الى الخالد كاظم إسماعيل الگاطع

جواد القابجي

الحوار المتمدن-العدد: 3806 - 2012 / 8 / 1 - 18:00
المحور: الادب والفن
    

أريد اغفه اعله گبرك مشتهي النوم
ليالي اهوايَ مرَّت وانه سهران
إلبچی مافادني اولا أثَّر اللوم
اوما وچِّد صرت بهمومي سكران
*************
چنت حسبالي اشوفك ولوْ لحظات
اوما أدري لِفراگ اسهامه خطره
ولا أدري الزمن وشبيه غدرات
على ساعه اوتشوف اشكُبر غدره
إله بفراگنه هالزمن عملات
حَسَدْ لمَّتنه وَصْدَر ظُلُمْ أمره
او ذبنه اعللمنافي او طُعُم للحوم
اوعطاشه اچبودنه الجلساتْ خلّان
غريبين او منعرف .. ساعه لو دوم
تعيش اعللأمل تتلاگه الاخوان
****************
رحت .. ماگتلي رايح .. چان ويّاك
ليش اتعوفني للهم والآلام
هاي امروِّتك يالگتلی عيناك
جفيت او بعدك العينين متنام
حِرت ورجيت بالأحلام ألگاك
وذا نومي فگدته امنين الأحلام
بگیت اويالهموم امعارك او گوم
بس الضيم اجاني اركاض لهفان
بعد شصنع شسوِّي بعدك اليوم
اوصارت هیچ دنيانه ام الأحزان
*****************

#جواد_القابجي (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات