إتعلّمي من التجرُبه

فرح محمد

الحوار المتمدن-العدد: 4204 - 2013 / 9 / 3 - 23:16
المحور: ملف فكري وسياسي واجتماعي لمناهضة العنف ضد المرأة
    

مش عشان مَريتي بتجربه زواج سابقه وحصل انفصال يبقي تقفلّي كل ابواب حياتك او تدوّري علي اي فرصه تانيه بدون وعيِ
لِمُجرد انك عاوزة تهربي من نظرةً المُجتمع ليكِ كَ إمرأه مُنفصِله,
لو كان الناس اللي حواليكي عاشوا تجربتك اللي هي أكيدّ تجربه طبيعيه ان يكون فيها اختلافات جعلّت من حياتك مع الطرف الأخر عدم استمراريه ,
وفضلّتي الإنفصال عن انك تعيشي حياه مش مُناسبه ليكِ يمكن كانوا حَسّوا بيكِ (ده لو فيه حد بيحسّ :)
مَتعشيش كلام الناس وتعملّي له قيمه وتخلّي جواكِ فجوهَ وعدم تصالُح نفسي وانك تعرفي ان دي فترة عدّت وعليكِ انك تتعلّمي منها وتراجعي نفسك
وتشوفي الخطأ كان فين ومن مين؟!
ممكن تكونِ انتِ اللي علي خطأ في اختيارك وتعجُلّك بالزواج من غير تفكير من غير وعيِ وادراك انها حياه وعِشرة
ولازم تكونِ مُؤهله لِلحياه دي ومسؤليتها , اتعلّمي الاول انتِ عاوزة ايه؟ وايه اهدافك اللي هَتخليكي بعد كده علي قدر من المسؤليه في الاختيار السليم؟
/إتعلّمي من تجرُبتك ومَتتكسفيشّ منها لِان كل تجربه بتمُر في حياتنا ليها تأثير علي شخصيتنا ,
عيشيِ حياتك الجايه بطريقتك انتِ واللي كُنتي مش عارفه تحققيه قبل كده ارجعي تاني وحققيه ومَتفكريشّ في نظرةً المُجتمع
لِأن مَحدش بيعيش تجارُب غيره ولا بيحسّ ازاي طعم الألم النفسي اللي بيمُر بيه اي حد, من الأخر مُجتمعنا مُصاب بداءّ الخَرف الفِكري والإنهيار العقلي
وعليكي إنك تُخرُجي من المُستنقع ده بنفسك وبإرادتك وتكوني حُرة في اختياراتك الجايه لِانها مِلكك انتِ مش مِلك المُجتمع..
بقلم/فرح محمد..

#فرح_محمد (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات