حسين جهيد الحافظ
الحوار المتمدن-العدد: 4165 - 2013 / 7 / 26 - 01:50
المحور:
الادب والفن
چنه إزغار
إو نكتب فوگ الماي
إحروف إمفرعه
نزرع بسمه إبظل الدمعه
گتلك من نكبر شنسوي
گتلي إبحرگة عاشگ
وي بسمة شفه
والله الحب الخضر بينه
لتظن يوم إنودعه
إشما يكبر ..!!
طفله إنرجعه
إبخد النجمه أحلام إنزرعه
أنرد أيّامه إو نلعب
عظم اللاح
إو طاق إو صگله
أنخوف حته الطنطل
والسعلوه
وإنسولف
عن قيس إو ليلى
عن غيده إو حمده
إو عن فدعه
عيد إنرسمه
فوگ إرموش العين إنطبعه
إو نتعبد كل ليلة جمعه
كبَّرت أحلامي إبسد حيك
شمعه إتموت .. إتوگد شمعه
وآنه إو شوگي ..
إعيون حسين إبرمشه الدمعه
تانيتك وأحلامي أطفال
هذا إنهزه
إو هذا إنلوليه إبحنيه
إو ذاك إنرضعه
طگت روحي إبفي ترچينك
ليل إو نجمه ....
رمش إو دمعه
وأحلام إتغرد ورديه
شوگ إمفرعه
شوووووگ إمفرعه
#حسين_جهيد_الحافظ (هاشتاغ)
كيف تدعم-ين الحوار المتمدن واليسار والعلمانية
على الانترنت؟