كلاكيت من الفرن

محسن لفته الجنابي
كاتب عراقي مستقل
(Mohsen Aljanaby)

الحوار المتمدن-العدد: 4001 - 2013 / 2 / 12 - 00:35
المحور: المجتمع المدني
    

دخل صلاح على أمّه فرحا" فقال لها : يمه كَاعد يوزعون مليون ونص و سيارة و مسدس لكل واحد يصير وياهم وهسّه موجودين بالبلديات و المدينة ومناطق بغداد الجديدة , ومحد يقبل يسجل ويّاهم , شنو رأيك أسجل وأستفيد أحسن ماكَاعد لاشغل ولاعمل ؟

الأم : ولك صلاح چفينا شرّك , تريد تصير مثل أبن خالتك وسام اللي هجم بيت أهله , صار ويّه جماعة مثل ذوله ومافادته الملايين و لزموه وأنحكم خمسطعش سنة و النوب أنهزم من السجن بتكريت , وأنقتلت أمه خوله و أخته نورا والچتّاله من ربعه لأن أمه تهمتهم و أشتكت عليهم لأن ورطوه وأبو مسجون ومثبتين عليه لأن مخابر أبنه وكل المصايب صارت بسببه و راها شرد لسوريا وهناك هم مابطّل سوالفه وراح ويّه جماعة ثانية و أنقتل قبل أكثر من شهر و حتى جثته ماجابوها والبارحه سمعوا أهله بالخبر وسووله فاتحه بتكريت هم لازم أروح باچر لأن محسوب عليّه , أبن أختي اللي هجم بيت أهله وطفت عائلته , تريد تصير مثله ؟ على بختك وليدي ..
يمه هاي فتن ودم العالم مايروح هدر , ودار الظالم خراب يمّه , خلي صفحتك نظيفة ولاتبتلش لأن تاليك تصير قاتل ماينفرشلك فراش ولاتنقبل شهادتك ويحاربك الله وعباد الله

تراجع صلاح عن الفكرة الشيطانية بعد أن أستوعب المشهد وأستشعر هول الخطر وقال دامعا" :

يمّه وداعتچ قالب محنّه نصير
حايط واحد مرصرص تشوفينا
جسر لأخوتنا نبقى و زين تدرين
تربيتچ زلال ودغش مابيها
أحنا طوع أمرچ كَولي يايوم
لو ألمن اللولت ألمن ليا يوم
أولاد العراق .... وبيه تربينا

#محسن_لفته_الجنابي (هاشتاغ)       Mohsen_Aljanaby#          

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات