : مش راضيه تتعشا , فضحك جدي وقال : يلعن أبوها اكسر راسها كمان , وهذاك يوم وهذا يوم وماتت من الدنيا وما أجت على بيت جدي زعلانه .

-أي زلم أيام زمان ونسوان أـيام زمان ما بتلاقي مثلهن.

-شو نسوان زمان , مثل روتانا زمان؟

- فعلاً مثل روتانا زمان .

- ونسوان اليوم يا أبو الشباب مثل روتانا كليب , دايرات على الفياعه .

- أي والله بشوف بعض البنات ماشيات بالشارع وخلفيتهن بتهز هز , بس أشوفهن بسب على أبوهن وأبو أبوهن .

-صدقني عشانهن مش صاحاتلك, وابن العم بغار على بنت عمه بس اتكون مش صاحيتله وبس يعرف إنها بتميل لواحد ثاني عشان هيك بصير عنده شرف ,أنا بحكي ملاحظاتي ومشاهداتي.

-ليش ما تضربهن بالباكور يا أبو صالح؟.

- أي والله يشتكن عليّ , هنه مثل زمان , جدي الله يرحمه كانت كل بنات القريه يخافن منه , كان إذا شاف وحده منهن مش عاجبيته كان يمسكها ويضربها ولا حدى يقدر يسأل لا أمها ولا أبوها , وين أيم زمان , هسع المره بدها تخلع جوزها .

-من وين بدها تخلعه من النص؟أم الطرف ؟ أم من الشرش تبعه؟

-من جذوره يا بو حجي.

-شو بدكوا في الناس !!!على اليوم الواحد يقدر يدبّر حاله.


-الزلمه الهامل بستاهل ينخلع من قرميته من جذوره.

-ههه قال اتخيلوا أبو صالح رايح على المحكمه , وفي الطريق يلقاني ويحكيلي رايح يحضر جلسه في المحكمه عشان بنته رافعه عليه قضيه حريه وحقوق انسان .

-أي والله بطخها 16 طلقه وبلعن أبوها على أبو أمها .

-لويش يابوصالح ما هي صارت عند جيرانكوا .

-يلعن هيك أشكال ناس ما بتخجل ولا بتستحي على حالها .

-احنا شو بدنا فيهم ..يا جماعه دعوا الخلق للخالق .


-هذول هدفهم تدمير الإسلام..الإسلام يجعل من المرأة ملكة في بيتها ..الزوج يعمل ويخدمها وأولادها يخدموها وإذا عجز الزوج في الإنفاق على الزوجة المحكمة الشرعية تلزم أب الزوج وأشقاء الزوج في الإنفاق ..وكل طلباتها مجابه بالحال , ولذلك هم يحسدون المرأه المسلمه على هذه النعمه , ويريدون منها أن تكون تافهة مثل المرأة الأوروبيه.

-يا جماعه حطوا راسكوا بين الروس وقولوا : يا قطاع الروس.

-فعلاً المرأه المسلمه ملكه .

-إمبراطوره .

-صح يا دكتور ..كلامك عظيم ..المرأه شو بدها ؟ المرأه بدها - 1-احمار يجر,-2- إكواره أتهر عليها الطحين هر,-3- وواحد اسلاحه قوي يُعر فيها عر.

-ههههههخخخهخه ههه هههههههههههه , والله إنك جبتها شو بدهن النسوان أكثر من هيك اشي ..قال حقوق المرأه قال .

-هذول كمان ليهم هدف آخر من حقوق المرأه ..هذول بدهم ينسونا القضيه الفلسطينيه .

- لا لا كلامكم مش صحيح.

-أسكت انت أصلاً عميل ..بدك الاستعمار يرجع لينا وبدك المرأه تتبرج .

-صح ..وبعدين صار في كوتا للمرأه .


-أي كوتا يا بوصالح إذا الزلم في مجلس النواب مش نافعه.

-في هنالك عدة محاولات لإغراق الأمه في الوحل.

-أي وحل يا دكتور؟

-يا جماعه شو بدكوا بالعالم , أي دعوا الخلق للخالق.


-حقوق المرأه ..وحقوق الإنسان ..كلها هذه محاولات لإغراق الأمة الإسلامية في الوحل .


-يعني هيك رايك؟.

-هذا رأي الأمه .

-أمه فاسده يا دكتور وأنت متواطأ مع أنظمة الفساد العربيه.


-وأنت علماني كافر .

-أنا؟ أناكما قال عرار :

مالي على الناس من سُكري وعربدتي

ما لي على الناس من كفري وإلحادي.
أنا ما ببلش في حدى بس انتوا أعداء الحريات العامه وتشجعون أنظمة الفساد على إطلاق يدها في الأمة والناس.

#جهاد_علاونه (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل