يعقوب زامل الربيعي
الحوار المتمدن-العدد: 5374 - 2016 / 12 / 17 - 17:13
المحور:
الادب والفن
تدبي بيّهَ
وادبي بيّك،
ومن كثر نكاط البْروحي
على جناحك صُفيت
بس دبيب،
وين ما طاح ايتمَزّلك ،
ومن كثر ضيم اللهيب،
شب مثل عِطر البخور
بريحة المفخور بيك.
شهكَة منك
وشهكَه مني
وشتعلنا،
أوَسِديّنا أحلامنا
فوك المخاديد،
أوجَوّتينا مِشتهانه
بجيتْ آحاه ومَطِك.
جمر يتلوى بعطر
وعرس فوك الصرة
يتلاله شذر.
يالدِنَيّتك بالحلم
ويالنِدهتك بالحلم،
وأخ منك يا لبجيتك بالحلم
واشتهيتك بالحلم،
ونكَطتْلك مثل شمعة تحترك.
منين ما اجيسك
شتال الله
وصبر.
يا التمّر مثل القطار..
وارتجف مثل الجسر،
يلي غابة سحر عينك
وبيها ضيعت الدرب
أمنين ما شمك،
هِرش نعناع وَبْطين السواجي،
وأنه هروش روحي
سِباحهَ بصخر،
ومن عطشها
أتريد طين.
#يعقوب_زامل_الربيعي (هاشتاغ)
كيف تدعم-ين الحوار المتمدن واليسار والعلمانية
على الانترنت؟