شعارات لمسيرة ضد غلاء الاسعار

خالد منصور
عضو المكتب السياسي لحزب الشعب الفلسطيني

الحوار المتمدن-العدد: 2038 - 2007 / 9 / 14 - 11:54
المحور: كتابات ساخرة
    

ضد الغلاء
يا فياض ويا عباس
تعو شوفو هموم الناس
*****************
الاسعار زي النار
وحال الناس بانهيار
***************
للحكومة جينا نقول
للمشاكل حطي حلول
****************
بدنا رقابة عالاسعار
بدنا ضبط للتجار
***************
بدنا رقابة عالاسواق
جنون الغلا ما بينطاق
*****************
اسال نفسك يا وزير
شو اللي جبتو للفقير
غير الهم والتعتير
جينا نشوف المسئولين
في المالية والتموين
****************
جينا نوصل رسالة
لاصحاب المعالي
فقر وجوع وبطالة
ساءت والله هالحالة
***************
يا رئيس عليك اللوم
ليش الغلا بشهر الصوم
*******************
يا رئيس شعبك بسال
ضد الغلا شو راح تعمل
*******************
يا فياض وينك وينك
جنون الغلا قدام عينك
*****************

يا فياض وين المال
وشعبك عايش باسوا حال
*******************
شكرا شكرا يا وزراء
عا افقار الفقراء
عا تهميش الضعفاء
*****************
يا حكومة شوفي الحال
ليل الفقرا والله طال
*****************
لا لا للاجحاف
بدنا العدل والانصاف
*****************
ياستونا من الاصلاح
مجلس اجا ومجلس راح
وزير اجا ووزير راح
والفساد ما بينزاح
*****************
انتبهو انتبهو يا حكام
عرش الظلم عمرو ما دام
*******************
اسمع اسمع يا وزير
كرسي تحتك بكرة بطير
احنا بنسعى للتغيير
وغضب الفقرا والله كبير
*********************
يا وزير شعبك بسال
ضد الفقر شو راح تعمل
*******************
غول الفقر عم يزداد
وانتو عنا والله بعاد
****************
طل وشوف يا وزير
اسمع صوت الجماهير
******************
اسمع صوت المهملين
صوت الشعب المظلومين
*******************
يا فيض ويا عباس
خبز الناس وامن الناس
هو الاصل والاساس
*****************
يا اخوانا الوزراء
شوفو احوال الفقراء
*****************
صوت الشعب هادر هادر
يسقط يسقط جوع الكافر
*******************
يا رئيس الحكومة
حقوق الشعب مهضومة
*******************
الحرامية الهباشين
جرح بظهرك يا فلسطين
ناس بتربح ملايين
وناس بتشحد كيس طحين
*********************
للحكومة جينا نقول
هذا الغلا مش معقول
******************
يا وزارة ما بيصير
قعدتونا عالحصير
غول الغلا زاد كثير
****************
يا اصحاب الخامة
بدنا نعيش بكرامة
**************
يا وزير المالية
حوال الناس مهرية
****************
بدنا عدالة بالتوزيع
حقوق الفقرا ليش تضيع
*******************
مطالبنا بالتحديد
ابدا عنها ما بنحيد
******************
بدنا ضبط هالاسعار
بدنا نشعر باستقرار
*****************
صوت الشعب عالي عالي
والمسئول لا مبالي
*****************
يا زعامة هالبلاد
وين الدعم والاسناد
****************
بدنا خطة للانعاش
وحكي كثير ما بدناش
*******************
شبعتونا بالوعود
وصار الفقر بلا حدود
******************
بدنا عدالة بالتوزيع
وحقوق الفقرا اوعو تضيع
********************
يا زعامة هالبلاد
انتو بواد واحنا بواد
****************
الاصلاح والتغيير
شعارات للتخدير
الاسعار عم بتطير
والفقير عالحصير
***************
يا رئيس كيف كيف
شعبك بركض ورا رغيف
*******************

يا وزارة التموين
بدنا دعم للطحين
****************
الله يعينك يا فقير
بكرة العيشة كيف بتصير
********************
المسئول كرشو بكبر
ووضع الشعب عم بتدهور

#خالد_منصور (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل