نار الخيمة ترفد شعلة الثورة

تحرػـــون الخيم نبني دواوين
ونفرّع ورد بفطور الروازين

ما نرهب رصاص الغدر، أبطال
ولا يكسرنا قناص بلثامين

نشع شمس وحضارة وفكر وأخلاق
وننشر فرح بوجوه الدرابين

حلوات العراق اليوم لبوات
يطشن عالجرح طيب ورياحين

تلميذات طلعن سوّن اضراب
يرفعن علم غصباً عالشياطين

وطبيبات وحبيبات وأرامل
صنعن مجد من الحرمان والطين

وثكالى يخبزن الدمعة للأبطال
عجنن دمهن بػـــاع الفراتين

وعرايسنا تزف عرسان للموت
وتتنومس فرح حتى الحياطين

تخيب أحزابكم كومة بزازين
لبساطيل العدو ظلوا قياطين