بيضا زى الفل..الراس

محمد سليم

الحوار المتمدن-العدد: 1903 - 2007 / 5 / 2 - 02:13
المحور: كتابات ساخرة
    

دماغي نأحت علىّ شويه..و نفوخى حسيت كده أنه مهنج..قلت يا واد ؛ قوم سخن دماغك وألبس طاقية وفوقها عِمّة أبوك المرحوم ..وولعت سيجاره لجل ينعدل دماغي المايل وأصحصح حبتين فى الشبكة العنكبوتية ..صفحة والتانية ..لقيت الدوا جاهز ومكتوب بالعربي ( نصائح في الدماغ )..؛ أقرأ يا واد يا سليم بسرعة ؛ البيان رقم واحد 1- تغطية الرأس تزيد من تركيز ثاني أكسيد الكربون وتقلل من تركيز الأوكسجين مما يؤدى لتأثيرات سلبية على الدماغ .. ،بسرعة رميت الطاقية والعمّة ..و هرولت على السطر التانى 2- التدخين يسبب انكماش خلايا المخ وربما يؤدي إلى مرض الزهايمر الرعاش...يا لطيف اللطف ..هوآ جرى ورمح ومن شرفة الدور الرابع رميت السيجارة ووراها علبة السجاير برُمّتها ..وقلت ؛ يا واد فوّت بقه على المطبخ وأنت راجع واعمل لك سنتدوتش مع كُوباية شاي ماهو أنت مصلوب على ألنت من صبحية ربنا وأكيد دخل فيروس فى دماغك وألا برنامج تلصص وتحتاج تقوية وتثبيت ..وقد كان ؛قضمة سنتدوتش ورا شفطة شاي ..وعيب كمل قراءة وأشكر الكاتب.. 3- الإفراط في تناول الأكل يسبب تصلب شرايين الدماغ مما يؤدي إلى نقص في القوة الذهنية...رجعت الأكل كله وأتغميت قوى.. أصّلى افتكرت أنى أتعشيت من ربع ساعة بس ..وضربتْ دماغي في بعضها ؛ وراسي وألف بُلغّة قديمة أنّى آكل الصفحة لأخرها .. ؛4- تناول السكريات يسبب سوء تغذية الدماغ وقد يتعارض مع نمو المخ ..، هوووه انا ناقص تصغير مخ وألا سوء تغذية ويا داهية دقي الأكل منه معارضة وموالاة مِتِل السياسات العربية ..، بلاها شاي ، 5- استنشاق هواء ملوث يقلل دعم الدماغ بالأكسجين مما يقلل كفاءة الدماغ...قفلت الشبّاك بالترباس ورديت باب البلكونة وقلت ؛ أكيد الدكتور ده سياسي وبيدعم الحكومات المايلة على الجهة الغربية أو من كُتاب كولن باول ؛6- الحوار الفكري مع الآخرين يساعد على ترقية فعالية الدماغ.. ، قلت بصوت ؛ الله الله.. أحلى فقرة وهيا دى المشورة وإلا بلاش ..دخلت (موقع ألكترونى زحمة ) وكتبت شوية تعليقات ( أشلبدة) ..انتظرت ساعة إنها تتنشر ..متنشرتش ..تذكرت ان الساعة عدت اتنا شر ليلا و مراقب التعليقات في سابع نومة وزمانه بيشخر شخير أو لابس طاقية من الصداع من رذالة وسخافة المعلقين ..أعمل حوار فكرى مع مين دلوقتى يا ناس ؟ .. أحاور نفسي ! ؛أنت لسه صاحي يا مخّفي ؟هو ما قالت لي أمي بالحرف الواحد، - دماغي يا حاجة هيطير منى ، وضعت أمي يديها في صدرها وأخرجت منديلا من القماش وحزّمت رأسي مع قلمي الرصاص و( برمت القلم كآم برمة ) لتعصر رأسي جيدا وليخرج الصداع ..عصر وبرم وزيادة في العصر .. ،- يا حاجة بالمفتاح أفضل ؟ ..باس يا حاجة كفاية ..خفيت، قالت أمي ؛ يا واد كفاية و أرحم نفسك وصحتك ، ركِبت راسي وقلت ؛ أكتب بالفلاحى
.. اللي حصل من باب تضييع الوقت ..ولأعاود قراءته بصوت عال ..عملا بالنصيحة ؛7- القراءة بصوت عال تحافظ على الدماغ شابا ..على الووورد وأفتح يا سمسم ..وهات يا كتابة ؛ كلمة في الثانية.. يا خبر أسود وليلة زرقا..؟!.. طنّشت فى الأول وعملت مش فاهم .. وقلت في نفسي أصبر يمكن ينعدل حاله أو ينعدل دماغك ..أو يمكن هوووه مُنرّفزْ شوية ...لأ ..ده أسّمهُ عِنّد ونشُفِية دماغ بصحيح ..و بكل ألوان الطيف ! ..يا خراب بيتك يا سليم ..مفيش ولا كلمة حلوة..؟.. ايه العمل فى المصيبة دى ؟.. (الكلام ؛ بيسرسب دم أحمر وإللى عنيه زرقا واللي لابس كورنيش أخضر ) .برنامج الووورد أبن ستين كــــــ.....
مش سليم ..وإذا كنت آنى أسمى سليم وموجوع الراس يبقى هووه الحديد سليم !؟..، ليصحو الولد ؛ مسكت أبنى من رأسه وبصوت عال؛ أصحي يا بابا .. - خير يا بابا ؟..- الووورد ..- ماله ؟..- بيلون كل كلمة ! ..- نام يا بابا والصباح رباح ..،و بصوت زئير الأسد صحت فيه ؛ أصحي يعنى تصحي ...،- يا بابا البرنامج جديد وذاكرته صُغّيرة مش قوى والكلمة اللى ملونة ؛ بكلك يمين على راس الفارة و ضفها لقاموس البرنامج ..، تركت الولد..، وبالفارة كلك يمين ..وكلمة كلمة ..ومن أول سطر فى راسه حتى ساسه .. أضفت المقالة كلها في القاموس..طلعت المقالة مِتِل ما أنت شايف زى الفل (بيـــــــضا )..ولا كلمة واحدة خطأ ..هتفتُ ؛ الحمد لله راسي تمام ..
هتفهم أحسن من الوورد ..؟!...
__________________

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل